សៀមរាបយើងតើ! ទោះឆ្ងាយពីក្រុងបន្តិច តែបរិយាកាសស្អាតបែបធម្មជាតិពិតៗ មិនខ្វះកន្លែងកម្សាន្ត ចូលម្តងមិនខកបំណងឡើយ
ខេត្តសៀមរាប ចាត់ថាជាខេត្តទេសចរណ៍លេខ ១ ប្រចាំប្រទេសកម្ពុជា ដោយខេត្តនេះសម្បូរធនធានសម្បត្តិវប្បធម៌ ប្រាង្គប្រាសាទរាប់រយ ថែមទាំងមានកន្លែងកម្សាន្តបែបប្រវត្តិសាស្រ្ត និងធម្មជាតិជាច្រើនកន្លែងមិនខ្វះកន្លែងដើរលេងឡើយ។
ជាក់ស្តែង ការមកលេងសៀមរាប ប្រសិនជាអ្នកចង់ទទួលបានបរិយាកាសស្នាក់នៅស្ងប់ស្ងាត់ តែស្រស់ស្អាតបែបធម្មជាតិ ថ្ងៃនេះ « ក្នុងស្រុក » សូមណែនាំសណ្ឋាគារដ៏ប្រណីតបែបធម្មជាតិមួយកន្លែង ធានាថាស្អាត ប្លែកចិត្ត តែម្តង នោះគឺ Bong Thom Forest Lodge ។
Bong Thom Forest Lodge គឺជាកន្លែងស្នាក់នៅដ៏ស្រស់ស្អាតហុំព័ទ្ធដោយរុក្ខជាតិបៃតង ស្ថិតនៅលើផ្ទៃដីទំហំដល់ទៅ 3.6 ហិចតា ដោយមិនគិតវាលស្រែ ថែមទាំងមានលក្ខណៈធម្មជាតិពិតៗ និងមានកន្លែងកម្សាន្តជាច្រើនកន្លែងដូចជា៖ ព្រៃរបោះបៃតង សួនផ្កាចំរុះពណ៍ វាលស្រែអ្នកភូមិហុំព័ទ្ធ ផ្ទះបុរាណខ្មែរតាមសម័យនីមួយៗ សួនមេអំបៅ ជិះរទះគោ សួនសត្វ សកម្មភាពធ្វើនំបញ្ចុក សកម្មភាពបិទស្រា-ស ការស្លៀកឈុតសំលៀកបំពាក់បុរាណ បរិយាកាសនៅលើទីខ្ពស់ ទទួលទានអាហារខ្មែរឆ្ងាញ់ៗ កម្មវិធី មនុស្ស1 ដើមឈើ 1 និងកន្លែងពិសេសៗជាច្រើនទៀត។
ចំណែកឯការស្នាក់នៅវិញ គឺស្ថិតនៅក្នុងបន្ទប់បែបផ្ទះខ្មែរដាច់ដោយឡែកតែម្តង ដោយនៅក្នុងបន្ទាប់នីមួយៗមានការរៀបចំស្អាតបាតបែបបុរាណ មានម៉ាសុីនត្រជាក់ មានបម្រើ Welcome drink មានអាងហែលទឹក អាហារពេលព្រឹក និងមានការ Free wifi ដែលមានល្បឿនលឿនទៀតផង។
គួរឱ្យដឹងផងដែរថា Bong Thom Forest Lodge មានទីតាំងនៅភូមិ សណ្តាយ ស្រុកបន្ទាយស្រី ខេត្តសៀមរាប ចម្ងាយពីទីរួមខេត្តប្រមាណ ២៥គីឡូម៉ែត្រ ដោយការស្នាក់ មួយ Villa ដាច់ដោយឡែក ដែលមានគ្រែធំ ១ អាចគេងបានមនុស្សធំ ២នាក់ និងកូនក្មេងម្នាក់ តម្លៃបន្ទប់ត្រឹមតែ 100$ ក្នុងមួយយប់ ឯគ្រែធំ ២ មានតម្លៃ 200$ ដោយថែមទាំងមាន Free អាហារពេលព្រឹកផងដែរ។ លោកអ្នកអាចទំនាក់ទំនងសាកសួរព័ត៌មានតាមរយៈលេខទូរស័ព្ទទាំង ៣ខ្សែនេះ +855 98 695 224 /12 520 092 /66 911 112 ៕
រក្សាសិទ្ធអត្ថបទ៖ ក្នុងស្រុក
ព័ត៌មានថ្មីៗ
