លោក Ole បង្ហើបថា Haaland ជាកីឡាករម្នាក់ល្អតែពិបាកបំផុតលើរឿងមួយនេះកាលនៅក្លិប Molde
អ្នកចាត់ការក្រុមបិសាចក្រហមលោក Ole Gunnar Solskjaer បានបង្ហើបឱ្យដឹងថា Erling Haaland បានតស៊ូជាមួយនឹងការរងរបួសក្នុងដំណាក់កាលដំបូងនៃអាជីពរបស់គាត់ជាញឹកញាប់។
ក្រុមបិសាចក្រហមចង់ចុះហត្ថលេខាយក Haaland មកធ្វើរួមគ្នាជាថ្មីជាមួយ Solskjaer ខណៈដែលគ្រូបង្វឹកសញ្ជាតិន័រវេស ធ្លាប់បានបង្វឹកខ្សែប្រយុទ្ធរូបនេះនៅឯ Molde កាលពីនៅក្មេង។ លើសពីនេះ Solskjaer បានបើកចំហរអ្វីៗគ្រប់យ៉ាងនៅថ្ងៃដំបូងរបស់គាត់នៅប្រទេសន័រវេស ដោយពិពណ៌នាអំពីរបៀបដែលកីឡាករវ័យក្មេងរូបនេះបានធ្វើពេលលេងតទល់ជាមួយគូប្រជែងនិងហ្វឹកហាត់ជាមួយមិត្តរួមក្រុម។
នៅពេលអ្នកសម្ភាសន៍សួរគាត់នៅលើកញ្ចក់ទូរទស្សន៍ Sky Sports ថាតើលោកមានការរំពឹងទុកយ៉ាងណាចំពោះ Haaland លោក Ole បានតបថា៖ "បាទ! អ្នកអាចមើលឃើញបុគ្គលិកលក្ខណៈរបស់គាត់។ កាលនោះគាត់មកកាន់ក្លិបត្រឹមជាក្មេងវ័យ១៦ឆ្នាំប៉ុណ្ណោះ។ ពិតណាស់អ្នកមិនដែលដឹងថាគាត់បានតស៊ូយ៉ាងខ្លាំងជាមួយនឹងរបួសជង្គង់អាក្រក់នៅពេលគាត់មកដល់ភ្លាមៗ។ ប៉ុន្តែខ្ញុំអាចមើលឃើញបុគ្គលិកលក្ខណៈរបស់គាត់"។
“ ខ្ញុំចាំបានថា គាត់បានធ្វើឲ្យខ្សែការពារកណ្ដាលម្នាក់ និងបម្រើការពារម្នាក់ដួរលើទីលាន ខណៈដែលបួកគេជាកីឡាករមានមាឌធំ ហើយគាត់ស្រែកថាខញុំជាអ្នកឈ្នះ ខ្ញុំជាអ្នកឈ្នះ"។
"ពិតណាស់គាត់មានបុគ្គលិកលក្ខណៈល្អ។ គាត់បង្ហាញដល់មនុស្សគ្រប់គ្នាថាគាត់ជាកីឡាករល្អប៉ុណ្ណា។ យើងបានលេងជាមួយ Zenit ក្នុងការប្រកួតជម្រុះ Europa League ហើយអាជ្ញាកណ្តាលបានមករកខ្ញុំ ហើយនិយាយថាគាត់ (Haaland) នឹងលេងនៅ Champions League ឆាប់ៗនេះ។ យើងបានដឹងរួចទៅហើយ"។
"គាត់ជាមនុស្សមានបុគ្គលិកលក្ខណៈកំពូល។ ខ្ញុំបានលេងជាមួយ Alf (ឪពុករបស់ Haaland) គាត់ពិតជាចាស់បន្តិចហើយពិតជាគួរឲ្យគោរព។ គាត់គឺជាអ្នកឈ្នះ"។
បិសាចក្រហម Manchester United និងគូប្រជែង Manchester City គ្រោងនឹងត្រៀមចំណាយលុយសម្រាប់ក្រុម Borussia Dortmund នៅរដូវក្តៅនេះដើម្បីធ្វើយ៉ាងណាយកខ្សែប្រយុទ្ធកំពូលស៊ុតរូបនេះមករួមក្រុមឲ្យបាន៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
