មនុស្សប្រុស ៥ ប្រភេទនេះមិនស្មោះត្រង់នឹងដៃគូទេ
នេះត្រូវបានគេចាត់ទុកថាជារឿងធម្មតាដែលថាមនុស្សប្រុសអាចនឹងមិនសូវមានមនោសញ្ចេតនាដូចមនុស្សស្រី តែកុំដោយសារតែរឿងនេះធ្វើអោយអ្នកមិនដាច់ចិត្តចាកចេញពីមនុស្សប្រុសដែលមិនស្មោះត្រង់។ ខាងក្រោមនេះគឺជាប្រភេទទាំង៥នៃមនុស្សប្រុស ដែលមិនមានភាពស្មោះត្រង់នៅក្នុងខ្លួន និងមិនអាចអោយអ្នកផ្ញើជីវិតទៅលើពួកគេបានឡើយ៖
១.ផិតក្បត់៖ ប្រភេទនៃការក្បត់នេះកើតឡើងនៅពេលដែលមនុស្សម្នាក់មានប្រពន្ធហើយតែបែរជាមានចំណង់ផ្លូវភេទជាមួយមនុស្សច្រើននាក់ក្នុងពេលតែមួយ។ ថ្វីត្បិតតែយើងយល់ឃើញថាគាត់មានស្នេហ៍ពិតចំពោះប្រពន្ធតែម្នាក់ក៏ដោយ តែការដែលមិនមានភាពស្មោះត្រង់បែបនេះត្រុវបានគេហៅថាផិតក្បត់ហើយ ទោះបីត្រឹមលួចស្រឡាញ់អ្នកផ្សេងក្រៅពីប្រពន្ធខ្លួនក៏ដោយ។
២.ឱកាសនិយម៖ នៅពេលដែលមនុស្សម្នាក់មានគូស្នេហ៍ ឬ ដៃគូ ប៉ុន្តែគាត់មិនអាចគ្រប់គ្រងចំណង់របស់ខ្លួនចំពោះអ្នកផ្សេងបាននោះហៅថាបុគ្គលមិនចេះស្កប់ស្កល់។ ស្ត្រីត្រូវចងចាំថាមិនមែនបុរសទាំងអស់ដែលបោកប្រាស់រៀបចំទុកជាមុននោះទេ។ ពេលខ្លះពួកគេស្រឡាញ់អ្នកណាស់ តែថ្ងៃមួយពួកគេទៅក្រៅផឹកស្រាហើយមិនអាចគ្រប់គ្រងខ្លួនឯងបាន រួចទៅគេងជាមួយស្ត្រីផ្សេងទៀត វាបានបង្ហាញថាប្តីអ្នកជាជណឱកាសនិយមហើយ។
៣.ការបោកប្រាស់តាមស្ទីលស្វែងរកមិត្តរួមព្រលឹង៖ នេះគឺជាប្រភេទស្នេហាដ៏គ្រោះថ្នាក់បំផុត ពីព្រោះពួកគេបង្កើតអារម្មណ៍ពិត និងមានទំនោរទៅរកអ្នកដទៃ។ ប៉ុន្តែពេលមានរឿងអ្វីកើតឡើងគេមិនជឿដៃគូទេ តែស្វែងរកអ្នកដទៃដែលចេះចែករំលែក និងអាណិតពួកគេទៅវិញ។ បុរសបែបនេះមានប្រពន្ធ តែនៅតែមានទំនោរចង់មានទំនាក់ទំនងស្នេហាជាមួយអ្នកដទៃទៀត។
៤.បុរសល្មោភកាម៖ បុរសប្រភេទនេះនឹងជួលផ្ទះសំណាក់ដើម្បីបំពេញចំណង់របស់ខ្លួន ដោយប្រើពាក្យថាញុំានំអោយលុយ។ បន្ទាប់ពីពួកគេធ្វើរឿងដែលចង់ធ្វើរួច ក៏ត្រឡប់ទៅផ្ទះវិញធ្វើដូចគ្មានរឿងអ្វីកើតឡើង និងយល់ថាខ្លួនគ្មានកំហុសឡើយព្រោះគេមិនបានយកស្រីផ្សេងជាប់លាប់ឡើយ។ តែទោះបីយ៉ាងនេះក្តីក្នុងនាមជាប្រពន្ធពេញច្បាប់អ្នកមិនគួរបណ្តោយអោយប្តីប្រព្រឹត្តិរឿងអសីលធម៌បែបនេះរួចខ្លួននោះទេ។
៥.ភាពមិនស្មោះត្រង់ផ្លូវចិត្ត៖ នៅខាងក្រៅ បុរសនៅតែរក្សាចំណងអាពាហ៍ពិពាហ៍ ប៉ុន្តែក្នុងចិត្តគេនៅតែស្រមៃចង់មានអ្នកផ្សេង។ ស្នេហាប្រភេទនេះគឺឈឺចាប់សម្រាប់មនុស្សគ្រប់គ្នាដែលពាក់ព័ន្ធ ហើយមនុស្សដែលមានអត្តចរិតប្រភេទនេះមិនយូរមិនឆាប់នឹងក្បត់ប្រពន្ធដើម្បីស្វែងរកអារម្មណ៍ថ្មីៗនៅខាងក្រៅ៕
ព័ត៌មានថ្មីៗ
