មនុស្សដែលលេងបណ្ដាញសង្គម ទាំង ៤ ប្រភេទនេះ ទើបជាមនុស្សឆ្លាតពិតប្រាកដ
ក្នុងសង្គមទំនើបសព្វថ្ងៃនេះ អ្នកណាក៏ប្រើប្រាស់បណ្ដាញសង្គមទំនាក់ទំនងទាំងអស់នេះដែរ គ្រាន់តែអ្នកខ្លះគេលេងតែមិនចេះរញ៉េរញ៉ៃ ក៏មិនបង្ហោះ បង្ហាញអ្វីច្រើនដែរ។ ដូចមនុស្សទាំង ៤ ប្រភេទនេះ ត្រូវបានគេចាត់ទុកថាជាមនុស្សឆ្លាតវៃបំផុត។
១. ចែករំលែកតិច
មានមនុស្សមួយចំនួន ដែលចូលចិត្តចែករំលែកអ្វីគ្រប់យ៉ាងអំពីខ្លួនគេនៅលើបណ្តាញសង្គម។ ទៅណាមកណា ស្លៀកអី ញ៉ាំអីជាមួយអ្នកណា... ឃើញពេញបណ្តាញសង្គម។ ពួកគេចាត់ទុកវាដូចជាការបង្ហាញព័ត៌មានផ្ទាល់របស់ពួកគេ។ រឿងនេះច្រើនតែធ្វើឱ្យពួកគេប្រឈមមុខនឹងការរិះគន់ ដោយនិយាយថាពួកគេល្ងង់ពេក ប៉ុន្តែពេលខ្លះវាកើតឡើងដោយសារតែចង់ចែករំលែកច្រើនពេក។
មនុស្សបែបនេះច្រើនតែរស់រវើក ហើយមិនអាចទ្រាំទ្រនឹងអារម្មណ៍ឯកោបានទេ។ ពួកគេចង់ឱ្យមនុស្សដឹងពីជីវិតរបស់ពួកគេ ចង់ប្រាស្រ័យទាក់ទងគ្នាកាន់តែច្រើន។ យ៉ាងណាមិញ វាមិនមែនជារឿងអាក្រក់នោះទេ ប៉ុន្តែគ្រាន់តែជាការបង្ហាញពីស្ថានភាពនៃជីវិតប៉ុណ្ណោះ។
ផ្ទុយទៅវិញ មានមនុស្សដែលចែករំលែកតិចតួចបំផុតអំពីជីវិតផ្ទាល់ខ្លួន។ ភាពស្ងប់ស្ងាត់ គឺជានិន្នាការលេចធ្លោនៅក្នុងជីវិតរបស់ពួកគេ។ មនុស្សទាំងនេះចូលចិត្តសម្ងំក្នុងពិភពផ្ទាល់ខ្លួន ហើយការពារភាពឯកជនរបស់ពួកគេយ៉ាងម៉ឺងម៉ាត់។ ពួកគេក៏បង្រួមមនុស្សដែលពួកគេប្រាស្រ័យទាក់ទងជាមួយឱ្យត្រឹមតែរង្វង់មិត្តភ័ក្តិប៉ុណ្ណោះ ចៀសវាងទុកឱ្យជីវិតរបស់ពួកគេត្រូវបានគេមើលច្រើនពេក ឬត្រូវគេរិះគន់ដោយអ្នកណាម្នាក់ដោយសារពួកគេបង្ហាញការរំខាន។
ពួកគេមិននិយាយបំផ្លើសអំពីជីវិតរបស់ពួកគេ ហើយក៏មិនខ្វល់ពីភ្នែកអ្នកដទៃដែរ។ មនុស្សបែបនេះច្រើនតែមានបុគ្គលិកលក្ខណៈសាមញ្ញ ចូលចិត្តនៅម្នាក់ឯង ផ្សារភ្ជាប់ខ្លួននៅក្នុងពិភពលោករបស់ពួកគេ និងរីករាយជាមួយនឹងភាពស្ងប់ស្ងាត់នៃជីវិត។
