តស់មកដឹងពីព្រះពុទ្ធរូបតំណាងថ្ងៃកំណើត! ការគោរពដោយខ្ជាប់ខ្ជួនពិតជានាំមកនូវបុណ្យកុសល និងសេចក្តីសុខចម្រើន
ប្រជាជនខ្មែរភាគច្រើនជាង ៩៤ ភាគរយជាអ្នកកាន់ពុទ្ធសាសនា និងគោរពបូជាព្រះពុទ្ធស្ទើរគ្រប់តំបន់ រួមទាំងគ្រប់ពិធីបុណ្យសាសនា។ ។ នៅក្នុងនោះសូម្បីតែថ្ងៃកំណើតរបស់មនុស្សម្នាក់ៗ គឺសុទ្ធតែមានជាប់ពាក់ព័ន្ធនឹងប្រវត្តិ និងឥរិយាបថរបស់ព្រះពុទ្ធដូចគ្នា ដែលគេជឿថាជាព្រះពុទ្ធរូបតំណាងឱ្យថ្ងៃកំណើតរបស់បុគ្គលម្នាក់ៗ ដែលគួរតែជាព្រះដែលគោរពយ៉ាងផ្ជាប់ផ្ជួន។
ដូច្នេះចង់ដឹងថាព្រះពុទ្អរូបអង្គឥរិយបថអង្គណាជាព្រះប្រចាំខ្លួនរបស់អ្នក មកតាមដានខាងក្រោមនេះ ៖
# ថ្ងៃអាទិត្យ៖ ព្រះពុទ្ធរូបក្នុងឥរិយាបទឈរ
ព្រះពុទ្ធរូបអង្គនេះ មានឥរិយាបថឈរត្រង់ ហើយដៃទាំងពីរត្រូវផ្គងគ្នាដាក់នៅត្រង់ចន្លោះភ្លៅ ភ្នែកទាំងពីរបើកហើយសម្លឹងទៅមុខ។ ឥរិយាបថនេះ កើតចេញពីកាលដែលព្រះសម្មាសម្ពុទ្ធបានត្រាស់ដឹងរួចមកហើយ ហើយទ្រង់ត្រេកអរនឹងការជួយរំដោះគ្រោះដល់សត្វលោក ឬ «សេចក្តីសុខកើតនៃសេចក្ដីសុខ» ។
-ពណ៌តំណាង៖ អ្នកដែលកើតថ្ងៃអាទិត្យគួរប្រើពណ៌ដែលមានសំណាង។ សម្រាប់សំលៀកបំពាក់ ឬគ្រឿងអលង្ការគួរតែមានពណ៌ក្រហម នឹងទទួលបានលាភសំណាងខ្លាំង។
# ថ្ងៃច័ន្ទ ៖ ព្រះពុទ្ធរូបក្នុងឥរិយាបទហាមញាតិ ឬក្នុងឥរិយាបថហាមសមុទ្រ
ឥរិយាបថនេះ គឺជាឥរិយាបថដែលព្រះពុទ្ធលើកព្រះហស្ថស្តាំលើកដាក់ត្រង់ទ្រូង គឺជាការហាមឃាត់ ឬហាមប្រាមញាតិសន្តានផ្សេងៗ។ កិរិយាហាមឃាត់នោះ គឺទ្រង់សំដែងអព្ភូតហេតុ ដើម្បីបំផ្លាញ ឬហាមប្រាណនូវសេចក្តីរឹងរូសនៃពួកឆន្ទាទាំងឡាយ ដោយហាមភ្លៀង ហាមខ្យល់ ហាមព្យុះ ហាមទឹកមិនអោយជន់លិចទីជម្រក និងហាមប្រាណជម្លោះណាមួយ។
