ឃើញថាមនុស្សស្រីទន់ខ្សោយប៉ុន្តែមានថាមពលខ្លាំងខ្លាតែងមានចំនុចរួមដូចគ្នា
ក្នុងជីវិតយើងតែងតែជួបមនុស្សស្រីបែបនេះ៖
ពួកគេមើលទៅខាងក្រៅទន់ខ្សោយ ហាក់ដូចខ្យល់បក់រលំ ប៉ុន្តែនៅពេលអ្នកបានទាក់ទងជាមួយពួកគេ អ្នកនឹងឃើញថាថាមពលខាងក្នុងរបស់ពួកគេគឺខ្លាំងជាងមនុស្សជាច្រើនដែលមើលទៅរាងកាយរឹងមាំទៅទៀត។
ថ្វីត្បិតតែពួកគេទាំងនេះ ប្រហែលជាមិនមានកាយសម្បទាល្អឥតខ្ចោះក៏ដោយ ប៉ុន្តែភាពរឹងមាំ និងភាពអត់ធ្មត់របស់ពួកគេតែងតែទាក់ទាញដល់គេឯង ។
បន្ទាប់ពីការសង្កេតយ៉ាងយកចិត្តទុកដាក់ ខ្ញុំបានរកឃើញថា មនុស្សស្រីដែលទន់ខ្សោយ ប៉ុន្តែមានថាមពលខ្លាំងខ្លា តែងមានចំណុចដូចគ្នាគឺ ពួកគេមិនដែលខ្វល់ច្រើនចំពោះអំពីនរណាម្នាក់ឡើយ
ពួកគេនឹងមិនអនុញ្ញាតឱ្យមានការរំខានពីពិភពខាងក្រៅ និងមនុស្សដែលមិនពាក់ព័ន្ធមកប៉ះពាល់ដល់ខ្លួនរបស់ពួកគេដែរ ប៉ុន្តែពួកគេនឹងផ្តោតលើការរីកចំរើនលូតលាស់ និងការអភិវឌ្ឍន៍របស់ពួកគេ ។
ដោយសារកម្រិតរាងកាយរបស់ពួកគេ មនុស្សស្រីទន់ខ្សោយងាយនឹងហត់នឿយថាមពលរបស់ពួកគេយ៉ាងងាយជាងមនុស្សធម្មតា។
ភាពទន់ខ្សោយរបស់មនុស្សស្រី ដោយសារតែកត្តាកំរិតលក្ខខណ្ឌពីធម្មជាតិ បានធ្វើឲ្យកម្លាំងស្មារតីងាយនិងបាត់បង់ ឆាប់នឿយហត់ជាងមនុស្សប្រុស។
ប៉ុន្តែ ភាពទន់ខ្សោយ នេះហើយបានជំរុញឱ្យពួកគេរៀនពីរបៀបជ្រើសរើសប្រកបដោយប្រាជ្ញាក្នុងជីវិត និងមិនខ្ជះខ្ជាយថាមពលសូម្បីតែបន្តិច។
ពួកគេដឹងពីរបៀបការពារថាមពលរបស់ពួកគេ និងប្រើប្រាស់ពេលវេលា និងថាមពលដែលមានកំណត់របស់ពួកគេទៅលើមនុស្ស និងរបស់ដែលមានតម្លៃ។
នេះមិនត្រឹមតែរក្សាថាមពលរបស់ខ្លួនប៉ុណ្ណោះទេ ប៉ុន្តែថែមទាំងផ្តល់ពេលទំនេរគ្រប់គ្រាន់ដើម្បីផ្តោតលើការលូតលាស់របស់ខ្លួនផងដែរ។
១. មានរបៀបរស់នៅផ្ទាល់ខ្លួន មិនត្រូវបានរងឥទ្ធិពលពីពិភពខាងក្រៅ;
មនុស្សគ្រប់រូបមានរបៀបរស់នៅរៀងៗខ្លួន ហើយមិនចាំបាច់បង្អាក់ល្បឿនរបស់ខ្លួនដោយសារតែភ្នែក ឬសកម្មភាពរបស់អ្នកដទៃនោះទេ។
ក្មេងស្រីដែលទន់ខ្សោយ ប៉ុន្តែមានថាមពលខ្លាំង យល់ច្បាស់អំពីរឿងនេះ ពួកគេនឹងមិនដើរតាមគន្លងអ្នកដទៃដោយងងឹតងងុលនោះទេ ប៉ុន្តែនឹងអភិវឌ្ឍជីវិតដែលស័ក្តសមនិងពួកគេ ដោយផ្អែកលើស្ថានភាពរាងកាយ និងសមត្ថភាពរបស់ពួកគេ។
ពួកគេយល់ថាផ្លូវរីកចម្រើនរបស់មនុស្សគ្រប់រូបគឺមានតែមួយគត់ ហើយមិនចាំបាច់ច្រណែន ឬយកតម្រាប់តាមអ្នកដទៃនោះទេ។
