រកលុយ និងនៅកំដរកូន តើអ្នកគិតថាមួយណាសំខាន់ជាង?

• 2021-01-15

#រកលុយហើយនិងនៅកំដរកូនតើអ្នកគិតថាមួយណាសំខាន់ជាង?

១. ពេលវេលាដែលឪពុកម្តាយអាចនៅកំដរកូនគឺមានតែប៉ុន្មានឆ្នាំប៉ុណ្ណោះ បើខកខានហើយ គឺមិនអាចត្រឡប់ថយក្រោយម្តងទៀតបានឡើយ។

២. ទារកចាប់ពីកើតរហូតដល់៣ឆ្នាំ អ្នកណានៅមើលថែ ពួកគាត់នឹងស្និទ្ធស្នាលជាមួយអ្នកនោះ។ ក្មេងដែលទើបកើតមកដល់ពិភពលោកនេះ គឺភ័យខ្លាចភាពឯកា និងការបោះបង់ណាស់។

៣. ក្មេងពីអាយុ៣ឆ្នាំ ដល់១២ឆ្នាំ ជាពេលកំពុងចម្រើនបញ្ញា ការយល់ដឹង ឪពុកម្តាយចាប់ផ្តើមបង្រៀនពីច្បាប់ទម្លាប់ល្អ កំណត់វិន័យត្រឹមត្រូវ។ ក្មេងដែលខ្វះការអប់រំ គ្មានសីលធម៌ល្អ ពិបាកទទួលបានការគោរព និងឱ្យតម្លៃពីសង្គមណាស់។

៤. ក្មេងអាយុពី១៣ឆ្នាំ ទៅ១៨ឆ្នាំ និយាយពីគោលដៅ និយាយពីសង្គមខាងក្រៅជាមួយកូន កូនទើបឋិតក្នុងវ័យលាស់ត្រួយ កំពុងចាប់ផ្តើមវាយតម្លៃពីពិភពលោក គុណតម្លៃ និងឆាកជីវិតមនុស្ស យើងដែលជាឪពុកម្តាយអាចនៅកំដរប្រឹក្សា និងជួយតម្រង់ផ្លូវឱ្យកូន ទើបកូនៗមិនយល់ខុស គិតខុស ដើរខុសផ្លូវ។

៥. ក្រោយអាយុ១៨ឆ្នាំ កូនមានមិត្តភក្រ្ត មានទំនាក់ទំនងក្នុងសង្គមរបស់គេ មានគោលគំនិតរបស់គេ។

នៅពេលអ្នកចាប់ផ្តើមចង់នៅកំដរពួកគេ តើពេលនោះពួកគេនៅត្រូវការអ្នកទៀតដែរឬទេ?

នៅពេលអ្នកចាស់ទៅ អាចមានកូនចៅនៅកំដរ នោះជាទឹកចិត្តរបស់ពួកគេ។

រវាងការរកលុយ និងនៅកំដរ តើអ្នកម្តាយទាំងអស់បែងចែកច្បាស់លាស់មួយណាសំខាន់ មួយណាបន្ទាប់បន្សំហើយឬនៅ?

រក្សាសិទ្ធិ និងបកប្រែដោយ ៖ សុខ គឹមទៀវ