Semen Nomokonov ហៅបុរសភ្នែកត្មាតក្នុងសង្គ្រាមលោកលើកទី២!ទាហានណាស៊ីអាល្លឺម៉ង់ខ្លាចរអាបំផុត
Semen Nomokonov មានសញ្ជាតិ Evenk ដែលជាជនជាតិមួយរស់នៅតំបន់ស៊ីបេរី។ គាត់គឺជាអ្នកប្រមាញ់សត្វព្រៃហើយរស់នៅក្នុងតំបន់ព្រៃទឹកកក តៃកា តាំងពីក្មេង។ គាត់មានលក្ខណៈពិសេសមួយគឺភ្នែមមុតដែលជួយឲ្យគាត់ក្នុងការប្រមាញ់ ដែលសមត្ថភាពនេះបានធ្វើឲ្យប្រជាជនតំបន់នោះហៅគាត់ថា បុរសភ្នែកត្មាត។
ពេលចាប់ផ្ដើមសង្គ្រាមលោកលើកទី២គាត់មានវ័យជាង៤០ឆ្នាំទៅហើយ។ គាត់ជាមនុស្សសាមញ្ញបំផុតហើយមិនសូវស្គាល់សង្គមសីវីល័យរបស់រុស្សីក្នុងសម័យនោះហើយគាត់ក៏មិនស្គាល់ពីបទបញ្ជាទាហានអ្វីដែរ។ នៅឆ្នាំ១៩៤១ដែលទាហានណាស៊ីអាល្លឺម៉ង់លុកលុយរុស្សី គាត់បានជួយគ្រាទាហានមានរបួសចេញពីសមរភូមិតែពេលនោះគាត់បានចំណាំថាមានទាហានលបបាញ់(Sniper)អាល្លឺម៉ង់ម្នាក់កំពុងតម្រង់កាណុងកាំភ្លើងមករកគាត់ពីចម្ងាយ។
គាត់មិនបានភ័យខ្លាចបាត់បង់ការតាំងស្មារតីអ្វីនោះទេ ដោយបានរើសកាំភ្លើងដែលនៅជិតគាត់បំផុតហើយបាញ់តម្រង់ទៅទាហានអាល្លឺមង់ម្នាក់នោះវិញ ស្របពេលដែលគាត់ត្រូវបានទាហានអាល្លឺមង់ម្នាក់នោះបាញ់បិះត្រូវក្បាល។ សកម្មភាបពនោះគាត់ទទួលបានការសរសើរពីមេបញ្ជាការកងទ័ពសូវៀតហើយសម្រេចចិត្តដាក់គាត់បញ្ចូលក្នុងជួរកងទ័ពលបបាញ់(sniper platoon)។ ឯកសារខ្លះទៀតនិយាយផ្សេងទៅវិញ! គាត់ត្រូវបានរើសចូលធ្វើទាហាននៅឆ្នាំ១៩៤១។ ឱកាសបានធ្វើជាទាហានក្នុងកងលបបាញ់គឺដោយសារឱកាសមួយ។ ក្រោយពេលធ្វើជាអ្នកបបបាញ់សត្វដ៏ល្បី គាត់ត្រូវបានមេបញ្ជាការកងទ័ពសូវៀតឲ្យសាកល្បងដោយផ្ដល់កាំភ្លើងលប់បាញថ្មីមួយដោយមិនឲ្យខាតគ្រាប់។
គាត់បានយកកាំភ្លើងម៉ាក Mosin-Nagan ដ៏ល្បីរបស់សូវៀតបាញ់ទៅលើទាហានអាល្លឺម៉ង់ម្នាក់កំពុងដើរក្នុងព្រៃ។កេះកៃតែម្ដងប៉ុណ្ណោះគាត់ធ្វើបានសម្រេចហើយបន្ទាប់មកមេបញ្ជាការកងទ័ពក៏ដាក់គាត់ចូលកងពលលបបាញ់។
អំឡុងសង្គ្រាម! Nomokonov ផ្ដាច់ជីវិតទាហានអាល្លឺម៉ង់៣៦០នាក់ដែលរួមមានមេបញ្ជាការទ័ពអាល្លឺមង់ជាន់ខ្ពស់ម្នាក់។អំឡុងសង្គ្រាមសូវៀតនិងជប៉ុន( Soviet-Japanese War)គាត់បានផ្ដាច់ជីវិតទាហាន Kwantung Army (ទាហានជប៉ុន)៨នាក់។ កាំភ្លើងដែលគាត់ប្រើគឺម៉ាក Mosin-Nagan ៣ដើមដោយមិនប្រើកែវពង្រីកនោះទេ។ គាត់ចូលសមរភូមិជាច្រើនដូចជាValdai Heights, Karelian Isthmus, Ukraine, Lithuania, East Prussia ហើយបន្ទាប់មកនៅតំបន់ Manchuriaប្រទេសចិន។