ពួកគេឆ្ពោះទៅមុខដោយភាពរីករាយក្នុងរបៀបរបស់ពួកគេ ដោយមិនប្រញាប់ប្រញាល់ទៅរកភាពជោគជ័យ ឬពន្យារពេលឡើយ។
អាកប្បកិរិយាមិនប្រញាប់ប្រញាល់នេះ អាចឱ្យពួកគេរក្សាភាពស្ងប់ស្ងាត់ និងវិចារណៈញាណ នៅពេលប្រឈមមុខនិងបញ្ហាក្នុងជីវិត ដូច្នេះពួកគេអាចធ្វើការជ្រើសរើសដ៏ល្អបំផុតសម្រាប់ខ្លួនពួកគេផ្ទាល់។
២. កុំទាមទារការចូលចិត្តពីនរណាម្នាក់
ក្នុងជីវិត គ្មាននរណាម្នាក់អាចផ្គាប់ចិត្តមនុស្សគ្រប់រូបបានឡើយ ដូច្នេះមិនចាំបាច់ផ្គាប់ចិត្តអ្នកដ៏ទៃទេ កាន់តែកុំខ្វល់ខ្វាយពីអ្វីដែលអ្នកដទៃគិតមកលើអ្នក។
ប្រយោគនេះគឺជាការឆ្លុះបញ្ចាំងពិតនៃពិភពខាងក្នុងចិត្តរបស់មនុស្សស្រីទាំងនេះ។
ពួកគេមិនដែលមានចេតនាស្វែងរកការចូលចិត្ត និងការទទួលស្គាល់ពីនរណាម្នាក់ឡើយ ពីព្រោះពួកគេយល់ថា តម្លៃពិតមិនស្ថិតនៅលើការវាយតម្លៃរបស់អ្នកដទៃនោះទេ។
ពួកគេកាន់តែខ្វល់ខ្វាយអំពីអារម្មណ៍ និងតម្រូវការផ្នែកខាងក្នុងរបស់ពួកគេ ហើយបន្តស្វែងរកសន្តិភាព និងការពេញចិត្តនៃផ្នែកខាងក្នុងចិត្ត។
តាមគំនិតរបស់ពួកគេ ជំនួសឱ្យការចំណាយពេលវេលា និងកម្លាំងស្មារតីដើម្បីផ្គាប់ចិត្តអ្នកដទៃនោះ គួរតែយកពេលវេលាទាំងនេះទៅកែលម្អ និងពង្រឹងខ្លួនឯងវិញល្អជាង។
ពួកគេដឹងពីរបៀបគោរពអ្នកដែលពិតជាបានយកចិត្តទុកដាក់ និងគាំទ្រពួកគេ ប៉ុន្តែចំពោះអ្នកដែលព្រងើយកន្តើយ ឬមើលងាយពួកគេនោះ ពួកគេជ្រើសរើសសើចហើយដើរចេញ មិនអើពើនិងពួកគេទាំងនោះឡើយ។
ភាពអាធ្យាស្រ័យ និងអាកប្បកិរិយាសោះអង្កើយនេះធ្វើឱ្យពួកគេកាន់តែមានចំណាយកម្លាំងនិងពេលវេលាច្រើនក្នុងការប្រាស្រ័យទាក់ទងគ្នាជាមួយពួកគេទាំងនោះឡើយ និងអាចឱ្យពួកគេរៀនសូត្ររក្សាចិត្តបរិសុទ្ធ និងតាំងចិត្តកាន់តែមុតមាំក្នុងការពង្រឹងខ្លួនឲ្យខ្លាំង។
៣.ក្លាយជាខ្លួនឯងដ៏ពិតប្រាកដបំផុត
នៅក្នុងសង្គមដែលមានការប្រកួតប្រជែង និងរងសម្ពាធនេះ មនុស្សជាច្រើនផ្លាស់ប្តូរខ្លួនឯងឥតឈប់ឈរ ស្ទើរតែបាត់បង់លក្ខណៈដើមរបស់ខ្លួនឯង ដើម្បីតែបំពេញតាមការរំពឹងទុករបស់អ្នកដទៃ ឬដេញតាមជោគជ័យ។
យ៉ាងណាក៏ដោយ នារីទន់ខ្សោយតែមានថាមពលខ្លាំងមិនដែលបោះបង់ការស្វែងរកភាពពិតប្រាកដរបស់ខ្លួនឯងឡើយ។
ពួកគេយល់ថា ការធ្វើជាខ្លួនឯងពិតប្រាកដបំផុត ទើបញ៉ាំងឲ្យពួកគេអាចរកឃើញសន្តិភាព និងការពេញចិត្តផ្នែកខាងក្នុងចិត្តបាន។
