ក្លិនក្រអូបចេញពីក្នុងខ្លួន៣ប្រភេទរបស់មនុស្សស្រី ដែលមនុស្សប្រុសចូលចិត្តខ្លាំងបំផុត
គេថាទឹកអប់មានក្លិនក្រអូបវាជាការពិត តែប្រសិនបើស្ត្រីមានចិត្តល្អ នោះនៅជុំវិញខ្លួននាងច្បាស់ជាពោរពេញទៅដោយថាមពល និងក្លិនពិដោរចេញពីអត្តចរិតដ៏ល្អមួយនេះ។ ត្បិតថាទឹកអប់មានក្លិនក្រអូបខាងក្រៅពិតមែន តែវាមិនអាចប្រៀបធៀបទៅនឹងក្លិន៣ប្រភេទដែលចេញពីក្នុងខ្លួននោះទេ ដែលវាអាចធ្វើអោយមនុស្សប្រុសងប់ងល់បំផុត៖
១.ក្លិននៃសេចក្តីសប្បុរស៖ បើមនុស្សស្រីចង់ស្វែងរកអ្នកដែលអាចឆ្លងកាត់ជីវិតជាមួយនាង នោះដំបូងនាងត្រូវតែធ្វើជាមនុស្សល្អគ្រប់គ្រាន់សិន។ ព្រោះមនុស្សល្អតែងតែទាក់ទាញមនុស្សល្អ ស្ត្រីដែលបញ្ចេញសម្រស់ដោយចិត្តសប្បុរស នឹងតែងធ្វើឲ្យមនុស្សប្រុសល្អៗចូលទៅជិត។ មនុស្សស្រីមានចិត្តល្អពោរពេញទៅដោយមន្តស្នេហ៍ ធ្វើឲ្យមនុស្សបំភ្លេចនាងមិនបាន។
២.ក្លិននៃភាពជាស្ត្រីអាចធ្វើឱ្យបុរសស្រឡាញ់អ្នកខ្លាំងណាស់៖ ក្នុងយុគសម័យថ្មី ភាពជាស្ត្រីនិយមបានក្លាយជានិន្នាការទំនើប។ ស្ត្រីជាច្រើនគិតថា ស្ត្រីជោគជ័យអាចកាន់ផ្ទៃមេឃទាំងមូលដោយខ្លួននាងផ្ទាល់ ដោយមិនត្រូវការនរណាម្នាក់សរសើរនាងឡើយ។ ប៉ុន្តែវាខុសស្រឡះ ព្រោះប្តីជាច្រើនត្រូវបានធានាការរស់នៅដោយប្រពន្ធរបស់ពួកគេ។ ប្រពន្ធអាចមើលថែគ្រប់យ៉ាងក្នុងគ្រួសារ តែនាងក៏ត្រូវតែមានភាពជាស្រី ចេះម្ញេកម្ញក់ទើបមនុស្សប្រុសដកចិត្តមិនរួច។
៣.ក្លិននៃចំណេះដឹង៖ ចំណេះដឹងដែលទទួលបានពីសៀវភៅដែលបានអាននឹងត្រូវបានឆ្លុះបញ្ចាំងនៅក្នុងការសន្ទនារបស់ស្ត្រី។ ស្ត្រីដែលអានច្រើននឹងបញ្ចេញក្លិននៃចំណេះដឹងយ៉ាងទូលំទូលាយ។ រូបរាងរបស់ស្ត្រីអាចទាក់ទាញបុរសជាច្រើន ប៉ុន្តែប្រសិនបើបុរសរកឃើញថាព្រលឹងរបស់ស្ត្រីគឺអាក្រក់ ពួកគេនឹងចាកចេញពីស្រ្តីទាំងនោះភ្លាម។ មនុស្សប្រុសចូលចិត្តរូបសម្រស់ពិតមែន ប៉ុន្តែបើនាងគ្មានចំណេះដឹងខ្ពង់ខ្ពស់ទេ គាត់ក៏មិនអាចរស់នៅជាមួយនាងបានយូរដែរ៕
ព័ត៌មានថ្មីៗ
