សំណាង ៣ ខែជាប់គ្នា មិថុនា កក្កដា សីហា សម្រាប់អ្នកឆ្នាំទាំង ៣ ធ្វើអ្វី ប្រាថ្នាអ្វីក៏សម្រេចបានដូចចិត្ត រាសីឡើងខ្ពស់ដូចខ្លែងហោះប៉ះខ្យល់
ហោរាសាស្ត្រទស្សន៍ទាយថា ក្នុងរយៈពេល ៣ ខែខាងមុខនេះ រាសីអ្នកកើតក្នុងឆ្នាំទាំង ៣ នេះនឹងមានលាភឡើងខ្លាំង អ្វីៗនឹងដំណើរការទៅដោយរលូន សមបំណង ជោគជ័យគ្រប់កិច្ចការងារតូចធំ។
១. ឆ្នាំឆ្លូវ ៖ អ្នកកើតឆ្នាំឆ្លូវ ជាមនុស្សឧស្សាហ៍ព្យាយាម មិនខ្លាចការលំបាក ឬបញ្ហា ឧបសគ្គអ្វីឡើយ។ នៅកន្លែងធ្វើការ មនុស្សឆ្នាំនេះមានទំនួលខុសត្រូវខ្ពស់ ក៏ជាមនុស្សដែលមានជំនឿចិត្ត និងការគិតបានយ៉ាងមត់ចត់។ អ្នកឆ្នាំគោរមែងទទួលបានការគោរពស្រឡាញ់ពីមនុស្សជុំវិញខ្លយន។ មនុស្សឆ្នាំនេះក៏មានបុគ្គលិកលក្ខណៈរឹងមាំ មានទេពកោសល្យខ្លាំងពីកំណើត មានការគិតទុកជាមុន និងចេះគ្រប់គ្រងហិរញ្ញវត្ថុឱ្យបានត្រឹមត្រូវ។ ហោរាសាស្ត្រទស្សន៍ទាយថា ក្នុងអំឡុងខែមិថុនា ដល់ខែសីហា រាសីហិរញ្ញវត្ថុរបស់អ្នកកើតឆ្នាំឆ្លូវ នឹងកើនឡើងរឹតតែខ្លាំង។ ជោគវាសនារបស់អ្នកកំពុងឈានចូលដល់ដំណាក់កាលនៃការវិបុលភាព និងភាពចម្រុងចម្រើន។ នៅក្នុងរយៈពេល ៣ ខែខាងមុខនេះ អ្នកកើតឆ្នាំឆ្លូវនឹងមានលាភសំណាង លុយកាក់កើនឡើង រីកចម្រើនគ្រប់ផ្នែកនៃកិច្ចការងាររបស់ពួកគេ។
២. ឆ្នាំថោះ ៖ អ្នកដែលកើតក្នុងឆ្នាំថោះ ជាមនុស្សមានក្តីស្រមៃ ឆាប់រជួលចិត្ត និងមានការគិតវែងឆ្ងាយ។ នៅកន្លែងធ្វើការ មនុស្សឆ្នាំនេះឆ្លាតណាស់ ចេះប្រយ័ត្នប្រយែង ហើយអាចធ្វើអ្វីៗគ្រប់យ៉ាងបានល្អ មិនថាជាអ្នកធ្វើការ ឬរកស៊ីនោះឡើយ។ ហោរាសាស្ត្រទស្សន៍ទាយថា ក្នុងអំឡុងខែមិថុនា ដល់ខែសីហា អ្នកកើតឆ្នាំទន្សាយ អាចសម្រេចជោគជ័យធំក្នុងការងារ និងមុខជំនួញ។ ជោគវាសនារបស់អ្នកត្រូវបានទទួលស្គាល់ដោយថ្នាក់លើរបស់អ្នក ហើយមានឱកាសឡើងឋានៈខ្ពស់។ ក្នុងដំណាក់កាលនេះ អ្នកដែលកើតឆ្នាំទន្សាយ ត្រូវតែផ្តោតលើអ្វីដែលអ្នកកំពុងធ្វើ មិនត្រូវមានការរំខានពីរឿងជុំវិញខ្លួននោះទេ។ ចូររក្សាគោលដៅរបស់អ្នកឱ្យបានកំណត់ ហើយអនុវត្តវាឱ្យបានហ្មត់ចត់ និងឧស្សាហ៍ព្យាយាម ។
៣. ឆ្នាំម្សាញ់ ៖ អ្នកឆ្នាំម្សាញ់ ជាមនុស្សដែលមានសមត្ថភាព ឆ្លាត និងប៉ិនប្រសប់ខ្លាំង។ អ្នកឆ្នាំនេះដឹងពីអ្វីដែលអ្នកត្រូវធ្វើដើម្បីសម្រេចគោលដៅរបស់អ្នក។ មនុស្សឆ្នាំពស់តែងតែតស៊ូព្យាយាម ដើម្បីបានជីវិតសុខស្រួលដោយមិនខ្វល់ខ្វាយនឹងការខ្វះខាត។ ហោរាសាស្ត្រទស្សន៍ទាយថា ក្នុងអំឡុងពីខែមិថុនា ដល់ខែសីហា អ្នកកើតឆ្នាំម្សាញ់ នឹងចាកផុតពីទុក្ខលំបាកគ្រប់យ៉ាង។ អ្នកលែងមានការព្រួយបារម្ភអំពីបញ្ហាលេចធ្លោទៀតហើយ។ អ្វីៗនឹងបានដោះស្រាយដោយរលូន សំណាងល្អកាន់តែខិតជិតដល់ជោគវាសនារបស់អ្នកហើយ។ ដោយសារភាពឆ្លាតវៃ និងការយល់ដឹង អ្នកដែលកើតក្នុងឆ្នាំម្សាញ់ អាចរកឱកាសរកលុយបានច្រើន ហិរញ្ញវត្ថុកាន់តែមានស្ថិរភាព ហើយក្តីស្រមៃចង់ក្លាយជាអ្នកមានកាន់តែខិតជិតចូលមកដល់៕
ព័ត៌មានថ្មីៗ
