៣នាទី! អនុវត្តតែម្ដង អាចកែប្រែជីវិតបានកាន់តែប្រសើរ
នៅពេលដែលអ្នកបង្កើតទម្លាប់នៃការយឺតយ៉ាវ អ្នកនឹងក្លាយជាមនុស្សដែលត្រូវរងទុក្ខកាន់តែច្រើន។ យ៉ាងណាមិញ ចំណាយពេល ៣ នាទី អនុវត្តន៍ចំពោះហេតុទាំងនេះ ពិតជាជួយឱ្យជីវិតអ្នក កាន់តែល្អប្រសើរ។
១. ពេលនិយាយ - ត្រូវពិចារណារយៈពេល ៣ នាទី
មនុស្សបុរាណមានបាវចនាជីវិតមួយគឺ៖ «និយាយយឺតៗ និងទន់ភ្លន់»។ ដោយសារពាក្យសម្ដីប្រៀបដូចជាចានទឹកដែលហៀរមក វាមិនអាចយកមកវិញបានឡើយ។ ពាក្យខ្លះងាយនិយាយដោយមិនបានឆ្លងកាត់ខួរក្បាល។ ទោះបីជាគ្មានអំពើអាក្រក់ក៏នឹងធ្វើឱ្យអ្នកដទៃរងគ្រោះ និងបង្កមហន្តរាយដល់ខ្លួនដែរ។
និយាយអ៊ីចឹងត្រូវយកចិត្តទុកដាក់លើវិធីសាស្ត្រឱ្យបានត្រឹមត្រូវ ៖ គួរនិយាយតិច កុំនិយាយច្រើន និយាយយឺត ប្រសើរជាងនិយាយលឿន មនុស្សចេះនិយាយទន់ភ្លន់ មិនដែលនិយាយពាក្យគំរោះគំរើយឡើយ។
២. ពេលខឹង - ស្ងប់ស្ងាត់រយៈពេល ៣ នាទី
ក្នុងជីវិតនេះ មានរឿងមិនសប្បាយចិត្តខ្លះនឹងកើតឡើង។ រៀនគ្រប់គ្រងអារម្មណ៍របស់អ្នក ហើយកុំទុកកំហឹងលើផ្ទៃមុខ។ ពេលខឹង មនុស្សតែងតែធ្វើដោយអន្ទះអន្ទែង។ អ្វីដែលអ្នកនិយាយ និងធ្វើនៅពេលនោះ នឹងធ្វើឱ្យអ្នកដទៃ និងខ្លួនអ្នកឈឺចាប់។ តើអារម្មណ៍លម្អៀងដូចកំហឹងមិនមានក្នុងចិត្តមនុស្សដោយរបៀបណា? បើមិនអាចទប់កំហឹងបានទេ វានឹងហួសពេលមិនខាន។
មធ្យោបាយដ៏ល្អបំផុតដើម្បីគ្រប់គ្រងកំហឹង គឺរក្សាភាពស្ងប់ស្ងាត់។ ជំនួសឱ្យការសោកស្ដាយអ្វីមួយ ចូរទុកឱ្យខ្លួនអ្នកឱ្យស្ងប់រយៈពេល ៣ នាទី ហើយធ្វើការសម្រេចចិត្តពេលអារម្មណ៍បានស្ងប់ចុះ។
អ្នកគួររៀនប្រឈមមុខនឹងវាដោយត្រជាក់ ទើបអ្នកអាចដឹងថា ការពិតទៅ រឿងដែលកើតនោះ មិនសមនឹងខឹងទាល់តែសោះ។
៣. ត្រៀមខ្លួន ៣ នាទី មុននឹងធ្វើអ្វីមួយ បង្ហាញពីការទទួលខុសត្រូវរបស់អ្នក។
មុននឹងអ្នកចង់ធ្វើអ្វីមួយ អ្នកគួរតែត្រៀមខ្លួនឱ្យបានរួចរាល់សិន ត្រឹមរយៈពេល ៣ នាទី អ្នកនឹងជោគជ័យយ៉ាងងាយ បើអ្នកមិនបានត្រៀមខ្លួនទេ អ្នកនឹងបរាជ័យយ៉ាងងាយ។
នៅពេលដែលអ្នកបង្កើតទម្លាប់នៃការយឺតយ៉ាវ អ្នកនឹងក្លាយជាអ្នកចាញ់ដោយងាយ។ ៣ នាទីគឺជាទម្រង់នៃការគោរពចំពោះអ្នកដទៃ។ ធ្វើឱ្យមានចំណាប់អារម្មណ៍ល្អ ដើម្បីឱ្យមនុស្សអាចមើលឃើញពីភាពស្មោះត្រង់របស់អ្នក។
មនុស្សបែបនេះនឹងត្រូវបានស្វាគមន៍គ្រប់ទីកន្លែងដែលពួកគេទៅ។ យើងម្នាក់ៗត្រូវត្រៀមខ្លួន ៣ នាទីមុនអ្វីៗក៏ទទួលខុសត្រូវចំពោះខ្លួនយើងដែរ ដើម្បីកុំឱ្យបាត់បង់អ្វីៗទាំងអស់ដោយសារតែការប្រញាប់។
៤. ឈ្វេងយល់ពីអ្នកដទៃ ស្ទាបស្ទង់ខាងក្នុងគេ រយៈពេល ៣ នាទី
ចំណុចខ្សោយមួយរបស់មនុស្សគឺទម្លាប់នៃការមើលឃើញដោយភ្នែកទាំងពីរ។ តែងតែសម្លឹងមើលអ្នកដទៃ តែមិនឃើញកំហុសខ្លួនឯង។ នៅពេលទំនាក់ទំនងជាមួយអ្នកណាម្នាក់ រៀនមើលពិភពលោកដោយភ្នែកម្ខាង ហើយសម្លឹងមួយផ្នែកនៃខ្លួនឯង។ នៅពេលដែលអ្នកមានពេលត្អូញត្អែរពីអ្នកដទៃ វាជាការប្រសើរក្នុងការព្យាយាមផ្លាស់ប្តូរខ្លួនឯងឱ្យអស់ពីសមត្ថភាព៕
ប្រភព ៖ Phunutoday / Knongsrok
ព័ត៌មានថ្មីៗ
