កម្ពុជាសល់ឱកាសដណ្ដើមយកលេខ៣នៅស៊ីហ្គេមក្រោយចាញ់វៀតណាម៤ទល់០
ក្រុមជម្រើសជាតិU22កម្ពុជារងបរាជ័យក្រោមថ្វីជើងក្រុមU22វៀតណាមក្នុងលទ្ធផល៤ទល់០នាការប្រកួតវគ្គពាក់កណ្ដាលផ្ដាច់ព្រ័ត្រវិញ្ញាសាស៊ីហ្គេម២០១៩អស់ឱកាសដណ្ដើមមេដាយមាសនិងប្រាក់ហើយ។
ក្នុងវគ្គទី១កម្ពុជារបូត៣គ្រាប់ផ្ទួនៗដោយសារការសម្រុករបស់វៀតណាម។៣គ្រាប់នោះស៊ុតបញ្ជូលទីដោយកីឡាករ Nguyen Tien Linh នាទីទី២០ និង Ha Duc Chinh ស៊ុត២គ្រាប់នៅនាទី២៤និងនាទី៤៥+២។ លទ្ធផលនេះបន្តដល់ចប់ការប្រកួតវគ្គទី១។
ចូលវគ្គទី២ នាទី៦២កីឡាករ Ha Duc Chinhបន្ថែមគ្រាប់ទី៣របស់ខ្លួនឲ្យវៀតណាមនាំមុខកម្ពុជា៤ទល់០។ ការប្រកួតចេះតែបន្តខណៈកម្ពុជាហាក់គ្មានឱកាសណាមួយល្អផ្ដល់ភាពគ្រោះថ្នាក់ដល់វៀតណាមនោះទេ ខណៈវៀតណាមបន្តលេងតាមទម្រង់របស់ខ្លួនវាយបក និងសម្រុករហូត តែមិនអាចមិនអាចរកបានគ្រាប់បាល់បន្ថែមនោះទេហើយលទ្ធផល៤ទល់០នេះបន្តរហូតដល់ចប់ការប្រកួតតែម្ដង។
លទ្ធផលនេះកម្ពុជអស់ឱកាសឡើងវគ្គផ្ដាច់ព្រ័ត្រហើយដោយនៅសល់ឱកាសលេងដណ្ដើមយកមេដាយសំរឹទ្ធិជាមួយមីយ៉ាន់ម៉ានៅថ្ងៃទី១០ធ្នូ។ វៀតណាមនឹងប៉ះឥណ្ឌូណេស៊ីវគ្គផ្ដាច់ព្រ័ត្រដណ្ដើមមេដាយមាស៕
ព័ត៌មានថ្មីៗ
