អ្នកមានខ្សែបាតដៃប្រភេទណាមួយ? យើងអាចទាយដឹងថាវាសនាអ្នក នឹងសំណាងឬអត់
ខ្សែបាតដៃទាំង ២ ប្រភេទខាងក្រោម គឺមានកំណត់នូវជោគវាសនា និងសំណាងក្នុងជីវិតរបស់អ្នក ផ្សេងពីគ្នា។ តោះលើកបាតដៃមើលបន្តិច តើអ្នកស្ថិតនៅប្រភេទណាមួយ?
១) ខ្សែពីរតភ្ជាប់គ្នា
បុគ្គលនេះ ជាមនុស្សរហ័សរហួន មានចិត្តទូលាយ ហើយមាននិស្ស័យព្យាយាមក្នុងការសិក្សាតាំងតែពីក្មេងវ័យ។ ក៏រមែងមានគេរាប់អានជុំទិស ដូច្នេះចាស់ទៅ គឺរស់នៅប្រកបដោយក្តីសុខ និងភាពរុងរឿង។
ជោគវាសនាក្នុងជីវិតរបស់មនុស្សនេះ ជាទូទៅមិនចូលចិត្តគិតអ្វីស្មុគស្មាញច្រើនទេ ជួបអីសឹមដោះហ្នឹង ហើយតែងតែមានភាពច្នៃប្រឌិតខ្ពស់ក្នុងជីវិត។ សំណាងកើតមាន ក៏ដោយសារការខិតខំប្រឹងប្រែងផង តែល្អត្រង់មួយ គឺគេលេចធ្លោត្រង់ពូកែខាងបង្កើតទំនាក់ទំនង។ មនុស្សនេះងាយឡើងតំណែង ឡើងឋានៈ ហើយបើការចាប់ផ្តើមអាជីវកម្ម គេគិតបានល្អិតល្អន់ និងមិនងាយបរាជ័យឡើយ។
២) ខ្សែពីរមិនត្រូវបានតភ្ជាប់គ្នា
បើលើបាតដៃ ខ្សែបន្ទាត់ ២ នោះមិនបានភ្ជាប់គ្នា នោះក្នុងជីវិត គឺអាចជួបលំបាកច្រើន។ បើទោះបីបុគ្គលនេះ មានភាពឈ្លាសវៃ មានសមត្ថភាពបិនប្រសព្វ តែក្នុងជីវិត រមែងជួបបញ្ហានេះ បញ្ហានោះឥតឈប់។
បើគេអត់ធ្មត់បន្តិច បន្តភាពវិជ្ជមាន បន្តការខិតខំប្រឹងប្រែង នោះក៏មិនយូរដែរ នឹងឆ្លងដល់ត្រើយនៃសុខ។ មនុស្សនេះពូកែរកលុយ តែដោយសារសម្ពាធ និងបន្ទុកច្រើន ទើបនាំឲ្យលុយមិនសូវសល់។ ទោះជាយ៉ាងណា ក៏គង់មានពេលវេលាមួយ ដែលផលកើតចេញពីការខិតខំទាំងអស់ សងត្រលប់មកគេវិញ បង្កើតជាផ្លែផ្ការស់នៅដោយសុភមង្គលនៅពេលចាស់ទៅ គ្រាន់ថាមិនស្រណុកដូចមនុស្សមានខ្សែបាតដៃជាប់គ្នាទេ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
