បាល់ទាត់៖ ក្លិបបាល់ទាត់ព្រះខ័នរាជស្វាយរៀងទិញបានខ្សែការពារសញ្ជាតិអៀកឡង់ Patrict Barrett មករួមក្រុម
ក្លិបបាល់ទាត់ ព្រះខ័នរាជស្វាយរៀង បានប្រកាសពីការចុះកុងត្រាយកខ្សែការពារ Patrict Barrett (Paddy)មកជួយក្រុមត្រៀមប្រកួតក្នុងពានរង្វាន់ Metfone Cambodian League រដូវកាល២០២១ ដែលនឹងចូលមកដល់ក្នុងខែមីនាខាងមុខ។
កីឡាករសញ្ជាតិអៀឡង់ ធ្លាប់លេងឱ្យក្លិប Dundee United, Waterford, Galway United F.C., Dundalk និងក្លិបក្នុងលីគអាមេរិកFC Cincinnati និង ក្លិបIndy Eleven ដែលជាក្លិបលេងក្នុងលីគ USL Championship នៅរដ្ឋ Indiana សហរដ្ឋអាមេរិក។
Patrict Barrett គឺជាកីឡាករកូតាបរទេសទី៤ហើយរបស់ក្លិបមានមូលដ្ឋាននៅខេត្តស្វាយរៀង ខណៈកីឡាករដទៃទៀតមានដូចជា ៖ Thiago Santos, Privat Mbarga, Daisuke Kobayashi ។ ខ្សែប្រយុទ្ធសញ្ជាតិអេស្ប៉ាញ Mika ដែលជាកីឡាករកូតាបរទេសទី៥ក៏ក្លិបគ្រោងនឹងបង្ហាញខ្លួនក្នុងពេលឆាប់ៗនេះដែរ។
រូបថត៖ Preah Khan Reach Svay Rieng FC
ព័ត៌មានថ្មីៗ