២. មនុស្សដែលមានវិន័យខ្ពស់
នៅក្នុងទំនាក់ទំនងរបស់អ្នក អ្នកនឹងតែងតែស្វែងរកមនុស្សដែលចែករំលែកស្ទើរតែគ្មានអ្វីនៅលើប្រវត្តិរូបរបស់ពួកគេ។ ពួកគេប្រើពេលទំនេររបស់ពួកគេទាំងអស់ ដើម្បីកែលម្អខ្លួនឯង ហើយបណ្តាញសង្គមពិតជាមិនសំខាន់សម្រាប់ពួកគេទេ។ មនុស្សជាច្រើនប្រើបណ្តាញសង្គមដើម្បីទំនាក់ទំនងជាមួយនឹងមនុស្សថ្មីៗប្លែកៗ។ ពួកគេប្រាស្រ័យទាក់ទងជាមួយបុគ្គលនេះ ឬបុគ្គលនោះ បង្ហោះរូបថត ចែករំលែកគំនិតរបស់ពួកគេ ហើយរង់ចាំមើលមតិយោបល់ និងការចូលចិត្តពីមិត្តក្នុងបណ្ដាញសង្គម។ វាមិនអាចបដិសេធបានទេថានេះកាត់បន្ថយប្រសិទ្ធភាពការងារ។
នេះអាចត្រូវបានគេមើលឃើញយ៉ាងច្បាស់តាមរយៈឧទាហរណ៍មួយ នៅពេលអង្គុយនៅមុខតុបរិភោគអាហារ។ អ្នកញៀនការចែករំលែកម្នាក់បាននិយាយថា ពេលគាត់ឃើញមុខម្ហូបឆ្ងាញ់ៗដាក់នៅចំពោះមុខ គាត់នឹងប្រញាប់យកទូរសព្ទដៃមកថតគ្រប់ជ្រុងជ្រោយ កែហើយបង្ហោះលើទំព័រផ្ទាល់ខ្លួន។ នៅពេលដែលអ្វីៗគ្រប់យ៉ាងរួចរាល់ ម្ហូបលែងក្តៅទៀតហើយ។
ផ្ទុយទៅវិញ មនុស្សដែលមានវិន័យលើខ្លួនឯង ជ្រើសរើសបោះបង់ដំណើរការដ៏ស្មុគស្មាញទាំងនេះ។ ពួកគេផ្តោតលើការរីករាយ ញ៉ាំអាហារដោយមិនមានការរំខាន ដោយប្រើអារម្មណ៍ទាំងអស់របស់ពួកគេ ដើម្បីទទួលបានអត្ថប្រយោជន៍ច្រើនបំផុតពីអាហារនៅលើតុ។
មនុស្សដែលមានវិន័យលើខ្លួនឯងយល់ថា មិនចាំបាច់ចូលរួមក្នុងអន្តរកម្មសង្គមមួយចំនួនដែលមិនមានប្រសិទ្ធភាពនោះទេ។ ពួកគេចំណាយពេលច្រើនសម្រាប់ខ្លួនគេសម្រាប់អ្វីដែលសំខាន់ពិតប្រាកដ ដើម្បីកសាងគ្រឹះដ៏ល្អប្រសើរ។ ដូច្នេះហើយ ពួកគេនឹងកាត់បន្ថយភាពស្មុគស្មាញដែលមិនចាំបាច់នៅលើបណ្តាញសង្គម ដោយបន្សល់ទុកតែព័ត៌មានដែលមានប្រយោជន៍ និងអាចកែលម្អខ្លួនឯងតែប៉ុណ្ណោះ។
៣. មនុស្សដែលខិតខំប្រឹងប្រែងពិតប្រាកដ នឹងមិនរស់នៅក្នុងពិភពនិម្មិតនោះទេ