ពួកគេនឹងមិនគ្មានបំណងទៅផ្លាស់ប្តូរខ្លួនឯងដើម្បីបំពេញនូវសោភ័ណភាព ឬការរំពឹងទុករបស់អ្នកដទៃនោះទេ ប៉ុន្តែនឹងបង្ហាញបុគ្គលិកលក្ខណៈ និងលក្ខណៈពិសេសរបស់ពួកគេដោយក្លាហាន។
មិនថាក្នុងការស្លៀកពាក់ តុបតែងខ្លួន ការនិយាយស្តី ឬអាកប្បកិរិយារបស់ពួកគេទេ ពួកគេនៅតែមានលក្ខណៈធម្មជាតិ និងភាពពិតជាក់ស្តែង។
អាកប្បកិរិយាពិត និងស្មោះត្រង់បែបនេះអាចឱ្យពួកគេទទួលបានការគោរព និងការជឿទុកចិត្តពីអ្នកដ៏ទៃក្នុងការទំនាក់ទំនង។
៤. ចេះយកពេលវេលា និងកម្លាំងស្មារតីចំណាយលើការលើកកម្ពស់ខ្លួនឯង
ចំណាយពេលច្រើនដើម្បីអភិវឌ្ឍខ្លួនឯង និងចំណាយពេលតិចក្នុងការសិក្សាពីអ្នកដទៃ។
ក្មេងស្រីដែលទន់ខ្សោយ ប៉ុន្តែមានថាមពលខ្លាំងដឹងថាជីវិតមានកំណត់ ពេលវេលា និងថាមពលគឺជាធនធានដ៏មានតម្លៃ ហើយត្រូវតែប្រើប្រាស់ដោយប្រាជ្ញា។
ដូច្នេះហើយ ពួកគេមិនដែលខ្ជះខ្ជាយពេលវេលា និងថាមពលរបស់ពួកគេទៅលើមនុស្ស និងរបស់ដែលមិនសំខាន់នោះទេ ប៉ុន្តែផ្តោតលើការកែលម្អសមត្ថភាព និងគុណភាពរបស់ពួកគេ។
ពួកគេក៏យកចិត្តទុកដាក់លើការបណ្ដុះបណ្ដាលសុខភាពផ្លូវកាយ និងផ្លូវចិត្ត និងរក្សារាងកាយរបស់ពួកគេឱ្យស្ថិតក្នុងស្ថានភាពល្អប្រសើរតាមរយៈការធ្វើលំហាត់ប្រាណ និងសម្រាក។
ស្មារតីក្លៀវក្លា និងអាកប្បកិរិយាវិជ្ជមាននេះ អាចឱ្យពួកគេប្រើនូវភាពស្ងប់ស្ងាត់ទៅប្រឈមមុខនិងបញ្ហាក្នុងជីវិត ។
មូលហេតុក្មេងស្រីមានរាងកាយទន់ខ្សោយ ប៉ុន្តែមានថាមពលខ្លាំងអាចរក្សាទឹកចិត្ត និងថាមពលខ្លាំងបាននោះ គឺដោយសារតែពួកគេចេះការពារថាមពលរបស់ពួកគេ និងមិនមានការរំខានពីមនុស្ស និងវត្ថុពីពិភពខាងក្រៅ។
ពួកគេមានរបៀបនិងដំណើរជីវិតផ្ទាល់ខ្លួន មិនទាមទារការចូលចិត្ត ឬការទទួលស្គាល់ពីនរណាម្នាក់ឡើយ តែងតែរក្សាភាពស្មោះត្រង់របស់ពួកគេ ហើយចំណាយពេលវេលា និងថាមពលលើការកែលម្អខ្លួនឯង។
ប្រាជ្ញានិងភាពក្លាហាននេះធ្វើឱ្យពួកគេកាន់តែមានការតាំងចិត្ត និងស្ងប់ស្ងាត់នៅលើដំណើរជីវិត។
ពួកគេប្រាប់យើងតាមរយៈសកម្មភាពរបស់ពួកគេថា កម្លាំងពិតមិនស្ថិតនៅលើភាពតឹងរ៉ឹងខាងក្រៅ ឬភាពសម្បូរបែបនៃសម្ភារៈនោះទេ ប៉ុន្តែនៅក្នុងការសម្រេចចិត្តនៃខាងក្នុងចិត្ត និងថាមពលដ៏បរិបូរណ៍។
សូមឱ្យយើងទាំងអស់គ្នារឹងមាំដូចនារីដែលបានរៀបរាប់ខាងលើ ហើយក្លាយជានារីរឹងមាំម្នាក់ដែលពោពេញដោយថាមពល។
ប្រែសម្រួលដោយ៖ Miracle bird
ព័ត៌មានថ្មីៗ
