ជាប្ដីត្រូវចេះខ្លាចប្រពន្ធ! ប្ដីល្អគេខ្លាចប្រពន្ធណាស់!
មនុស្សមួយចំនួននិយាយថា " ជាប្ដី ជាកូនប្រុស ជាមេគ្រួសារ បើខ្លាចប្រពន្ធ អន់ណាស់ ថោកណាស់ ខ្មាសគេ ខូចឈ្មោះកូនប្រុសអស់ហើយ " គំនិតបែបនេះ គឺជាគំនិតមនុស្សប្រុសដែលមិនឱ្យតម្លៃប្រពន្ធកូន និងគ្រួសារតែប៉ុណ្ណោះ ធ្វើអន់ ធ្វើល្អជាមួយប្រពន្ធខ្លាចថោក តែបើឱ្យទៅក្រៅ ស៊ីផឹក ជុំផឹក ឱបស្រីអាវាសែ អាហ្នឹងមិនថោកទេ។
ក្នុងនាមជាប្ដីល្អម្នាក់ ជាមេគ្រួសារដ៏រឹងមាំមួយរូប ជាបង្គោលរបស់គ្រួសារ ត្រូវធ្វើយ៉ាងណាឱ្យប្រពន្ធក្លាយជាមនុស្សស្រីដែលមានសំណាង និងមានគ្រប់យ៉ាង មានក្ដីសុខ មានមុខមានមាត់ មានកិត្តិយស មានរបស់ល្អៗប្រើ មានលុយចាយពេញដៃ មានអ្វីៗគ្រប់យ៉ាង កុំឱ្យអ្នកដទៃមើលងាយ ឬសើចចំអកប្រពន្ធ កុំឱ្យគេថាយើងជាប្ដីដែលគ្មានសមត្ថភាព ខ្វះលទ្ធភាព ចិញ្ចឹម បីបាច់ថែរក្សា ការពារប្រពន្ធកូនយើង។
ធ្វើអន់ជាមួយប្រពន្ធ មើលថែ ការពារ យកអាសារប្រពន្ធ កុំខ្លាចអ្នកណាមើលមកថាយើងជាប្រុសអន់ ជាប្រុសទន់ជ្រាយ ការចេះឱនលំទោន ន់ភ្លន់ជាមួយប្រពន្ធយើង មិនមានអ្វីដែលអន់ ឬថោកទាបទេ កុំខ្វល់ពាក្យគេ កុំខ្វល់ពីសម្ដីអ្នកដទៃ គេនិយាយ គេគិត ព្រោះគេមិនមែនរស់នៅក្នុងគ្រួសារយើងឡើយ សំខាន់ឱ្យតែប្រពន្ធកូនយើងបានសុខ មានហូបចុកគ្រប់គ្រាន់ វាជារឿងដែលល្អប្រសើរហើយ៕
អត្ថបទ ៖ ភី អេក
ក្នុងស្រុករក្សាសិទ្ធ
ព័ត៌មានថ្មីៗ
