១៨វិធីចម្លែកៗ ដើម្បីជួយអ្នកកំចាត់ភាពតានតឹងចេញឱ្យអស់
ភាពតានតឹង “Stress” គឺជាផ្នែកមួយ ដែលធ្វេីឱ្យមានបញ្ហាផ្សេងៗដល់អ្នក ដូចជាកង្វះនៃការផ្តោតអារម្មណ៍ ផ្តាសាយញឹកញាប់ ភាពច្របូកច្របល់ ចង់ក្អួត ការមានវិនិច្ឆ័យមិនល្អ ឈឺចាប់ដោយគ្មានហេតុផល។ ទាំងនេះគ្រាន់តែជាផលប៉ះពាល់តិចតួចប៉ុណ្ណោះនៃភាពតានតឹង ប៉ុន្តែនៅពេលដែលអ្នកមានភាពតានតឹងច្រើន វាអាចបណ្តាលឱ្យមានបញ្ហាសុខភាពធ្ងន់ធ្ងរ ដូចជា សម្ពាធឈាមខ្ពស់ ធាត់ ជំងឺទឹកនោមផ្អែម និងជំងឺបេះដូង ដែលអាចកាត់បន្ថយអាយុកាលរបស់អ្នក។
មនុស្សភាគច្រើនដឹងថាការ ហាត់ប្រាណ បរិភោគអាហារដែលមានសុខភាពល្អ ហើយការសម្រាកគ្រប់គ្រាន់ នឹងជួយយើងដោះស្រាយភាពតានតឹង កាន់តែមានប្រសិទ្ធិភាព។ បើអ្នកបានព្យាយាមសាកល្បងរឿងទាំងអស់នេះហើយ ប៉ុន្តែនៅតែមានអារម្មណ៍តានតឹងទៀត? សូមព្យាយាមសាកល្បងវិធីប្លែកៗ ដូចខាងក្រោមនេះដេីម្បីបំបាត់ភាពតានតឹង ហេីយអាចបង្កើនអារម្មណ៍ល្អដែលអ្នកធ្លាប់មាន ហើយនាំភាពប្រក្រតីត្រឡប់មកវិញ ចូលទៅក្នុងការងារ និងជីវិតរបស់អ្នក។
១. ការតុបតែងផ្ទះឬបន្ទប់ឡេីងវិញ
ចូរឱ្យផ្ទះឬបន្ទប់របស់អ្នកជាកន្លែងដែលមានសុវត្ថិភាព ហេីយត្រូវបានរចនាឡើង ដោយប្រើគំនិតរបស់អ្នក។ ឧទាហរណ៍៖ បែបឆ្នេរសមុទ្រ បែបមេឌីទែរ៉ាណេ តាមចំនង់ចំនូលចិត្តរបស់អ្នក។ នេះនឹងក្លាយទៅជាកន្លែងដែលគ្មានភាពតានតឹងសំរាប់អ្នកនៅពេលត្រលប់មកផ្ទះវិញ។
២. ធ្វេីសប្បុរសធម៌
ធ្វើសប្បុរសធម៌សម្រាប់នរណាម្នាក់ ឬ មនុស្សក្រីក្រ។ ចែករំលែកសេចក្ដីសប្បុរសរបស់អ្នកនៅក្នុងវិធី តូច ឬ ធំ តាមលិទ្ធភាពរបស់អ្នក។
៣. តែងតែមានផែនការបម្រុងទុកជាមុន
ជានិច្ចកាល ត្រូវរៀបចំផែនការទុកជាមុន និងបង្កេីតផែនការផ្សេងទៀតដេីម្បីត្រៀម ប្រសិនបើផែនការដំបូង មិនដំណើរការ។
៤. ត្រូវដឹងពេលណាត្រូវបោះវាចោល
ជាញឹកញាប់ ភាពតានតឹង និងការថប់អារម្មណ៍របស់យើង កើនឡើងនៅពេលយើងកាន់ខ្ជាប់នូវអ្វីមួយដែលមិនល្អសំរាប់យើងទៀតទេ។ ចូរពិនិត្យយ៉ាងយកចិត្តទុកដាក់ នូវការប្តេជ្ញាចិត្ត និងទំនាក់ទំនងរបស់អ្នក ការងារ ទំនាក់ទំនងបច្ចុប្បន្ន និងស្ថានភាពរស់នៅ ហេីយពិចារណាឱ្យបានហ្មត់ចត់ អំពីការបោះបង់ចោល ភាពតានតឹងទាំងនោះ។
៥. នៅឆ្ងាយពីមនុស្សអវិជ្ជមាន
ចូរចេញឱ្យឆ្ងាយពីមនុស្ស ដែលនិយាយតែអវិជ្ជមាន ឬចូលចិត្តត្អូញត្អែរគ្រប់ពេលវេលា ហើយហ៊ុំខ្លួនអ្នកជាមួយមនុស្សវិជ្ជមាន។
៦. ដោះស្បែកជើង
មែនហេីយ ទម្លាប់សាមញ្ញនៃការដោះ ស្បែកជើងរបស់អ្នក អាចបន្ថយភាពតានតឹងរបស់អ្នក។ ក្រុមហ៊ុនមួយចំនួន មានគោលការណ៏ គ្មានស្បែកជើងនៅកន្លែងធ្វើការ ដែលកំពុងបង្កើតលទ្ធផល រកប្រាក់ចំណេញជាវិជ្ជមាន។
៧. សាកល្បងការច្នៃប្រឌិតថ្មីៗ
