អ្នកឆ្លាតតែងនៅស្ងៀមមិនខ្វល់នឹងរឿងទាំង៣នេះទេ ព្រោះវាជារឿងដែលមិនគួរយកមកដាក់ក្នុងខួរក្បាល
មនុស្សដែលឆ្លាតតែងតែដឹងថារឿងណាគួរធ្វើ និងរឿងណាមិនគួរធ្វើ ព្រោះថារឿងខ្លះយើងធ្វើទៅវាមិនបានប្រយោជន៍អ្វីមកវិញនោះទេក្រៅតែពីបញ្ហា និងនាំទុក្ខដាក់ខ្លួន។ ឧទាហរណ៍ដូចរឿងទាំង៣ខាងក្រោមនេះអញ្ចឹង ចំពោះអ្នកឆ្លាតគឺគេនឹងអើពើមិនគិតពីរឿងអស់ទាំងនេះទេ៖
១.កុំអោយអតីតកាលគ្រប់គ្រងអ្នក៖ អតីតកាលគឺកន្លងផុតទៅហើយ មិនអាចផ្លាស់ប្តូរបានទេ។ ការរស់នៅក្នុងការសោកស្ដាយ ឬ ទុក្ខព្រួយចំពោះរឿងដែលកន្លងទៅនឹងធ្វើឲ្យចិត្តកាន់តែធ្ងន់។ នៅពេលអ្នកមានអារម្មណ៍ធុញទ្រាន់ ឬ សោកសៅ អ្នកត្រូវរៀនបោះបង់។ ទោះបីជាអតីតកាលមិនអាចផ្លាស់ប្តូរបាន ប៉ុន្តែអនាគតនៅតែនៅខាងមុខ ហើយអាចផ្លាស់ប្តូរបានទាំងស្រុង។ ផ្តោតលើការកសាងអនាគតដ៏ល្អពីការខិតខំប្រឹងប្រែងបច្ចុប្បន្នរបស់អ្នក។ សូមឱ្យអតីតកាលកន្លងផុតទៅ កុំយកភាពសោកសៅទាំងនោះមកជាមួយអ្នកពេញមួយជីវិត។
២.ស្រឡាញ់ជីវិតបច្ចុប្បន្នរបស់អ្នក៖ ជីវិតគឺដូចជាការធ្វើដំណើរដ៏សែនឆ្ងាយ។ យើងគ្រាន់តែជាអ្នកដំណើរដែលប្រញាប់ប្រញាល់ឆ្លងកាត់ជីវិត ដូច្នេះសូមរីករាយជាមួយពេលវេលាដ៏អស្ចារ្យដែលជីវិតផ្តល់ជូនអ្នក។ កុំបណ្តោយឱ្យគំនិតអវិជ្ជមានអំពីខ្លួនអ្នក ឬ ការប្រៀបធៀបធ្វើឱ្យអ្នកធ្លាក់ចុះ។ ការប្រៀបធៀបមិនអាចជួយអ្វីបានទេ វាគ្រាន់តែធ្វើឱ្យអ្នកកាន់តែនឿយហត់។ រាល់ជោគជ័យទាមទារការសាកល្បង ដើម្បីទទួលបានជោគជ័យ អ្នកត្រូវតែមានភាពអត់ធ្មត់ ប្រមូលផ្តុំមួយជំហានម្តងៗ និងខិតខំប្រឹងប្រែងឥតឈប់ឈរ នោះថ្ងៃណាមួយលទ្ធផលនឹងមកដល់។
៣.កុំសង្ស័យ ឬ បារម្ភអំពីអនាគត៖ អតីតកាលគឺកន្លងផុតទៅហើយ មិនអាចផ្លាស់ប្តូរបាន ដូច្នេះកុំចំណាយពេលគិតច្រើនពេកអំពីអ្វីដែលបានកើតឡើង។ ដូចគ្នាទៅថ្ងៃមុខ អ្នកប្រាជ្ញមិនគួរចំណាយពេលច្រើន ខ្វល់ខ្វាយ ឬសង្ស័យលើរឿងដែលមិនទាន់មកដល់ឡើយ។ ប្រសិនបើជីវិតមិនដើរតាមអ្វីដែលអ្នកចង់បានទេ ចូរជឿថាអ្វីៗត្រូវបានរៀបចំតាមរបៀបដែលខ្លួនចង់បាន។ អនាគតគឺជារឿងពេលក្រោយ ដែលគ្មាននរណាអាចទស្សន៍ទាយបាន។ ការខ្វល់ខ្វាយច្រើនអំពីអនាគតគឺនាំតែបង្កើតបញ្ហាដែលមិនចាំបាច់សម្រាប់ខ្លួនយើង។ អ្វីដែលត្រូវតែកើតឡើងនៅទីបំផុតមិនមានការផ្លាស់ប្តូរ។ នៅពេលវាមកដល់ សូមត្រៀមខ្លួនសម្រាប់វា ហើយព្យាយាមឱ្យអស់ពីសមត្ថភាព ចិត្តដែលគ្មានកង្វល់ជារឿងល្អបំផុតក្នុងជីវិតមួយនេះ៕
ព័ត៌មានថ្មីៗ
