បាល់ទាត់អាស៊ាន៖ ក្លិប Sri Pahang រកបានម៉ាស៊ីនផលិតគ្រាប់បាល់ពីអ៊ុយក្រែនមកជំនួស Sergio Aguero
រដូវកាលដោះដូរកីឡាករក្នុងលីគគំពូលម៉ាឡេស៊ីសម្រាប់ពេលវេលាបើករដូវកាលពេលនេះនឹងត្រូវបិទបញ្ចប់នៅថ្ងៃស្អែក ប៉ុន្តែក្លិប Sri Pahang បានរកឃើញម៉ាស៊ីនផលិតគ្រាប់បាល់របស់ខ្លួនពីប្រទេសអ៊ុយក្រែន ដោយចុះកុងត្រាយកខ្សែប្រយុទ្ធYevhen Bokhashvili មកជំនួសខ្សែប្រយុទ្ធសញ្ជាតិអាហ្សង់ទីន Sergio Fabian Ezequiel Agüero ។
គេដឹងថាAgueroនឹងត្រូវចាកចេញពីក្លិបទៅលេងខ្ចីជើងនៅក្លិបណាផ្សេងរហូតដល់គាត់ឈានដល់កំណត់ពេល៥ឆ្នាំដើម្បីអាចធ្វើការចូលសញ្ជាតិម៉ាឡេស៊ីហើយលេងជាកីឡាករក្នុងស្រុកសម្រាប់ក្លិប Sri Pahang។ វិស័យបាល់ទាត់អាស៊ីគ្មានអ្វីគួរឲ្យចម្លែកនោះទេ សម្រាប់វត្តមាន Bokhashvili ខណៈដែលអតីតយុវជនជម្រើសជាតិអ៊ុយក្រែនរូបនេះធ្លាប់លេងនៅក្លិបឥណ្ឌូនេស៊ី PS Slemanហើយរូបគេក៏ជាកីឡាករម្នាក់ដែលស៊ុតបញ្ចូលទីបានច្រើនជាងគេក្នុងលីគកំពូលឥណ្ឌូនេស៊ី( Indonesian League 1)រដូវកាល២០១៩ផងដែរ។
រូបគេក្លាយជាម៉ាស៊ីនរកគ្រាប់បាល់ងហើយក្លាយជាកីឡាករសំណព្វចិត្តរបស់អ្នកគាំទ្រក្លិប PS Sleman ក្រោយបង្ហាញខ្លួនបាន៣៦ប្រកួតរកបាន១៦គ្រាប់ហើយធ្លាប់បានក្លិបជាច្រើនក្នុងប្រទេសឥណ្ឌូនេស៊ីតាមប្រមាញ់ផងដែរ។នាយកប្រតិបត្តិ PS Sleman លោក Marco Gracia Paulo បានពន្យល់ថាពួកគេបានព្យាយាមអស់ពីសមត្ថភាពដើម្បីរក្សាខ្សែប្រយុទ្ធដ៏សាហាវរូបនេះ ប៉ុន្តែ Bokhashvili បានជ្រើសរើសឱកាសលេងក្នុងលីគកំពូលម៉ាឡេស៊ីជាមួយក្រុម Sri Pahang FC ។
Yevhen Bokhashvili ក៏ធ្លាប់លេងឲ្យក្រុមជម្រើសជាតិអ៊ុយក្រែនអាយុក្រោម ១៧ ឆ្នាំទៅក្រោម ២១ ឆ្នាំផងដែរ។ វត្តមានរបស់គាត់ជាមួយនឹងខ្សែប្រយុទ្ធនាំចូលមកពីទីម័រខាងកើតនឹងបង្កើនកម្លាំងម៉ាស៊ីនគ្រាប់បាល់របស់ Pahang នៅរដូវកាលនេះកាន់តែខ្លាំង៕
ព័ត៌មានថ្មីៗ