មិនថាអ្នកចូលចិត្ត សរសេរ ចម្អិន ការគូររូប ការងារជាមួយឈើ ធ្វើចង្កៀង សៀវភៅគំនូរ ធ្វើការជាមួយដីឥដ្ឋ ស្នាមម្រាមដៃ ឬការខិតខំប្រឹងប្រែង គំនិតច្នៃប្រឌិតផ្សេងទៀត ចំនួនជាងមួយលានទៀតទេ អ្នកអាចប្រើគំនិតច្នៃប្រឌិតរបស់អ្នក សូម្បីតែអ្នកមិនគិតថាអ្នក មានមួយ – យ៉ាងសំខាន់អាចកាត់បន្ថយភាពតានតឹង។
៨. រៀបចំផែនដើរលេង
ផ្តល់ឱ្យខ្លួនអ្នក នូវអ្វីមួយដែលអ្នកទន្ទឹងរងចាំ ដូចជា រៀបចំគម្រោងធ្វើដំណើរពិសេស នៅចុងសប្តាហ៍ រឺ វិស្សមកាល។
៩. ដាំដើមឈើ ឬ រកសត្វចិញ្ចឹម
លទ្ធផលស្រាវជ្រាវ ចង្អុលបង្ហាញ មានរុក្ខជាតិ ឬ រោមសត្វ នៅផ្ទះ វាអាចជួយកាត់បន្ថយស្ត្រេស និងសម្ពាធឈាម។ ប្រសិនបើអ្នកមិនមានសត្វ ឬ រុក្ខជាតិ សូមព្យាយាមរកធុងត្រី គ្រាន់តែសម្លឹងមើលត្រីប្រហែល ១០ នាទីវាអាចជួយបំបាត់ភាពតានតឹងបាន។
១០. និយាយពាក្យអាក្រក់ៗតែម្នាក់ឯង ឬ ដាល់អ្វីមួយ
ការស្រាវជ្រាវបានបង្ហាញថា ការបញ្ចេញនិយាយពាក្យអាក្រក់មួយចំនួន ឬ ការវាយដាល់អ្វីមួយ (មិនមែនមនុស្សទេ!) អាចជួយបន្ធូរភាពតានតឹង។
១១. ពិនិត្យទម្ងន់របស់អ្នក
ការឡើងទម្ងន់ អាចបន្ថយការជឿជាក់ លើខ្លួនឯង កាន់តែខ្លាំងឡើងៗ ហេីយបង្កើនភាពតានតឹងប្រចាំថ្ងៃ។
១២. ការលេងសេីចច្រេីន
ការលេងសើច គឺជាវិធីដ៏ល្អមួយ ដើម្បីកាត់បន្ថយភាពតានតឹង។ ចូរនឹក កាលពីនៅក្មេង ដែលគ្មានកង្វល់ នោះហើយជាអ្វី ដែលអ្នកត្រូវធ្វេី។
១៣. តើអ្វីដែលអាក្រក់បំផុតដែលអាចកើតឡើងបាន?
នៅពេលភាពតានតឹងរបស់អ្នកត្ រូវបានលុបចេញ សូមស្រមៃនូវ ភាពដ៏អាក្រក់បំផុត និងបង្កើតផែនការសកម្មភាពមួយ ក្នុងករណីដែលរឿងអាក្រក់បំផុត ដែលអាចកើតឡើង។ ភាពតានតឹងត្រូវបានកាត់បន្ថយ នៅពេលដែលអ្នក រៀបចំសម្រាប់អ្វី ដែលអាក្រក់បំផុត ប្រសិនបើអ្នក វាកេីតឡេីង អ្នកបានត្រៀមខ្លួន។
១៤. ធ្វើឱ្យកម្រាលព្រំ ដោយ bubble wrap
ដាក់ Bubble Wrap លើក្តារតាមផ្លូវរបស់អ្នក និងកំទេចពពុះទាំងនោះ។ ការស្រាវជ្រាវបានបង្ហាញថា នេះផ្តល់នូវការធូរស្រាលច្រើន ដូចជាការម៉ាស្សារយៈពេលកន្លះម៉ោង។
១៥. បរិភោគអាហារសម្រាកកាយ
ការស្រាវជ្រាវបានបង្ហាញថា អាហារទាំងនេះ អាចជួយកាត់បន្ថយភាពតានតឹងបាន៖ Oysters, avocado, oatmeal, raspberries & blueberries, ក្រូច, pistachio & Walnut និងស្គរ … សូកូឡា (ប្រភេទសូកូឡាស្ករទាប ប៉ុន្ដែជាតិស្ករអាចបង្កើនភាពតានតឹង)។
១៦. គិតអំពីសុភមង្គល
គិតអំពីរឿង ឬ ព្រឹត្តិការណ៍ក្នុងជីវិតរបស់អ្នក ដែលធ្វើឱ្យអ្នកសប្បាយចិត្ត យ៉ាងពិតប្រាកដ រឿងទាំងឡាយដែលធ្វើឱ្យ ស្នាមញញឹម ញ័រនៅលើមុខរបស់អ្នក យ៉ាងហោចណាស់ ១០ នាទី។
១៧. ស្ករកៅស៊ូ
មានភស្តុតាងជាច្រើន ដែលទំពារស្ករកៅស៊ូ ផ្តល់នូវភាពធូរស្រាល។
១៨. ស្វែងរកភាពស្ងៀមស្ងាត់
នៅពេលអ្វីៗផ្សេងទៀតបរាជ័យ សូមស្វែងរកភាពស្ងៀមស្ងាត់។ បិទអ្វីៗគ្រប់យ៉ាង ដូចជាទូរស័ព្ទដៃ កុំព្យូទ័រ ទូរទស្សន៍ អ្នកដែលអាចបង្កេីតការរំខាន ហើយគ្រាន់តែនៅជាមួយខ្លួនអ្នក។
ប្រភព៖ Inc
ព័ត៌មានថ្មីៗ
