៣យ៉ាង! មិនមែនសម្រាប់អួតសម្ញែង ដើម្បីឱ្យគេគិតថា ខ្លួនឯងឡូយនោះឡើយ
មនុស្សកាន់តែសាមញ្ញ នឹងកាន់តែខ្ពង់ខ្ពស់ កាន់តែស្ងប់ស្ងាត់ ក៏កាន់តែថ្លៃថ្នូរ ចង់ក្លាយជាមនុស្សល្អ ខ្ពង់ខ្ពស់ពិតប្រាកដ ដាច់ខាតមិនត្រូវអួតសម្ញែង ដើម្បីឱ្យគេមើលមកថាយើងឡូយ សម្បើមនោះឡើយ។ ជាពិសេស ក្នុងរឿងទាំង ៣ ខាងក្រោមនេះ ដាច់ខាត មិនត្រូវអួតខ្ទរខ្ទារជាដាច់ខាត បើអ្នកអួត ក៏មានន័យថា អ្នកជាមនុស្សដែល្ងង់ខ្លៅបំផុតហើយ។
១. សុភមង្គលមិនមែនសម្រាប់អួតទេ
នៅពេលចែករំលែកពេលវេលាដ៏រីករាយរបស់អ្នកនៅលើបណ្តាញសង្គម ប្រសិនបើអ្នកធ្វើវាម្តង ឬពីរដង អ្នកអាចទទួលបានពរជ័យពីអ្នកទាំងអស់គ្នា។ ប៉ុន្តែប្រសិនបើអ្នកធ្វើវាជាប្រចាំ វានឹងធ្វើឱ្យអ្នកដទៃមានអារម្មណ៍ជ្រេញទៅវិញតែប៉ុណ្ណោះ។
ព្រោះតែក្តៅត្រជាក់ដឹងតែខ្លួនឯង បើអ្នកបន្តធ្វើអីសប្បាយចិត្ត នោះងាយឱ្យអ្នកដទៃគិតថាអ្នកកំពុងលាក់បញ្ហា។ កុំព្យាយាមបង្ហាញសុភមង្គលរបស់អ្នកនៅលើបណ្តាញសង្គម លាក់សុភមង្គលរបស់អ្នកឱ្យជ្រៅក្នុងចិត្តរបស់អ្នក ហើយព្យាយាមធ្វើជាអ្នកចិញ្ចឹមគ្រួសាររបស់អ្នកឱ្យបានល្អទៅ គេដឹងពេកហើយ។
២. អួតសម្ញែងរឿងលុយកាក់ គឺជាអាកប្បកិរិយាឆោតល្ងង់បំផុត
អ្នកណាមិនចង់ក្លាយជាអ្នកមាន នោះជាធម្មជាតិរបស់មនុស្ស។ ការទទួលបានទ្រព្យសម្បត្តិដែលចង់បានតាមរយៈការខិតខំប្រឹងប្រែងផ្ទាល់ខ្លួន គឺជារង្វាន់ដ៏សក្តិសមសម្រាប់អ្នកធ្វើការធ្ងន់ និងជាការបញ្ជាក់ពីការលះបង់របស់អ្នក។
បុរាណបានពោលថា ៖ ទ្រព្យសម្បត្តិមិនគួរលាតត្រដាងឡើយ។ ការអួតលុយតាមបណ្តាញសង្គម ជាអាកប្បកិរិយាមិនសមរម្យនឹងនាំឱ្យអ្នកមានបញ្ហាតែប៉ុណ្ណោះ។
ការបង្ហាញទ្រព្យសម្បត្តិរបស់អ្នកទៅកាន់សង្គម នឹងធ្វើឱ្យអ្នកពេញចិត្តនឹងអត្មារបស់អ្នកប៉ុណ្ណោះ ប៉ុន្តែវានឹងធ្វើឱ្យអ្នកខាតបង់ដោយមិនចាំបាច់។ មនុស្សឆ្លាត គេមិនធ្វើបែបនេះទេ។ អ្នកកាន់តែមាន អ្នកត្រូវតែបន្ទាបខ្លួនកាន់តែច្រើន កុំឱ្យអ្នកខាងក្រៅដឹងថាអ្នកមានលុយប៉ុន្មាន។
៣. អួតពីសមិទ្ធផលរបស់អ្នក ធ្វើឱ្យអ្នកដទៃមើលងាយអ្នក
មានមនុស្សប៉ុន្មាននាក់ដែលទើបតែសម្រេចបានសមិទ្ធផលតូចតាចមួយរំពេច ហើយក៏អួតដាក់លើបណ្តាញសង្គម។ មនុស្សបែបនេះងាយនឹងត្រូវគេមើលងាយ និងមិនគោរពពីអ្នកដទៃខ្លាំងណាស់។
មូលហេតុគឺដោយសារពួកគេគិតថា មនុស្សប្រភេទនោះឥតប្រយោជន៍ពេក ដែលមនុស្សឥតប្រយោជន៍នឹងមិនទទួលបានការទទួលស្គាល់ពីអ្នកដទៃ។ ដូច្នេះ ការអួតអំពីសមិទ្ធផលរបស់អ្នក នឹងមិនជួយអ្នកទាក់ទាញការចាប់អារម្មណ៍ពីអ្នកដទៃឡើយ។
ដោយសារតែអាចមានមិត្តភ័ក្តិជាច្រើនដែលមានស្នាដៃខ្ពស់ជាងអ្នក ប៉ុន្តែពួកគេគ្រាន់តែមិនជ្រើសរើសបង្ហាញវាតាមអ៊ីនធឺណិត ដូច្នេះនៅពេលដែលអ្នកអួតច្រើនពេក អ្នកនឹងក្លាយទៅជាអ្នកសើចក្នុងក្រសែភ្នែករបស់ពួកគេភ្លាមៗ៕
ប្រភព ៖ Phunutoday / Knongsrok
ព័ត៌មានថ្មីៗ