អ្នកដែលកើតថ្ងៃចន្ទ និងមានព្រះពុទ្ធរូបតំណាងអង្គនេះ គឺសំដៅទៅតារាដែលមានធាតុទឹក និងជាអ្នកដែលមានអនុភាព អាចហាមប្រាមជម្លោះនានា និងអាចជួយហាមឃាត់សភាវៈអាក្រក់ផ្សេងៗបាន។
-ពណ៌តំណាង៖ អ្នកកើតថ្ងៃច័ន្ទគួរប្រើគ្រឿងតុបតែងផ្ទះសម្បែងដោយពណ៌ស លឿងស្រាលជាការល្អបំផុត។
# ថ្ងៃអង្គារ ៖ ព្រះពុទ្ធបដិមាផ្ទុំ ឬចូលបរិនិព្វាន
ឥរិយាបថនេះ គឺព្រះអង្គស្ថិតនៅក្នុងឥរិយាបថផ្ទុំផ្អៀងទៅខាងស្តាំ ដោយដៃស្តាំរបស់ទ្រង់ ទ្រព្រះកេសរបស់ទ្រង់មកខាងទិសខាងលិច បែរព្រះភ័ក្ត្រទៅទិសខាងលិច ព្រះបាទឆ្វេងត្រួតលើព្រះបាទស្ដាំ ជារូបនៅពេលព្រះអង្គចូលបរិនិព្វាន ហើយតាំងចិត្តថាមិនក្រោកឡើងទៀតទេ។ ការសាងព្រះពុទ្ធក្នុងឥរិយាបថនេះ គឺជាការរំឭកដល់ការសោយទិវង្គតរបស់ព្រះអង្គ។
ព្រះពុទ្ធរូបប្រចាំថ្ងៃអង្គារ គឺតំណាងឱ្យភពអង្គារត្រូវបានគេចាត់ទុកថាជាផ្កាយមរណៈ ឬផ្កាយព្រះគ្រោះ ហើយព្រះពុទ្ធទ្រង់ក៏សោយទិវង្គតនៅថ្ងៃអង្គារដែរ។ ដូច្នេះហើយ អ្នកដែលកើតនៅក្នុងថ្ងៃនេះ ត្រូវរស់នៅដោយមានមនសិកា មានការចងចាំវិជ្ជមាន ហើយត្រូវតែប្រើជីវិត និងការគិតបែបសន្តិភាព។
-ពណ៌តំណាង៖ អ្នកកើតថ្ងៃអង្គារ គួរប្រើគ្រឿងតុបតែងផ្ទះដោយពណ៌ផ្កាឈូក ឬក្រហមឆ្អៅ។
# ថ្ងៃពុធ ៖ ព្រះពុទ្ធរូប គង់ក្នុងឥរិយាបទកាន់បាត្រ
ឥរិយាបទនេះ គឺក្នុងឥរិយាបទព្រះពុទ្ធទ្រង់ឈរកាន់បិណ្ឌបាត ហើយព្រះហស្ថទាំង២ឱបបាត្រនៅពីមុខ ជាតំណាងព្រះពុទ្ធអង្គនិមន្តបិណ្ឌបាត្រ។ កាលនោះ តែគ្មានសាច់ញាតិ ឬបរិសថណាយកចង្ហាន់មកថ្វាយព្រះអង្គនោះទេ ដោយសារតែមេត្តាដល់កូនសិស្សដែលដើរតាមព្រះអង្គ ទ្រង់ក៏បាននាំសិស្សរបស់ព្រះអង្គទៅធ្វើធម្មយាត្រាតាមផ្លូវ ដើម្បីបិណ្ឌបាត្រផ្គាប់ចិត្តបរិស័ទ។ ដូច្នេះ អ្នកភូមិកាលបានឃើញព្រះអង្គកាន់បាត្រសុំបិណ្ឌបច្ច័យដល់សាវ័កបែបនេះ ក៏ពោលពាក្យសរសើរទ្រង់គ្រប់ៗគ្នា។
