សួរនាំថា Bruno ចង់លេងជាមួយជើងចាស់ Man Utd រូបណាខ្លះ? ចម្លើយចេញមកគឺមាន Ronaldo…
Bruno Fernandes ថ្មីៗនេះបានបង្កើតនូវកម្មវិធីសំណួរចម្លើយ Q&A លើបណ្តាញសង្គម Twitter ហើយក៏មានសំណួរចាក់ដោតជាច្រើនពីអ្នកគាំទ្រ។
ក្នុងចំណោមនោះមាន ៣ សំណួរគួរឲ្យចាប់អារម្មណ៍បំផុតដោយមានដូចខាងក្រោម៖
តើ Bruno ចង់លេងជាមួយអតីតកីឡាករជើងចាស់នៅ Man Utd ណាខ្លះ? ចម្លើយ៖ Ronaldo, Wayne Rooney និង Cantona។
តើនរណាជា iDol ក្នុងវិស័យបាល់ទាត់? ចម្លើយ៖ Andres Iniesta ដែលគាត់ជាជា idol របស់ខ្ញុំទាំងក្នុងនិងក្រៅទីលាន ពោលជាវីរបុរសម្នាក់។
តើនរណាជាខ្សែការពារដែលពិបាកនឹងតតាំងបំផុតសម្រាប់អ្នក ហេតុអ្វី? ចម្លើយ៖ Chiellini ជាកីឡាករដ៏ពិបាកបំផុត ហើយគេជាកីឡាករកំពូលសម្រាប់ការយល់ឃើញរបស់ខ្ញុំ។
គួររំឭកថា Bruno គេបានផ្ទេរចេញពីក្លឹបព័រទុយហ្គាល់ Sporting មកចូលរួមនៅ United នាខែកុម្ភៈ ឆ្នាំ ២០២០។ ឆ្លងផុតរយៈពេលជាង ១ ឆ្នាំមកនេះ គេបង្ហាញខ្លួន ៦៧ ប្រកួត រកបាន ៣៥ គ្រាប់និង Assist ២១ លើក។
ហាងឆេងថ្លៃខ្លួនរបស់កីឡាករវ័យ ២៦ ឆ្នាំ ក៏មានការកើនឡើងគួរឲ្យកត់សម្គាល់ដែរ ពោលគឺឡើងពី ៦០ មកទល់ ៩០ លានអឺរ៉ូនៅរយៈពេលចុងក្រោយ៕
ប្រភព៖ Twitter | ប្រែសម្រួល៖ ក្នុងស្រុក
ព័ត៌មានថ្មីៗ
