Didier Drogba ថាកាលជំនាន់គាត់លេងនៅ Premier League មានតែខ្សែការពារ២រូបនេះប៉ុណ្ណោះដែលពិបាកប្រឈមមុខជាងគេ
ខណៈដែលកំពុងលេងឲ្យ Chelsea Drogba មិនបានស៊ុតបញ្ចូលទីច្រើននោះទេ ទល់នឹងក្រុមបិសាចក្រហម Manchester United ។
ត្រឡប់ទៅកាលពីឆ្នាំ២០១៥ Rio Ferdinand សម្ភាសខ្សែប្រយុទ្ធក្លិប Chelsea កីឡាករ Didier Drogba ក្នុងកម្មវិធីមួយរបស់ BT Sport។
វីរបុរស Chelsea រូបនេះនិយាយថា៖" ដើម្បីស៊ុតបញ្ចូលទីទល់និងក្រុម United មានន័យថាទាល់តែខ្ញុំមានការប្រកួតមួយដ៏ល្អ។ តាមការរំពឹងទុកខ្ញុំពិតជាចាប់អារម្មណ៍មកលើខ្សេការពារក្នុង Premier League ២នាក់"។
អតីតខ្សែការពារ Manchester United បានសួរទៅកាន់ Drogba អំពីការប្រកួតដ៏តឺងតែងបំផុតលើទីលានក្នុងប្រទេសអង់គ្លេសហើយ Drogba តបទៅថា៖" ដូចដែលខ្ញុំតែងតែនិយាយអីចឹងគឺអ្នក និង Vidic"។
"មានគេថាខ្ញុំរកបានគ្រាប់បាល់បានតិចពេលលេងទល់នឹង Manchester United ហើយខ្ញុំចង់និយាយថាពេលដែលខ្ញុំស៊ុតបញ្ចូលទីទល់នឹង Manchester United ខ្ញុំពិតជាសប្បាយរីករាយណាស់ ដោយសារតែខ្ញុំមិនអាចស៊ុតបញ្ចូលទីបានច្រើន"។
អតីតកីឡាកររបស់ក្រុមតោខៀវ Chelsea បន្តថា៖" ដូច្នេះសម្រាប់ខ្ញុំក្នុងការស៊ុតបាល់បញ្ចូលទីទល់នឹងអ្នក មានន័យថាខ្ញុំមានការប្រកួតដ៏មួយល្អ។ ដូច្នេះអ្នកទាំងពីរ ហើយនៅមាន Carles Puyol ម្នាកទៀត ព្រោះគាត់ជាខ្សែការពារល្អហើយរឹង ប៉ុន្តែគាត់ជាសុភាពបុរសម្នាក់នៅក្រៅទី លាន"។
មកដល់ពេលនេះ! Vidic និង Ferdinand ត្រូវបានគេដឹងថាជាកីឡាករដ៏គួរឱ្យខ្លាចបំផុតក្នុងតំបន់ការពារ និងជាខ្សែការពារកណ្ដាលដៃគូល្អបំផុតក្នុងបាល់ទាត់សម័យទំនើប។
គ្មានអ្វីប្លែកទេ! ដែលខ្សែប្រយុទ្ធដូចជា Drogba ដែលរកបាន ១៩៧ គ្រាប់ឱ្យក្រុមតោខៀវ Chelsea គោរពពួកគេទាំងពីរយ៉ាងខ្លាំងនោះ។
ព័ត៌មានថ្មីៗ