អ្នកដែលកើតថ្ងៃពុធ មានព្រះពុទ្ធអង្គកាន់បាត្រជាតំណាង បានន័យថាជាតារាសំណាងដែលទាក់ទងនឹងការធ្វើដំណើរ និងម្ហូបអាហារ ហើយកាលណាថ្វាយបង្គំព្រះពុទ្ធរូបអង្គនេះជាព្រះប្រចាំកាយនឹងមានតែភាពសុខសាន្ត និងបរិបូរណ៍មិនខ្វះខាតឡើយ។
-ពណ៌តំណាង៖ អ្នកដែលកើតនៅថ្ងៃពុធ គួរប្រើគ្រឿងតុបតែង ពណ៌អ័ព្ទ ប្រផេះ ឬខ្មៅអ័ព្ទ ពណ៌ទី២ គឺក្រហម ស ខៀវទឹក ខៀវលឿង គួរចៀសវាង ។
# ថ្ងៃព្រហស្បត្តិ៍ ៖ ព្រះពុទ្ធរូប គង់ក្នុងឥរិយាបថសមាធិ ឬត្រាស់ដឹង
ឥរិយាបទនេះ គឺក្នុងឥរិយាបថសមាធិ ដោយដៃស្តាំត្រូវបានដាក់ពីលើដៃឆ្វេងនៅលើភ្លៅ ហើយកាយវិការនេះគឺមានតាំងពីពេលដែលព្រះពុទ្ធទ្រង់ត្រាស់ដឹង នៅថ្ងៃពេញបូណ៌មី ១៥កើត ខែពិសាខ ឬថ្ងៃវិសាខបូជាមកម្ល៉េះ។
អ្នកកើតថ្ងៃព្រហស្បតិ៍ គឺជា ភពព្រហស្បតិ៍ គឺជាតារាតំណាងឱ្យភាពជោគជ័យ និងប្រាជ្ញាឈ្លាសវៃ ដែលប្រៀបដូចជាកាលដែលព្រះពុទ្ធទ្រង់បានត្រាស់ដឹង និងបានបង្រៀនដល់សត្វលោកទាំងអស់។
-ពណ៌តំណាង៖ អ្នកដែលកើតថ្ងៃព្រហស្បតិ៍ ត្រូវប្រើគ្រឿងអលង្ការ និងពណ៌ដែលមានពណ៌លឿង ឬត្បូងកណ្តៀង។ ពណ៌ទីពីរគឺពណ៌ខៀវ ក្រហម បៃតង ខ្មៅ ខៀវទឹកសមុទ្រ និងពណ៌ខៀវងងឹត។
# ថ្ងៃសុក្រ ៖ ព្រះពុទ្ធរូបឱបទ្រូង
ឥរិយាបទនេះ គឺស្ថិតនៅក្នុងឥរិយាបថឈរ ហើយដៃទាំងពីរដាក់លើទ្រូង ទម្រង់ដៃស្តាំដាក់លើដៃឆ្វេង ជាឥរិយាបថដែលកើតចេញពីការត្រាស់ដឹងរបស់ព្រះពុទ្ធ។ កាលនោះ ព្រះពុទ្ធគិតថាការត្រាស់ដឹង គឺពិបាកនឹងសម្រេចណាស់ ហើយក៏ត្រូវមានការគិតជ្រៅជ្រះខ្លាំងសម្រាប់មនុស្សធម្មតា ដូច្នេះបានជាព្រះអង្គមិនបង្រៀនព្រះធម៌ដល់មនុស្សឡើយ ។ ប៉ុន្តែព្រះបាទសាហបតីព្រាហ្មណ៍បានសុំព្រះអង្គឱ្យបង្រៀនពិភពលោកម្ដងទៀត ដោយបានពន្យល់ថា នៅមានមនុស្សទន់ខ្សោយសៅហ្មងច្រើនណាស់ ដែលនៅតែចង់ស្តាប់ព្រះធម៌ដដែល។ កាលព្រះសម្មាសម្ពុទ្ធទ្រង់យល់ព្រម ហើយក៏ត្រឡប់ទៅបង្រៀនព្រះធម៌ដល់មនុស្សលោករហូតដល់បរិនិព្វាន។
