រៀបការជាមួយមនុស្សស្រី៣ប្រភេទនេះ ប្រៀបដូចជា«គ្រោះ» រងទុក្ខអស់មួយជីវិត
នេះជាស្ត្រី៣ប្រភេទដែលចាស់ទុំណែនាំមិនឲ្យរៀបការជាមួយនោះទេ ព្រោះពិបាកមានសុភមង្គលក្នុងរយៈពេលយូរអង្វែង។ ជីវិតខ្លីណាស់ យុវជនក៏មានតែម្តង ដូច្នេះត្រូវប្រយ័ត្នពេលជ្រើសរើសដៃគូជីវិត។ ជាពិសេសបើចង់បានអាពាហ៍ពិពាហ៍ដ៏មានសុភមង្គល ដាច់ខាតកុំរៀបការជាមួយមនុស្សស្រី៣ប្រភេទខាងក្រោមនេះ៖
១.ស្ត្រីខ្លាំងពេក៖ ភាពរឹងមាំចំពោះស្ត្រីមិនមែនជារឿងអាក្រក់ទេ។ ស្ត្រីឯករាជ្យដែលមិនងាយចាញ់ដោយការលំបាក ហើយដឹងពីរបៀបធ្វើឱ្យមានតុល្យភាពការងារ និងជីវិតនឹងនាំមកនូវទំនាក់ទំនងស្មើភាព និងសុខស្រួល។ ទោះជាយ៉ាងណាក៏ដោយ អ្វីដែលបុរសត្រូវពិចារណាគឺស្ត្រីដែលខ្លាំងពេក។
មនុស្សស្រីប្រភេទនេះមានទំនោរចិត្តក្រអឺតក្រទម មានឥទ្ធិពល និងចង់គ្រប់គ្រងគ្រប់យ៉ាងតាមឆន្ទៈរបស់នាង។ ប្រសិនបើនាងជួបរឿងមិនពេញចិត្ត នាងអាចនឹងខឹងដាក់សម្ពាធ ឬ អាចគំរាមបំបែកឬលែងលះ។
អ្វីដែលគួរឲ្យបារម្ភបំផុតនោះគឺពេលនាងមិនមានសមត្ថភាពពិតប្រាកដ ប៉ុន្តែនៅតែបង្ហាញភាពល្អលើសគេ តែងតែចង់ធ្វើការសម្រេចចិត្ត។ ប្រសិនបើរៀបការជាមួយនារីប្រភេទនេះ បុរសនឹងមានអារម្មណ៍ថប់ដង្ហើម អស់កម្លាំង និងបាត់បង់ខ្លួនឯងបន្តិចម្តងៗក្នុងទំនាក់ទំនង។
២.ស្ត្រីត្អូញត្អែរច្រើន៖ ពេលនៅជាមួយមនុស្សស្រីដែលមានការគិតវិជ្ជមាន បុរសនឹងមានការលើកទឹកចិត្តច្រើន ស្មារតីខ្ពស់ ហើយតែងតែពោរពេញដោយថាមពល។ ប៉ុន្តែប្រសិនបើអ្នកត្រូវរស់នៅជាមួយអ្នកដែលត្អូញត្អែរពេញមួយថ្ងៃ តែងតែរអ៊ូរទាំរឿងមិនពេញចិត្ត នោះជីវិតនឹងកាន់តែតានតឹងជាខ្លាំង។
មនុស្សស្រីប្រភេទនេះអាចប្រែក្លាយរឿងតូចតាចទៅជាបញ្ហាធ្ងន់ធ្ងរ ដោយតែងតែមានអារម្មណ៍មិនសប្បាយចិត្តសូម្បីតែរឿងតូចតាចក៏ដោយ។ បុរសដែលរៀបការជាមួយនាងនឹងទទួលរងឥទ្ធិពលជាបណ្តើរៗដោយថាមពលអវិជ្ជមាននេះ ក្លាយទៅជាបាក់ទឹកចិត្ត និងវង្វេង។ ពេលនោះអាពាហ៍ពិពាហ៍លែងជាចំណងស្នេហ៍ទៀតហើយ មានតែពាក្យតិះដៀលនិងការត្អូញត្អែរប៉ុណ្ណោះ គ្រាន់តែគិតក៏ហត់ដែរ!
៣.ស្ត្រីគ្មានសីលធម៌៖ មាននារីស្អាតៗដែលល្ងង់ខ្លៅគ្មានសីលធម៌ តែងតែជេរប្រមាថដោយមិនខ្វល់ពីរូបភាព ឬឥទ្ធិពលនៃពាក្យសម្ដីរបស់ខ្លួន។ មិនត្រឹមតែប៉ុណ្ណឹងទេ អ្នកខ្លះគិតតែពីប្រយោជន៍ផ្ទាល់ខ្លួន មិនថាត្រូវ ឬខុស មិនខ្វល់ពីបទដ្ឋានសីលធម៌ ឬ អារម្មណ៍អ្នកដទៃ។
ប្រសិនបើបុរសរៀបការជាមួយនារីដែលមានចិត្តអាក្រក់ ទំនាក់ទំនងនឹងនឿយហត់ខ្លាំង។ មិនថាគាត់ព្យាយាមបញ្ចុះបញ្ចូល ឬផ្លាស់ប្តូរនាងបែបណានោះទេ នាងនឹងនៅតែព្រងើយកន្តើយ និងមិនអាចទទួលយកបាន។ អាពាហ៍ពិពាហ៍នេះនឹងមិនមានភាពចុះសម្រុងគ្នាទេ ប៉ុន្តែផ្ទុយទៅវិញនឹងពោរពេញទៅដោយជម្លោះ និងការខ្វែងគំនិតគ្នា ដែលពិតជាធ្វើទារុណកម្មសម្រាប់បុរសណាម្នាក់៕
ព័ត៌មានថ្មីៗ
