U22កម្ពុជាបានត្រឹមលេខ៤ក្នុងស៊ីហ្គេម២០១៩ក្រោយចាញ់មីយ៉ាន់ម៉ាវគ្គ១១ម៉ែត្រកាត់សេចក្ដី
ក្រុមជម្រើសជាតិកម្ពុជាបានត្រឹមលេខ៤ប៉ុណ្ណោះបន្ទាប់ពីចាញ់មីយ៉ាន់ម៉ាក្នុងវគ្គបាល់១១ម៉ែត្រកាត់សេចក្ដីបន្ទាប់ពីស្មើគ្នាក្នុងម៉ោងផ្លូវការ៩០នាទីក្នុងលទ្ធផល២ទល់២។
២គ្រាប់របស់កម្ពុជារកបានដោយកីឡាករ ស៊ាង ចន្ធានៅនាទីទី១ និងកែវ សុខផេងនៅនាទី៧១។ ចំណែក២គ្រាប់របស់មីយ៉ាន់ម៉ារកបានដោយកីឡាករ Aung Kaung MANN នាទីទី៩ និង Myat Kaung KHANT នាទី៣៤។ទោះបីជាទទួលបានលទ្ធផលស្មើក៏ដោយ ការប្រកួតនេះមិនមានការបន្ថែមម៉ោង១៥នាទី២ដងនោះទេ គឺចូលដល់វគ្គ១១ម៉ែត្រកាត់សេចក្ដី៥គ្រាប់ម្ខាងតែម្ដង។
មីយ៉ាន់ម៉ាទាត់ចូលទាំង៥គ្រាប់ ខណៈកម្ពុជាទាត់ចូល៤គ្រាប់និងបុកបង្គោលទីមួយគ្រាប់ដែលលទ្ធផលនេះធ្វើឲ្យកម្ពុជាចាញ់តែម្ដង។
ព័ត៌មានថ្មីៗ
