មនុស្សស្រីចាប់ផ្តើមចេះក្បត់និងសាវ៉ា ដោយសារតែហេតុផលទាំង៥យ៉ាងនេះ
ភាពមិនស្មោះត្រង់ជាបញ្ហាស្មុគស្មាញ ហើយក្នុងនោះមានបង្កប់នូវមូលហេតុជាច្រើន។ ស្ត្រីភាគច្រើនក្លាយជាមនុស្សសាវ៉ាដោយសារពួកគេមានអារម្មណ៍ឯកោ ខ្វះការស្រលាញ់ពីដៃគូ ឬ ដោយសារពួកគេមានអារម្មណ៍ថាត្រូវបានគេបោះបង់ចោល និងមិនខ្វល់ខ្វាយ។ ខាងក្រោមនេះជាកត្តាធំៗទាំង៣ ដែលធ្វើឱ្យស្រ្តីចាប់ផ្តើមចេះសាវ៉ា៖
១.ស្វែងរកចំណាប់អារម្មណ៍ និងការចែករំលែក៖ រឿងមួយដែលស្ត្រីសាវ៉ា "ចង់បាន" បំផុតគឺការយកចិត្តទុកដាក់ និងការចែករំលែក។ នៅក្នុងទំនាក់ទំនងស្នេហា នៅពេលដែលស្ត្រីមានអារម្មណ៍ថា ពួកគេមិនត្រូវបានគេស្តាប់ ឬ មិនចែករំលែកជាមួយនឹងគំនិត និងអារម្មណ៍របស់ពួកគេ ស្ត្រីងាយមានអារម្មណ៍ឯកោ និងស្វែងរកការលួងលោមពីអ្នកដទៃ។ ពួកគេត្រូវការមនុស្សម្នាក់ដែលអាចយល់ និងចែករំលែកការលំបាក ភាពរីករាយ និងទុក្ខព្រួយនៅក្នុងជីវិតជាមួយពួកគេ។
២.មនោសញ្ចេតនា និងស្នេហា៖ មនោសញ្ចេតនា ជាធាតុមិនអាចខ្វះបានក្នុងស្នេហា។ ស្ត្រីមួយចំនួនសុខចិត្តធ្វើជាមនុស្សសាវ៉ា ដើម្បីទទួលបាននូវអារម្មណ៍ស្នេហាដែលបាត់បង់ក្នុងទំនាក់ទំនងបច្ចុប្បន្នរបស់ពួកគេ។ កាយវិការតិចតួច ពាក្យផ្អែមល្ហែម ឬ ការណាត់បែបរ៉ូមែនទិកជាអ្វីដែលពួកគេប្រាថ្នាចង់បានបំផុត។
៣.ចង់មានអ្នកកោតសរសើរ៖ ស្ត្រីតែងតែចង់បានការគោរព និងកោតសរសើរ។ នៅពេលដែលពួកគេមានអារម្មណ៍ថាពួកគេលែងមានតម្លៃនៅក្នុងក្រសែភ្នែកដៃគូរបស់ពួកគេ ពួកគេងាយនឹងសម្លឹងទៅរកអ្នកដទៃដើម្បីទទួលបាននូវអារម្មណ៍នៃការស្រលាញ់ និងការយកចិត្តទុកដាក់ឡើងវិញ។ ការឲ្យតម្លៃពីអ្នកទីបីអាចធ្វើឲ្យពួកគេមានទំនុកចិត្ត និងរីករាយជាងមុន។
៤.ស្វែងយល់ពីអារម្មណ៍នៃសេរីភាព និងដំណើរផ្សងព្រេង៖ ជីវិតគ្រួសារពេលខ្លះក្លាយទៅជាធុញទ្រាន់ និងរឹតត្បិតពេក។ ពេលខ្លះស្ត្រីមានចិត្តក្បត់ប្តី ដើម្បីទទួលបាននូវសេរីភាព និងការផ្សងព្រេងឡើងវិញ។ ការសន្ទនាដោយលាក់លៀមអាចនាំមកនូវអារម្មណ៍ស្រើបស្រាល និងរំភើប ធ្វើឱ្យជីវិតរបស់ស្រ្តីទាំងនោះកាន់តែរស់រវើក។
៥.ការចែករំលែកអារម្មណ៍ពិត៖ មនុស្សស្រីមួយចំនួនសោកស្ដាយចំពោះអារម្មណ៍រំជើបរំជួលដែលពួកគេធ្លាប់ទទួលបាននៅពេលពួកគេស្រលាញ់គ្នាដំបូង ហើយមានបំណងចង់ស្វែងរកទំនាក់ទំនងថ្មីដើម្បីទទួលបានអារម្មណ៍នេះឡើងវិញ។ ពួកគេមានអារម្មណ៍ថាទំនាក់ទំនងបច្ចុប្បន្នរបស់ពួកគេគួរឱ្យធុញ ហើយចង់ស្វែងរកអារម្មណ៍ថ្មីដែលគួរឱ្យចាប់អារម្មណ៍ជាមួយអ្នកផ្សេង៕
ព័ត៌មានថ្មីៗ