បាតស្បែកជើងរបស់គាត់ធ្វើអំពីសក់សេះដែលធ្វើឲ្យគាត់ងាយស្រួលបម្លាស់ទីដោយមិនលឺសម្លេង។ គាត់ក៏ប្រើកញ្ចក់ ខ្សែពួរនិងមួកដែកដើម្បីកំណត់ទីតាំងលាក់ខ្លួនរបស់សត្រូវ នៅកម្លាតថ្ម។អំឡុងសង្គ្រាមគាត់របួស៨ដងនិងរបួសបៀមគ្រាប់ចំនួន២លើក។ដើម្បីកត់ចំណាំពេលគាត់សម្លាប់ត្រូវគាត់យកកាំបិតឆូតទៅលើខ្សៀជក់របស់គាត់ ដែលតែងតែយកទៅតាមជានិច្ច។បាញ់បានម្នាក់ ឆូតមួយ។
លោក Sergey Sergeev ទទួលបានសញ្ញបត្រថ្នាក់បណ្ឌិតផ្នែកប្រវត្តិសាស្រ្តបាននិយាយថា៖"ទាហានអាល្លឺម៉ង់ដំបូងឡើយព្យាយាមសម្លាប់គាត់។ពួកគេបញ្ជូនអ្នកជំនាញលបបាញ់ទៅ២នាក់ បន្ទាប់មកបញ្ជូនឃាតករក្នុងសមរភូមិដែលជំនាញលប់បាញ់៣នាក់ទៀត។ពេលដែលពួកគេឃើញទាហានអាល្លឺម៉ង់៥នាក់នេះស្លាប់ទាំងអស់ មេបញ្ជាការអាល្លឺម៉ង់ក៏បញ្ជូន ឃាតករលបបាញ់ជាស្រីដ៏ស្រស់ស្អាតម្នាក់ទៀតទៅសម្លេះគាត់ មួយសន្ទុះក្រោយមកពួកគេឃើញខ្មោចឃាតករស្រីនោះមានស្នាមគ្រាប់កាំភ្លើងចំកណ្ដាលក្បាលស្លាប់ទៀត"។
ក្រោយសង្គ្រាមចប់គាត់បានមកផ្ទះវិញដោយជិញសេះមួយក្បាល។គាត់បន្តអាជីពជាជាងឈើនៅតំបន់ Nizhny Stan, ប៉ុន្តែក្រោយមកផ្ទេរលំនៅមកតំបន់ Zugalay ដែលជាកន្លែងកូនច្បងរបស់គាត់រស់នៅ។ គាត់បានសង់ផ្ទះមួយហើយបន្តអាជីពជាព្រានព្រៃ។ ពេលចប់សង្គ្រាមនៅឆ្នាំ១៩៤៥គាត់ទទួលបានសេះមួយក្បាលនិងកាំភ្លើងថ្មីមួយលេខ ២៤៦៣៨ដែលជាលេខកូដទាហានរបស់គាត់។
បើតាមសម្ដីរបស់កូនស្រីរបស់គាត់ឈ្មោះ Zoya Babuyeva បានឲ្យដឹងថាឪពុករបស់នាងជាមនុស្សប្រកបដោយទិកនិកសង្គ្រាមស្ទើគ្រប់យ៉ាងហើយមិនចូលចិត្តនិយាយពីសង្គ្រាមនោះទេ។ គាត់ក៏ទទួលបានមេដាយពីសូវៀតក្នុងការធ្វើសង្គ្រាមដែរមានដូចជា៖ Orders of the Red Star, Order of the Red Banner, Order of Lenin និងមេដាយជាច្រើនទៀត។ Nomokonov បានទទួលមរណភាពនៅតំបន់ Zugalay នៅឆ្នាំ១៩៧៣។ គាត់បន្សល់ទុកកូន៩នាក់និងចៅ៤៩នាក់៕
រក្សាសិទ្ធ៖ ក្នុងស្រុក
ព័ត៌មានថ្មីៗ
