ចូលរួមអបអរសាទរកីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាស ខណៈកីឡាការិនី ឈឿង អាលីហ្សា និងកីឡាការិនី ខាសេនឌ្រី នីខូល ទទួលបានត្រឹមមេដាយប្រាក់
ចូលរួមអបអរសាទរកីឡាការិនីតេក្វាន់ដូកម្ពុជា ស៊ន សៀវម៉ី ដណ្តើមបានមេដាយមាស ដោយបានប្រកួតឈ្នះកីឡាការិនីម្ចាស់ផ្ទះហ្វីលីពីន ក្នុងការប្រកួតកីឡាស៊ីហ្គេមលើកទី៣០។
កីឡាការិនីតេក្វាន់ដូកម្ពុជា ស៊ន សៀវម៉ី បានវាយឈ្នះកីឡាការិនី ម្ចាស់ផ្ទះហ្វីលីពីន ដោយពិន្ទុ ១២ ទល់នឹង ៩ នៅវគ្គផ្តាច់ព្រ័ត្រ សំរាប់ទំងន់៧៣គីឡូក្រាម។
មុនឡើងមកប្រគួតក្នុងវគ្គផ្តាច់ព្រ័ត្រនេះ កីឡាការិនីតេក្វាន់ដូកម្ពុជា ស៊ន សៀវម៉ី បានយកឈ្នះកីឡាការិនីវៀតណាក្នុងវគ្គពាក់កណ្តាល់ផ្តាច់ព្រ័ត្រ ដោយ លទ្ធផល ២៥-១។
ចំណែកកីឡាការិនីតេក្វាន់ដូកម្ពុជា ឈឿង អាលីហ្សា ទទួលបានមេដាយប្រាក់ ក្រោយចាញ់កីឡាការិនីម្ចាស់ផ្ទះ ដោយ លទ្ធផល ៤ ទល់១២។
មុនឡើងមកប្រគួតវគ្គផ្តាច់ព្រ័ត្រនេះកីឡាការិនីតេក្វាន់ដូកម្ពុជា ឈឿង អាលីហ្សា បានយកឈ្នះ កីឡាការិនី ទីម័រខាងកើត ក្នុងវគ្គពាក់កណ្តាលផ្តាច់ព្រ័ត្រ ដោយលទ្ធផល ១៧ ទល់៣។
ចំណែកកីឡាការិនីតេក្វាន់ដូកម្ពុជា ម្នាក់ទៀតគឺ ខាសេនឌ្រី នីខូល ទទួលបានមេដាយប្រាក់ ក្រោយចាញ់កីឡាការិនីវៀតណាម ដោយ លទ្ធផល ៩ ទល់១១។
ព័ត៌មានថ្មីៗ
