Sir Alex Fergusonទម្លាយថាកាលជំនាន់លោកដឹកនាំ Man Utd មានកីឡាករលំដាប់ World Class តែបួននាក់គត់
-លោក Sir Alex បានបង្វឹកកីឡាករសឹងថារាប់រយនាក់ទៅហើយអំឡុងពេល២៦ឆ្នាំដែលលោកកាន់តំណែងជាគ្រូបង្វឹកនិងអ្នកចាត់នៅកីឡដ្ឋាន Old Trafford.
-Giggs, Scholes, Cantona និង Ronaldo បួននាក់នេះគឺជាកីឡាករលំដាប់ពិភពលោកសម្រាប់គាត់ហើយ តែលោកបែរជាមិននិយាយសរសើរទៅវិញ។
និយាយក្នុងកាសែត Sky Sports កាលពីឆ្នាំ២០១៥ Sir Alex Ferguson ថ្លែងបែបនេះ: “ ខ្ញុំមិនបានបន្ទាបបន្ថោក ឬរិះគន់កីឡាករបាល់ទាត់ឆ្នើមៗរបស់ក្លិប ឬកីឡាករណាម្នាក់ដែលបានលេងឱ្យខ្ញុំ ក្នុងអំឡុងពេលកាន់អាជីពដឹកនាំ ២៦ ឆ្នាំរបស់ខ្ញុំនៅ Manchester United នោះទេប៉ុន្តែមានតែបួននាក់ប៉ុណ្ណោះ ដែលជាកីឡាករលំដាប់ពិភពលោក(World Class)"។
"នៅពេលដែលយើងនាំ Eric Cantona ចូលមកកាន់ក្រុម យើងបានឈ្នះលីគនៅរដូវកាលនោះ។ វាគ្រាន់តែជាវត្តមាន និងសមត្ថភាពរបស់គាត់ក្នុងការរកគ្រាប់បាល់បញ្ចូលទីប៉ុណ្ណោះ។ យុវជនថ្នាលវ័យក្មេងដូចជា Ryan Giggs និង Paul Scholes គ្រាន់តែជាកីឡាករឆ្នើមប៉ុណ្ណោះ។ រឿងដែលចង់ចាំសម្រាប់ពួកគេទាំងពីរគឺលេងឲ្យយើងបានយូរបំផុត"។
"តើមានកីឡាកររូបណាដែលលេងបានត្រឹមត្រូវ ពេញមួយរដូវកាលនៃក្របខ័ណ្ឌ Premier League ហើយបង្ហាញទម្រង់លេងដល់កម្រិតដែលពួកគេមាន? គ្មានទេ! ខ្ញុំថាគ្មានទេ។ ហើយជាការពិត! Cristiano Ronaldo គ្រាន់តែជាមនុស្សម្នាក់មានទេពកោសល្យពេញលេញក្នុងនាមជាកីឡាករម្នាក់ប៉ុណ្ណោះ។ គាត់ប្រៀបដូចជាគ្រឿងផ្ដាភ្លើងដែលតុបតែងនៅលើកំពូលដើមឈើណូអែលប៉ុណ្ណោះ” ។
អ្វីដែលគួរឱ្យកត់សម្គាល់! ក្នុងបញ្ជីកីឡាករ World Class របស់លោក Sir Alex គ្មានកីឡាកររួមមានដូចជា Roy Keane, David Beckham និង Wayne Rooney ដែលសុទ្ធតែជាកីឡាករជួយក្លិប និងធ្វើរឿងគួរឲ្យភ្ញាក់ផ្អើលនៅ Old Trafford ៕
ព័ត៌មានថ្មីៗ
