មនុស្សអន់ អសមត្ថភាពកាន់តែខ្លាំង កាន់តែស្ដែងចេញនូវលក្ខណៈទាំង ៤ នេះឡើងមក
មនុស្សប្រុសដែលអន់ខ្លាំង និងអសមត្ថភាព ច្រើនតែមានលក្ខណៈទាំង ៤ យ៉ាងនេះ ដែលអាចឱ្យយើងបានដឹងកាន់តែច្បាស់ ថាគេនោះ ជាបុគ្គលបែបណា។
១. មិនចេះអត់ធ្មត់
យើងអាចឃើញថា មានមនុស្សដែលមានទម្លាប់ប្រព្រឹត្តចំពោះអ្នកដទៃដោយអាកប្បកិរិយាមិនសប្បាយចិត្ត និងគ្មានការគោរព។ និស្ស័យរបស់មនុស្ស គឺជាការឆ្លុះបញ្ចាំងពីការដាំដុះខាងក្នុងរបស់ពួកគេ។ ក្នុងជីវិតនេះ យើងម្នាក់ៗនឹងជួបរឿងមិនសប្បាយចិត្ត ងាយនឹងត្អូញត្អែរ។ បើមនុស្សមានសមត្ថភាព គេនឹងមិននិយាយអវិជ្ជមានពេលមានរឿងកើតឡើងនោះឡើយ។ ពួកគេយល់ថា ការត្អូញត្អែរនឹងមិនអាចដោះស្រាយអ្វីទាំងអស់។ មនុស្សអសមត្ថភាព តែងតែប្រើកំហឹងដើម្បីបញ្ចេញការមិនពេញចិត្ត ដើម្បីបញ្ចេញអារម្មណ៍ខាងក្នុងរបស់ពួកគេ។
២. គ្មានគោលការណ៍ច្បាស់លាស់
ក្នុងជីវិតមានមនុស្សមិនពេញចិត្តនឹងជីវិតរបស់ខ្លួន តែងតែមានទម្លាប់ខ្ជិលច្រអូស និងមិនចេះកែប្រែ។ មានបុរសជាច្រើនដែលដឹងថា ប្រពន្ធធ្វើការនៅផ្ទះយ៉ាងលំបាក ប៉ុន្តែពួកគេនៅតែលេងសប្បាយនៅខាងក្រៅ ហើយមិនត្រលប់មកជួយប្រពន្ធនោះឡើយ។ មនុស្សប្រភេទនេះគ្មានគោលការណ៍អ្វីទាំងអស់។
អ្វីគ្រប់យ៉ាងនៅក្នុងជីវិត ត្រូវតែមានគោលការណ៍ជាក់លាក់ និងចំណុចសំខាន់ៗ។ ប្រសិនបើមនុស្សម្នាក់មិនមានគោលការណ៍ គាត់នឹងលែងទទួលបានការគាំទ្រ និងជំនួយពីមនុស្សជុំវិញខ្លួន។ មនុស្សគ្រប់រូបត្រូវរៀនស្វែងយល់ពីមូលដ្ឋានគ្រឹះនៃក្រមសីលធម៌។ បុគ្គលដែលគ្មានគោលការណ៍ គ្មានគ្រឹះនៃជីវិត និងការងារ គឺជាមនុស្សអសមត្ថភាពបំផុត។
៣. យឺតយ៉ាវ រាករែក
មនុស្សដែលតែងតែយឺតយ៉ាវ មានទំនោរពន្យារពេលក្នុងការងារ មិនមែនជាមនុស្សដែលមានសមត្ថភាពនោះទេ។ អ្នកដែលមានសមត្ថភាពក្នុងការធ្វើការ តែងតែមានភាពស្អាតស្អំ រហ័សរហួន និងរវាស។ នៅក្នុងជីវិត អ្នកអាចមើលឃើញបុរស ដែលតែងតែពន្យារពេលនៅកន្លែងធ្វើការ។ ជំនួសឱ្យការស្វែងរកដំណោះស្រាយ ពួកគេនឹងគេចវេសយករួចខ្លួន។
៤. គ្មានទំនួលខុសត្រូវ
បុរសដែលមានសមត្ថភាព គឺមានភាពក្លាហាន និងខ្លាំងពូកែណាស់ ទោះជួបការលំបាកយ៉ាងណាក៏អាចយកឈ្នះបាន និងជោគជ័យដែរ។ ប៉ុន្តែបុរសអសមត្ថភាព នឹងរត់ចេញពេលជួបនឹងការលំបាក។ បុរសអសមត្ថភាព តែងតែខ្ជិលមិនចង់ធ្វើការចង់បានលទ្ធផល តែខ្ជិលខំប្រឹង មនុស្សបែបនេះ គ្មានជីវិតដែលល្អនោះឡើយ៕
ប្រភព ៖ បរទេស / Knongsrok
ព័ត៌មានថ្មីៗ