សម្រាប់មនុស្សភាគច្រើន បណ្តាញសង្គមពិតជាកន្លែងប្រមូលផ្តុំអារម្មណ៍ ដែលគ្រប់គ្នាអាចមើលបាន។ នៅពេលដែលយើងចាប់ផ្តើមបង្កើតរូបភាពសម្រាប់ខ្លួនយើង បង្កើតរូបភាពនៃអ្វីដែលយើងចង់ឱ្យមនុស្សគិតដល់យើង យើងច្បាសជាពាក់របាំងមុខ តុបតែងខ្លួន បាត់អស់នូវភាពជាខ្លួនឯង។ បន្តិចម្ដងៗ មនុស្សភាគច្រើនចាប់ផ្តើមយកចិត្តទុកដាក់លើរូបភាពរបស់ពួកគេតាមអ៊ីនធឺណិត ដោយយកចិត្តទុកដាក់លើគំនិតរបស់អ្នកដទៃអំពីពួកគេ ច្រើនជាងការយកចិត្តទុកដាក់លើជីវិតពិត។
ពួកគេរៀនពីរបៀបធ្វើពុតនៅលើបណ្តាញសង្គម ធ្វើពុតជាមនុស្សដែលចេះរីករាយ មានទេពកោសល្យច្រើន និងស្គាល់ច្រើនផងដែរ។ ទាំងនេះហើយ ដែលធ្វើឱ្យអ្នករស់នៅក្នុងពិភពក្លែងក្លាយ ដើម្បីតែមានអ្វីយកមកបង្ហោះបង្ហាញបង្អួតគេ អ្នកក៏ចាប់ផ្ដើមអួតសម្ញែង ទាំងដែលជាក់ស្ដែងនៃជីវិតពិត គឺមិនដូចអ្វីដែលអ្នកបានបង្ហាញឱ្យគ្រប់គ្នាបានឃើញនោះឡើយ។
៤. មនុស្សដែលមានជីវិតរីករាយពិតប្រាកដ
នៅពេលដែលអ្នករស់នៅក្នុងជីវិតដ៏រីករាយ មានមនុស្សជាទីស្រលាញ់របស់អ្នកនៅក្បែរអ្នក អ្នកទាំងពីរមានការគោរព និងអធ្យាស្រ័យគ្នាទៅវិញទៅមក ហើយជីវិតរបស់អ្នកពោរពេញទៅដោយក្តីស្រលាញ់ អ្នកនឹងឃើញថាបណ្តាញសង្គមមិនមានភាពចាំបាច់នោះឡើយ។
អ្នកចិត្តសាស្រ្តបានស្រាវជ្រាវថា នៅក្នុងចិត្តវិទ្យារបស់មនុស្សតែងតែមានចិត្តគំនិត "ឆ្លង" ប៉ុន្តែនៅពេលដែលអ្នកចែករំលែកសុភមង្គលផ្ទាល់ខ្លួនរបស់អ្នក អារម្មណ៍នៃសុភមង្គលរបស់អ្នកងាយនឹងចុះខ្សោយ។ លើសពីនេះ ប្រសិនបើអ្នកបង្ហាញពីសុភមង្គលរបស់អ្នកទៅកាន់អ្នកដទៃ វានឹងកើតឡើងដែលអ្នកនឹងមិនទទួលបានការឆ្លើយតបជាវិជ្ជមាននោះទេ។ តែងតែមានមនុស្សដែលមិនខ្វល់ពីអ្នក ហើយពិតជាមិនចង់បានរបស់ល្អសម្រាប់អ្នក។ នៅពេលដែលពួកគេឃើញអ្នកចែករំលែកភាពរីករាយ ពួកគេមិនត្រឹមតែមានអារម្មណ៍មិនស្រួលប៉ុណ្ណោះទេ ប៉ុន្តែថែមទាំងមានគំនិតមិនល្អមកលើអ្នកវិញក៏មានដែរ។
