ក្រលំបាកយ៉ាងណាក៏ដោយ តែកុំល្ងង់ល្ងិត ដាច់ខាត កុំនិយាយពាក្យទាំង ៣ នេះ
ពាក្យចាស់តែងពោលថា ក្រទ្រព្យ ក្រលុយ កុំឱ្យតែក្រចិត្ត ក្រគំនិត ក្រចំណេះ យ៉ាងមិញ មិនថាអ្នកក្រទ្រព្យ ខ្សត់ខ្សោយយ៉ាងណាទេ ដាច់ខាតកុំល្ងង់ល្ងិតបើកមាត់និយាយពាក្យទាំង ៣ នេះឱ្យសោះ។
១. ពាក្យអវិជ្ជមាន
ពេលធ្វើអ្វីមួយ កុំគិតចំណុចអវិជ្ជមានខ្លាំងពេក មិនថាធ្វើរឿងតូច ឬរឿងធំទេ អ្នកគួរយកចិត្តទុកដាក់លើអារម្មណ៍ខ្លួនឯង និងអ្នកជុំវិញខ្លួនឱ្យបានច្រើន។ ពេលមានការមិនចុះសម្រុងគ្នា កុំគ្រាន់តែបដិសេធយោបល់អ្នកដទៃ ដោយគិតថាខ្លួនឯងត្រូវឱ្យសោះ។ ត្រូវចេះគ្រប់គ្រងមាត់ឱ្យបានល្អ កុំនិយាយពាក្យពិសពុល ពុតត្បុត កុំនិយាយពាក្យជេរប្រមាថអ្នកដទៃឱ្យសោះ។
២. ពាក្យគ្រោតគ្រាត ប្រមាថ មាក់ងាយ
បុគ្គលណាដែលបើកមាត់រាល់ពេលនិយាយនូវពាក្យ ប្រមាថមើលងាយអ្នកដទៃ ងាយនឹងត្រូវគេស្អប់ខ្លាំងណាស់។ ព្រោះរាល់ពាក្យដែលអ្នកនិយាយ អាចធ្វើឱ្យអ្នកដទៃគិត និងឈឺចាប់ ឬអាចសម្លាប់គេក៏បានដែរ។ អ្នកប្រហែលជាមិនគិតទេ ពេលអ្នកនិយាយ ប៉ុន្តែពាក្យសម្ដីរបស់អ្នកនឹងធ្វើឱ្យគេខូចចិត្ត ជាពាក្យបំផ្លាញគេខ្លាំង។
ពរជ័យ និងសំណាងអាក្រក់ រមែងកើតចេញពីមាត់។ ពត់អណ្តាតរបស់អ្នកដោយប្រុងប្រយ័ត្ន មុនពេលអ្នកនិយាយអ្វីមួយចេញទៅ។ មនុស្សជាច្រើនមិនអាចគ្រប់គ្រងមាត់របស់ពួកគេឱ្យបានល្អទេ ដូច្នេះតម្លៃពួកគេក៏ធ្លាក់ចុះដែរ។
៣. ពាក្យត្អូញត្អែរ
ជីវិតនេះត្រូវឆ្លងកាត់ការលំបាកជាច្រើន ដើម្បីអាចភ្លក្សរសជាតិនៃជីវិត។ បើនរណាម្នាក់និយាយថា ជីវិតរបស់ពួកគេស្រស់ស្អាតដូចផ្កាកុលាប នោះគឺជាការកុហកដើម្បីបិទបាំងគ្រប់យ៉ាងហើយ។ តែយ៉ាងណា មនុស្សដែលចេះតែត្អូញត្អែរ ទួញសោកច្បាស់ជាគ្មានកម្លាំងចិត្តក្នុងជីវិត។
ក្នុងជីវិតនេះ មនុស្សគ្រប់រូបតែងមានពេលមានអ្វីខុស ឬមាននរណាម្នាក់ធ្វើបាបពួកគេ។ ប៉ុន្តែជំនួសឱ្យការបំភ្លេច និងរក្សាទុកវានៅក្នុងចិត្តរបស់អ្នក អ្នកនឹងធ្វើបាបមនុស្សគ្រប់រូប និងខ្លួនអ្នកយ៉ាងទម្ងន់៕
ប្រភព ៖ បរទេស / Knongsrok
ព័ត៌មានថ្មីៗ
