ណាហ្គាវើលចុះកុងត្រាយកខ្សែប្រយុទ្ធកណ្ដាលម្នាក់កម្ពស់ជិត២ម៉ែត្រមករួមក្រុម
ក្លិបណាហ្គាវើលបានប្រកាសចុះកុងត្រាយកខ្សែប្រយុទ្ធថ្មី Leuca Petru សញ្ជាតិម៉ុលដាវី មកជួយក្រុមប្រកួតប្រជែងពានរង្វាន់ Metfone Cambodian League 2021 ។
កីឡាកររូបនេះមានកម្ពស់១.៩៣ម៉ែត្រលេងក្នុងជំហរប្រយុទ្ធកណ្ដាល។ គេគឺជាកីឡាករដែលសំបូរបទពិសោធន៍លើទីលាន ដោយធ្លាប់ជាប់ជម្រើសជាតិឈុតធំ ម៉ុលដាវី ក្នុងឆ្នាំ២០១៩និងជម្រើសជាតិយុវជន U-16,U-17,U-19,U-21 ជាហូហែរផងដែរ។
សម្រាប់ក្លិបអាជិពវិញ Petru ធ្លាប់លេងឲ្យក្លិបលីគកំពូលជាច្រើននៅប្រទេសផ្សេងៗគ្នាមានដូច៖ ជាលីគកំពូលប្រទេស អ៊ុយក្រែន,លីទុយអានី, គុយវ៉ែត, ក្រិក,អូម៉ង់,អ៊ីតាលី(លីគ២) និង លីគគំពូលឥណ្ឌា។កីឡាកររូបនេះ បង្ហាញខ្លួនឲ្យជម្រើសជាតិម៉ុលដាវី ឈុតធំ លើកដំបូងនៅអំឡុងឆ្នាំ២០១៥ ក្នុងការប្រកួតមិត្តភាពជាមួយប្រទេសរ៉ូម៉ានី៕
ព័ត៌មានថ្មីៗ