នៅពេលដែលមនុស្សម្នាក់រស់នៅក្នុងជីវិតដ៏រីករាយពិតប្រាកដ ពួកគេនឹងយល់ថាជីវិតរបស់ពួកគេមិនចាំបាច់បង្ហាញឱ្យអ្នកដទៃឃើញនោះទេ។ ជំនួសឱ្យការបង្ហាញសេចក្តីស្រឡាញ់ និងសុភមង្គលនៅចំពោះមុខអ្នកដទៃ ទាក់ទាញការច្រណែន ឬការស្តីបន្ទោសពីអ្នកដទៃ យកល្អត្រូវគ្រប់គ្រងជីវិតខ្លួនឯងឱ្យបានល្អ។ ជាការពិតណាស់ បណ្តាញសង្គមជាមួយនឹងរង្វង់មិត្តភ័ក្តិ នៅតែនាំមកនូវអត្ថប្រយោជន៍មួយចំនួនដល់យើង។ វាជួយយើងធ្វើបច្ចុប្បន្នភាពព័ត៌មានអំពីមនុស្ស រក្សាទំនាក់ទំនងជាមួយសាច់ញាតិ និងមិត្តភក្តិ ហើយមានប្រយោជន៍សម្រាប់ការកម្សាន្ត និងការសម្រាកលំហែកាយ។
ទោះយ៉ាងណាក៏ដោយ វាមិនមែនជាការផ្តោតអារម្មណ៍នៃជីវិតរបស់អ្នកទេ។ កុំឱ្យបណ្តាញនិម្មិតនោះមកលងបន្លាចជីវិតរបស់អ្នក។ មនុស្សទាំង ៤ ប្រភេទនេះដែលកម្រចែករំលែកនៅលើបណ្តាញសង្គមពិតជាឆ្លាតណាស់។ ពួកគេបានលះបង់បន្ទុកខាងក្នុងរបស់ពួកគេ ហើយរស់នៅដោយផាសុកភាពបំផុត។ សម្រាប់អ្នកដែលចូលចិត្តចែករំលែកអំពីជីវិតរបស់ពួកគេ សូមកុំបន្ទោសពួកគេ ព្រោះមនុស្សគ្រប់រូបមានស្ថានភាពរស់នៅ និងរបៀបរស់នៅរៀងៗខ្លួន។ យ៉ាងណា ការប្រើប្រាស់បណ្ដាញសង្គម កុំឱ្យតែទៅប៉ះពាល់អ្នកដទៃ ហើយរស់នៅដោយសុភមង្គល ប៉ុណ្ណឹងក៏ល្អហើយ។
យ៉ាងណាមិញ បណ្តាញសង្គមគ្រាន់តែជាឧបករណ៍ទំនាក់ទំនងប៉ុណ្ណោះ ជីវិតគឺជាដំណាក់កាលពិតរបស់យើង។ ដូច្នេះហើយ មនុស្សដែលស្រឡាញ់ជីវិតពិត នឹងមិនបណ្តោយឱ្យបណ្តាញសង្គមចងភ្ជាប់ពួកគេឡើយ ប៉ុន្តែនឹងរស់នៅក្នុងជីវិតរបស់ពួកគេឱ្យពេញលេញ។ សម្រាប់ពួកគេ ការងារ និងជីវិតពិត គឺសំខាន់ជាងបណ្តាញសង្គមដែលស្រមើលស្រមៃទៅទៀត។ ពួកគេស្រឡាញ់ជីវិតយ៉ាងខ្លាំង ដូច្នេះពួកគេនឹងមិនចំណាយពេលប្រើប្រាស់បណ្ដាញសង្គម ក៏មិនសាងទំនាក់ទំនងជាមួយនឹងនរណាម្នាក់ តាមរយៈបណ្ដាញសង្គម រហូតដល់ភ្លេចមនុស្សក្បែរខ្លួន សាងសុភមង្គលពិតនៃជីវិតនោះឡើយ៕
ព័ត៌មានថ្មីៗ
