ធ្លាប់តែលឺប្រើសាំងឬម៉ាស៊ូត តែនេះ Bill Gates ចាយ ៦៤៥ លានដុល្លារទិញនាវាចាក់ទឹក អាចបើកនៅល្បឿន
សេដ្ឋីមានបំផុតលំដាប់ទី ២ ក្នុងពិភពលោក លោក Bill Gates បានចំណាយថវិកាប្រមាណ ៦៤៥ លានដុល្លារអាមេរិក ទិញយកនាវាខ្នាតយក្សដ៏ពិសេសមួយកាលពីពេលថ្មីៗនេះ។
ជានាវាដែលទើបប្រកាសបង្ហាញនៅឯពិព័រណ៍ Monaco Yacht Show និងផលិតឡើងដោយក្រុមហ៊ុនប្រទេសហូឡង់ Sinot។ វាមានបណ្ដោយប្រមាណ ១១២ ម៉ែត្រ បំពាក់ដោយម៉ាស៊ីនដែលអាចដំណើរការទៅបានដោយប្រើប្រាស់សារធាតុអ៊ីដ្រូហ្សែនរាវឬការចាក់ទឹកធម្មតា ដើម្បីឲ្យប្រព័ន្ធអគ្គិសនីបញ្ឆេះឲ្យម៉ាស៊ីនអាចបើកទៅបានក្នុងល្បឿនជាង ៣០ គ.ម/ម៉។
នាវាដ៏ធំមួយនេះមាន ៤ ជាន់ដែលអាចផ្ទុកភ្ញៀវចំនួន ១៤ នាក់ និងនាវិកបម្រើការចំនួន ៣១ នាក់ ដោយនៅខាងក្នុងមានបន្ទប់សម្រាប់ភ្ញៀវ ៤ បន្ទប់ និងបន្ទប់ VIP ចំនួន ២។ ដោយឡែកសម្រាប់នាវិកគឺមានផ្តល់ជូននូវកាប៊ីនផ្ទុកនាវិក ១៤ នាក់ចំនួន ២ បន្ទប់ការិយាល័យ ២ និងបន្ទប់ Captain ១។
ក្រៅពីនេះក៏មានទីតាំងសម្រាប់ផ្តល់ឲ្យអ្នកធ្វើលំហាត់ប្រាណ ហែលទឹក ម៉ាស្សាខ្លួន និងសម្រាប់អង្គុយមើលទេសភាពនៅតាមមហាសមុទ្រជាដើម៕
ប្រែសម្រួល៖ Knongsrok ប្រភព៖ Esquireme
ព័ត៌មានថ្មីៗ
