បើលេចរឿងចម្លែក ៣ ចេញមក នោះជាប្រផ្នូលល្អ គ្រួសារអ្នកបម្រុងនឹងមានលាភហើយ
ប្រសិនអ្នកសង្កេតឃើញរឿងចម្លែកទាំង ៣ ដូចបង្ហាញខាងក្រោម រំលេចចេញមក នោះគ្រួសាររបស់អ្នក គឺបម្រុងនឹងមានលាភសំណាងចូលមកក្នុងផ្ទះហើយ។ តោះទៅតាមដានទាំងអស់គ្នា ដើម្បីចាត់ទុកជាចំណេះដឹងក្បួនហុងស៊ុយ៖
៣) សុបិនឃើញភ្លើង
បើអ្នកសុបិនឃើញគំនរភ្លើងធំ កំពុងឆេះឡើងនៅពេលយប់ មានន័យថា ពេលឆាប់ៗខាងមុខនេះ ការរកស៊ី ការងារនៃសមាជិកគ្រួសារអ្នក នឹងមានភាពរីកចម្រើនល្អ ពោលម្ចាស់ផ្ទះនឹងអាចមានទ្រព្យសម្បត្តិហូរចូលច្រើន ហើយថែមទាំងមានឱកាសអាចពង្រីកក្តីស្រមៃមួយចំនួនទៀតផង។
២) ឆ្កែអត់ម្ចាស់ រត់មកផ្ទះអ្នក
ប្រសិនសុខៗឃើញឆ្កែអត់ម្ចាស់ ឬវង្វេងម្ចាស់ រត់ចូលមកផ្ទះរបស់អ្នក ឬមកចាំនៅមុខក្លោងទ្វារអ្នក នោះជាប្រផ្នូលល្អ ដែលមានន័យថា គ្រួសាររបស់អ្នកនឹងមានភាពរុងរឿង សុខដុមរមនា។ ប្រផ្នូលនេះសោត ក៏បង្ហើបថា នឹងមានមនុស្សនាំលាភ ហៀបនឹងរំលេចវត្តមានមកក្នុងផ្ទះរបស់អ្នកនាពេលដ៏ខ្លីខាងមុខ។
៣) រុក្ខជាតិ ឬដើមឈើរីកស្គុះស្គាយ
ដើមឈើ ឬរុក្ខជាតិដែលធ្លាប់តែស្វិតស្រពោន បែរជាសុខៗវារីកចេញផ្លែ ចេញផ្កា ពណ៌បៃតងស្រស់ នោះបង្ហាញភាពសម្បូរសប្បាយ ភាពរីករាយ នឹងចូលមកដល់សមាជិកក្នុងគ្រួសារ។ វាក៏តំណាងឲ្យនិមិត្តរូបនៃប្រាក់ នៃសំណាង ហៀបនឹងចូលមកដល់ផងដែរ៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