អ្នកកើតថ្ងៃសុក្រ តំណាងឱ្យពិភពលោក ដែលជាការប្រើអារម្មណ៍ ឆន្ទៈ ធ្វើអ្វីមួយ ប្រៀបដូចជាព្រះពុទ្ធដែលត្រូវត្រិះរិះពិចារណាអំពីធម៌ដែលត្រូវតែផ្សព្វផ្សាយដល់មនុស្ស បើទោះបីជាយល់ថាពិបាកនឹងផ្សាយដល់ចិត្តមនុស្សក៏ដោយ។ ប៉ុន្តែទោះបីជាមានឧបសគ្គ និងជួបរឿងពិបាកក្តី តែការមានឆន្ទះជួយដល់មនុស្សបែបនេះ ធ្វើឲ្យមនុស្សមានការយល់ដឹងកាន់តែខ្ពស់ និងដឹងថាភ្ញាកខ្លួនថាពួកគេគួររតែស់នៅបែបណាឱ្យបានល្អ និងកុំឈ្លក់វង្វេងនឹងចំណង់តណ្ហាហួសហេតុពេក។
-ពណ៌តំណាង៖ អ្នកកើតថ្ងៃសុក្រ ប្រើគ្រឿងអលង្ការ និងរៀបចំផ្ទះពណ៌ខៀវ ឬពណ៌ខៀវងងឹត។ ពណ៌បន្ទាប់គឺពណ៌ស ពណ៌ស្វាយ និងពណ៌លឿង លើកលែងតែពណ៌ប្រផេះ ពណ៌ស្រអាប់ ។
#ថ្ងៃសៅរ៍ ៖ ព្រះពុទ្ធរូបប្រក់នាគ
ព្រះពុទ្ធរូបនេះ ជាតំណាងកាលព្រះអង្គគង់នៅសម្មាធិនៅភ្លឺស្រះមុចលិន្ទ ដែលក្នុងពេលនោះមានភ្លៀងបង្អុរខ្លាំងមិនឈប់មិនឈេរសោះ មាននាគរាជមកពេនព័ទ្ធព្រះអង្គបើកពពារគ្របបាំងលើព្រះអង្គ ដើម្បីការពារភ្លៀង ។
សម្រាប់នៅក្នុងថ្ងៃសៅរ៍នោះ គឺជាថ្ងៃសំដៅលើភាពរឹងមាំ ផងដែរ ដោយសារតែសៅរ៍គឺជាភពទុក្ខសោក និងបាបកម្ម ហើយអ្នកកើតក្នុងថ្ងៃនេះមានចរិតមិនសូវល្អ ឬមានរឿងទុក្ខសោកជាខ្លាំង ដូច្នេះហើយអ្នកដែលកើតថ្ងៃសៅរិ៍ មានព្រះពុទ្ធរូបអង្គនេះជាតំណង នោះគឺដើម្បីការពារអ្នក មិនខុសពីសត្វពស់ ប្រក់ការពារ និងប្រឆាំងនឹងគ្រោះមហន្តរាយផ្សេងៗជាដើម។
-ពណ៌តំណាង៖ អ្នកកើតថ្ងៃសៅរ៍ ត្រូវប្រើគ្រឿងតុបតែងលម្អ និងផ្ទះ ពណ៌ខ្មៅ ឬពណ៌ស្វាយ។ ពណ៌មួយចំនួនបន្ទាប់ គឺពណ៌ប្រផេះ អ័ព្ទ ដាលីយ៉ា ពណ៌ខៀវ គួរតែមានពណ៌បៃតង៕
រក្សាសិទ្ធិដោយ៖ ក្នុងស្រុក
ព័ត៌មានថ្មីៗ
