អាចសាកល្បងបាន! ដាក់វត្ថុទាំង ៣ នេះនៅក្បាលគ្រែ ជួយឱ្យគេងលក់ស្កប់ស្កល់ដល់ភ្លឺ
ការដាក់វត្ថុទាំងនេះនៅក្បាលគ្រែ មិនត្រឹមតែល្អសម្រាប់សុខភាព ជួយឱ្យឆាប់គេងលក់ និងគេងបានស្កប់ស្កល់ទល់ភ្លឺប៉ុណ្ណោះទេ ថែមទាំងជួយបណ្ដេញថាមពលអាក្រក់ បំបាត់ក្លិនមិនល្អ ទាក់ទាញលាភសំណាងចូលមកថែមទៀតផង។
១) សម្បកក្រូច៖ យោងតាមឱសថបូព៌ា សម្បកក្រូច និងក្រូចឃ្វិច មានក្លិនឈ្ងុយ រំញោចប្រព័ន្ធប្រសាទ ជួយឱ្យខួរក្បាលស្រស់ស្រាយ និងកាត់បន្ថយភាពតានតឹង។ ដោយសារវា មនុស្សអាចគេងលក់ស្រួលជាងមុន គេងបានស្កប់ស្កល់។ មូលហេតុគឺដោយសារសម្បកក្រូចឆ្មាមានសារធាតុម្យ៉ាងហៅថា លីម៉ូណេន។ សមាសធាតុនេះមានប្រសិទ្ធិភាពបន្ធូរអារម្មណ៍ខួរក្បាល។ នៅពេលដែលអ្នកមានអារម្មណ៍ធុញថប់ តានតឹង ឬឆាប់ខឹង អ្នកអាចធុំក្លិនផ្លែឈើក្រូចឆ្មា ដើម្បីរក្សាលំនឹងអារម្មណ៍របស់អ្នក។ ក្លិននៃសម្បកក្រូច និងក្រូចឆ្មាក៏ជួយបំបាត់ក្លិន និងកាត់បន្ថយក្លិនស្អុយក្នុងបន្ទប់។ មួយវិញទៀត ក្លិនក្រអូបនៃផ្លែឈើទាំងនេះក៏ជួយដាស់អារម្មណ៍ ដាស់លំពែង និងក្រពះ និងល្អសម្រាប់ការរំលាយអាហារ។ ប្រេងសំខាន់ៗនៅក្នុងសំបកក្រូច និងក្រូចឃ្វិច ក៏មានប្រសិទ្ធភាពការពារមូសផងដែរ។
២) ក្រូចឆ្មា និងអំបិល៖ តាមហុងស៊ុយ ក្រូចឆ្មា និងអំបិល គឺជាវត្ថុដែលអាចការពារថាមពលអវិជ្ជមាន និងលើកយីអ៊ុន ទាក់ទាញសំណាងដល់ម្ចាស់ផ្ទះ។ លើសពីនេះ ក្លិននៃក្រូចឆ្មាក៏មានឥទ្ធិពលធ្វើឱ្យខួរក្បាលធូរស្រាល ជួយឱ្យមនុស្សគេងលក់ស្រួល។ ការផ្សំក្រូចឆ្មា និងអំបិលចូលគ្នាជួយបន្សុទ្ធខ្យល់អាកាស ពង្រឹងសុខភាព និងបណ្តេញមូស។ អ្នកអាចយកក្រូចឆ្មា ១ ឬ ៣ ផ្លែ (ជាលេខសេស) កាត់វាជាត្រីមាស ប៉ុន្តែកុំកាត់វាដាច់ពីគ្នា។ ដាក់ក្រូចឆ្មានៅលើចានស្អាតមួយ ហើយប្រោះអំបិលពណ៌សនៅខាងក្នុងក្រូចឆ្មា និងជុំវិញចាន។ ដាក់ចានក្រូចឆ្មាអំបិលនៅក្បែរគ្រែ ឬក្រោមគ្រែមុនចូលគេង។ ព្រឹកបន្ទាប់យកក្រូចឆ្មា និងអំបិលដាក់ក្នុងថង់ប្លាស្ទិកខ្មៅ ហើយយកចោលក្រៅផ្ទះ។ នេះជាវិធីប្រជាប្រិយមួយដែលមនុស្សតែងតែចែកជូនគ្នាទៅវិញទៅមក ដើម្បីពង្រឹងសុខភាព និងទាក់ទាញទ្រព្យសម្បត្តិ។
៣) ខ្ទឹមស៖ ខ្ទឹមសមានលក្ខណៈសម្បត្តិប្រឆាំងនឹងមេរោគ និងបាក់តេរី។ មនុស្សជាច្រើនជឿថា ការដាក់ខ្ទឹមសក្នុងបន្ទប់គេងនឹងជួយសម្អាតខ្យល់ ធ្វើឱ្យសុខភាពប្រសើរឡើង និងធ្វើឱ្យគេងលក់ស្រួល។ លើសពីនេះ ក្លិនខ្ទឹមក៏ជា «ភាពមិនល្អ» របស់សត្វល្អិតដូចជារុយ និងមូសជាដើម។ ការដាក់ខ្ទឹមនៅក្នុងបន្ទប់គេងនឹងជួយបណ្តេញសត្វដែលគួរស្អប់ខ្ពើមទាំងនេះ ការពារមិនឱ្យរំខានដល់ដំណេករបស់អ្នក។ តាមហុងស៊ុយ ខ្ទឹមស ត្រូវបានគេចាត់ទុកជាវត្ថុមួយដែលអាចបណ្ដេញគ្រោះអាក្រក់ និងនាំសំណាងចូលមក។ ដូច្នេះហើយ ទើបមនុស្សជឿថា ការដាក់ខ្ទឹមសនៅក្បាលគ្រែ នឹងជួយឱ្យមនុស្សគេងលក់ស្រួល និងចៀសវាងសុបិនអាក្រក់ផងដែរ៕
ព័ត៌មានថ្មីៗ
