រឿង៣យ៉ាងដែលអ្នកគិតថាវាជារឿងកំប្លែង សើចសប្បាយ តែវាកំពុងតែប្រែក្លាយជាទុក្ខវិបត្តិរបស់អ្នកដទៃទៅវិញទេ
មានរឿងមួយចំនួន ពេលខ្លះយើងគិតថា វាប្រហែលជានិយាយចេញទៅនឹងធ្វើឱ្យសប្បាយ ជារឿងកំប្លែងសម្រាប់សើច ប៉ុន្តែការពិតវាមិនមែនដូចយើងគិតទេ ពេលខ្លះ វាអាចជារឿងទុក្ខសោករបស់អ្នកទៅវិញទេ។
១. លេងសើចនឹងគុណវិបត្តិរបស់អ្នកដទៃ
មនុស្សម្នាក់ៗមានពិការភាពជាក់លាក់ទាំងផ្នែកចិត្តវិទ្យា និងសរីរវិទ្យា ពីព្រោះបន្ទាប់ពីទាំងអស់គ្មាននរណាម្នាក់ល្អឥតខ្ចោះទេ។ សូម្បីតែពួកគេខ្លួនឯងក៏មិនសប្បាយចិត្ត និងឈឺចាប់ខ្លាំងដែរជាមួយនឹងស្ថានភាពមួយចំនួននៅក្នុងជីវិតរបស់ពួកគេ។ ដូច្នេះកុំយកកំហុស របញ្ហាជីវិតរបស់អ្នកដទៃមកលេងសើច និងនិយាយសើរើធ្វើឱ្យគេអាក់អន់ស្រពន់ចិត្តទៀតអី។
ពេលខ្លះអ្នកគ្រាន់តែលេងសើចវាមិនអាក្រក់ទេ ប៉ុន្តែសម្រាប់មនុស្សដែលត្រូវបានគេលេងសើចគឺឈឺចាប់ណាស់។ គិតឱ្យបានល្អិតល្អន់មុននឹងនិយាយលេងសើច។ ស្រមៃមើលបើពួកគេនិយាយពាក្យបែបនេះចំពោះអ្នក យករឿងរ៉ាវ និងបញ្ហាក្នុងជីវិតអ្នកមកលេងសើចវិញ តើអ្នកនឹងមានអារម្មណ៍បែបណា?
សូមនិយាយលេងសើចតាមរបៀបគួរសម និងមានក្រមសីលធម៌កុំល្ងង់ក្នុងការធ្វើឱ្យអ្នកដទៃអាក់អន់ចិត្ត។ ពេលខ្លះពួកគេមិនខឹង និងនិយាយអំពីខ្លួនឯងទេ ប៉ុន្តែពួកគេនឹងទទួលរងនូវការឈឺចាប់។
២. កុំយករឿងឯកជនរបស់អ្នកដទៃមកលេងសើច
មនុស្សគ្រប់គ្នាក្នុងជីវិតនេះ តែងតែមានអាថ៌កំបាំងដែលមិនចង់ឱ្យមនុស្សជាច្រើនដឹងអំពីវា។ ប្រសិនបើអ្នកមានសំណាងគ្រប់គ្រាន់ ដែលមាននរណាម្នាក់ប្រាប់អាថ៌កំបាំងរបស់ពួកគេឱ្យអ្នកបានដឹង នោះមានន័យថាពួកគេជឿជាក់ និងទុកចិត្តអ្នកណាស់ហើយ។
ដូច្នេះកុំយករឿងផ្ទាល់ខ្លួនរបស់ពួកគេ ទៅនិយាយលេងសើចប្រាប់អ្នកដទៃបន្តទៀតអី។ ប្រសិនបើអ្នកយកអាថ៌កំបាំងរបស់អ្នកដទៃ ទៅនិយាយលេងសើច នោះមានន័យថា អ្នកកំពុងតែសាងកំហុសធ្ងន់បំផុត អ្នកបំផ្លាញទំនុកចិត្តរបស់ពួកគេយ៉ាងខ្លាំង។ មនុស្សនៅជុំវិញអ្នកនឹងមើលមកអ្នកដោយភ្នែកក្រសែភ្នែកផ្សេង ហើយពួកគេនឹងលែងទុកចិត្តអ្នកទៀតហើយ។ ចាំថាឋានសួគ៌និ ងឋាននរក គ្រាន់តែជាការព្រិចភ្នែកប៉ុណ្ណោះកុំលេងច្រើនពេកដឹងឱ្យច្បាស់ផង។
៣. កុំយករឿងគ្រួសារអ្នកដទៃ ទៅនិយាយលេងសើច
គ្រួសារមានអត្ថន័យសម្រាប់មនុស្សគ្រប់គ្នា ដូច្នេះការដែលអ្នកយករឿងគ្រួសាររបស់អ្នកដទៃមកលេងសើច ឬលេងសើចនឹងធ្វើឱ្យពួកគេមានអារម្មណ៍ឈឺចាប់ ជាងមុន។
ក្នុងករណីជាច្រើនវាថែមទាំងបង្ហាញថា អ្នកជាមនុស្សរមិលគុណ ពីព្រោះសូម្បីតែអ្នក ក៏មិនចូលចិត្តឱ្យអ្នកណាយកគ្រួសារអ្នកទៅលេងសើចដុចគ្នា។ ដូច្នេះពិចារណាលើមាតិកាការលេងសើចនៅពេលត្រឹមត្រូវ និងមនុស្សត្រឹមត្រូវ។ កុំយកគុណវិបត្តិរបស់អ្នកដទៃយកទៅលេងសប្បាយតាមតែអារម្មណ៍របស់ខ្លួនឯង៕
ប្រភព ៖ phunutoday.vn / ប្រែសម្រួល ៖ ភី អេក (ក្នុងស្រុក)
ព័ត៌មានថ្មីៗ
