អ្នកវិភាគ៖ កីឡាករម្នាក់នេះជាដើមចមរាំងស្ទះមិនឲ្យ Son អាចផ្ទេរមក Bayern Munich
កន្លងមកមានចចាមអារ៉ាមថា Son Heung-min អាចនឹងត្រូវចាកចេញពី Tottenham Hotspur ហើយផ្ទេរត្រលប់មកក្របខ័ណ្ឌ Bundesliga ជាមួយក្លឹបយក្ស Bayern Munich។
យ៉ាងណាលទ្ធភាពនៃការសម្រេចលើការផ្ទេរមួយនេះ គឺស្ថិតនៅភាគរយទាបបំផុតដែលអាចកើតឡើង នោះក៏ដោយសារតែនៅ Bayern មានវត្តមានខ្សែប្រយុទ្ធស្លាប ដែលក្លឹបទើបតែចំណាយលុយក្រាស់ទិញយកកាលពីរយៈពេលចុងក្រោយ។
តាមអ្នកវិភាគលើទីផ្សារដោះដូរលោក Kevin Hatchard បង្ហាញការជឿជាក់ថា Bayern នឹងមិនអាចយក Son មកទៀតនោះទេ នោះក៏ដោយសារតំណែងប្រយុទ្ធស្លាបមាន Leroy Sane កំពុងឈរជើងជាចម្បងរួចទៅហើយ ណាមួយ Bayern ចាយលើ Sane ក៏ក្រែលដែរ ដោយកាលពីឆ្នាំទៅទិញពី Man City អស់ ៤៥ លានអឺរ៉ូឯណោះ។
រំឭកថា Sane ធ្វើបានល្អគួរសម ដោយនៅ ៣៥ ប្រកួត គេរកបាន ៨ គ្រាប់និង Assist ១១ លើក។ បែបនេះប្រសិន Bayern ចង់យកកីឡាករកូរ៉េខាងត្បូងមកទៀតនោះ ក្រៅពីត្រូវចំណាយលើថ្លៃផ្ទេរខ្ទង់ ៧០ លានផោន ជាងនេះក៏ត្រូវចាយលើថ្លៃពលកម្មប្រមាណ ២០០ ០០០ ផោន/សប្តាហ៍ផ្សេងទៀតផងដែរ៕
ប្រភព៖ TalkSport | ប្រែសម្រួល៖ ក្នុងស្រុក
ព័ត៌មានថ្មីៗ
