មនុស្សមានសំណាង តែងមានលក្ខណៈ៣យ៉ាងនេះនៅក្នុងខ្លួន
វាមិនមែនអំពីការស្វែងរកអ្វីដែលមិនសំខាន់នោះទេ មនុស្សគ្រប់រូបគួរតែព្យាយាមឱ្យអស់ពីសមត្ថភាពរបស់ពួកគេចំពោះអ្វីដែលពួកគេធ្វើដើម្បីទទួលបានលទ្ធផលល្អបំផុតនាពេលអនាគត។ ការរស់នៅបានធម្មតាគឺជារឿងល្អ តែការរស់នៅប្រកបដោយគុណធម៌ និងសុជីវធម៌ នឹងជួយអ្នកទទួលបានបទពិសោធន៍ជីវិតវិសេសវិសាល និងទទួលបានសំណាងនៅក្នុងជីវិតជានិច្ច។ ខាងក្រោមនេះជាលក្ខណៈ៣យ៉ាងដែលគេតែងតែឃើញនៅក្នុងខ្លួនមនុស្សដែលមានសំណាង៖
១.តែងតែដឹងពីភាពគ្រប់គ្រាន់៖ ក្នុងជីវិតនេះក្រៅពីអ្នកដែលតែងតែប្រាថ្នាចង់បានគ្រប់យ៉ាង ក៏នៅមានអ្នកដែលស្វែងរកតែការរស់នៅដោយល្មមៗដែរ។ ពួកគេជឿថាការមិនជាប់គាំងច្រើនពេកគឺជាសុភមង្គល។ មនុស្សជាច្រើនចាត់ទុកទ្រព្យសម្បត្តិជាលក្ខណៈវិនិច្ឆ័យតែមួយគត់សម្រាប់ជីវិតដ៏ល្អ ប៉ុន្តែសម្រាប់មនុស្សជាមធ្យម អ្វីគ្រប់យ៉ាងគឺធ្វើតាមគោលការណ៍ដែលថាការចេះគ្រប់គ្រាន់គឺល្អបំផុត។ ភាពចេះគ្រប់គ្រាន់គឺជាអាណាចក្រមួយ ដែលអាចការពារមនុស្សពីភាពលោភលន់ហួសពីសមត្ថភាព ការប្រថុយប្រថាន និងចេះពេញចិត្តនូវអ្វីដែលខ្លួនមាន។
២.រៀនទទួលយកភាពធម្មតារបស់អ្នក៖ ពេលយើងនៅក្មេង យើងតែងតែស្រមៃថាថ្ងៃណាមួយ យើងនឹងធ្វើដំណើរជុំវិញពិភពលោក ក្លាយជាមនុស្សម្នាក់ដែលឈរនៅលើកំពូលភ្នំ ដើម្បីអោយអ្នកដទៃកោតសរសើរយើង។ បន្ទាប់ពីធ្វើដំណើរកាន់តែច្រើន អ្នកនឹងដឹងថាគោលបំណងពិតនៃជីវិតនេះគឺចង់ផ្តល់ឱ្យខ្លួនឯង និងក្រុមគ្រួសាររបស់អ្នកនូវជីវិតកាន់តែប្រសើរឡើង មិនមែនជាការធញវើរឿងអស្ចារ្យលើសពីអ្នកដទៃនោះទេ។
៣.រស់នៅសម្រាប់បច្ចុប្បន្ន៖ អតីតកាលគឺកន្លងផុតទៅហើយ ដូច្នេះចូរញញឹមហើយទទួលយកវា។ ព្យាយាមឱ្យអស់ពីសមត្ថភាព ដើម្បីប្រឈមមុខនឹងបច្ចុប្បន្ន ហើយទុកអនាគតឱ្យជោគវាសនាជាអ្នកកំណត់។ អ្វីៗកន្លងហួសទៅហើយ ទោះយើងស្តាយក្រោយប៉ុណ្ណា ក៏យើងមិនអាចកែប្រែវាបានទេ។ អ្វីៗនៅពេលខាងមុខមិនទាន់កើតឡើងទេ ទោះបីយើងព្រួយបារម្ភប៉ុណ្ណាក៏គ្មានប្រយោជន៍ដែរ។ លើលោកនេះ បើអ្វីមួយមិនមែនជារបស់អ្នក ការតស៊ូដើម្បីវាគឺគ្មានប្រយោជន៍ទេ។ ប៉ុន្តែអ្វីដែលជារបស់អ្នកនឹងមុន ឬ ក្រោយវានឹងក្លាយជារបស់អ្នកដដែល។ លុយ ឬ ទ្រព្យសម្បត្តិមិនមែនជារបស់ដែលយើងអាចសម្រេចចិត្តបានទេ។ មនុស្សគ្រប់រូបចង់ក្លាយជាសេដ្ឋី ប៉ុន្តែមិនមែនគ្រប់គ្នាសុទ្ធតែអាចសម្រេចបាននូវអ្វីដែលខ្លួនចង់បាននោះទេ៕
ព័ត៌មានថ្មីៗ
