បន្ទាប់ពីផឹកទឹក ឃើញរាងកាយចេញសញ្ញា ៣ អ្នកត្រូវតែប្រញាប់ទៅជួបពេទ្យជាបន្ទាន់
ទឹកជាអ្វីដែលយើងខ្វះមិនបានជារៀងរាល់ថ្ងៃ ហើយការទទួលទានទឹក ជារឿងចាំបាច់ ដែលមនុស្សគ្រប់គ្នាធ្វើ ដោយមិនចាំបាច់នរណាបង្គាប់ឡើយ។ យ៉ាងណាប្រសិនអ្នកឃើញកើតមានរោគសញ្ញា ៣ នេះឡើង បន្ទាប់ពីផឹកទឹក នោះវាជាសញ្ញាមិនល្អទេ ដែលអ្នកគួរតែយកពេលទៅជួបអ្នកនឹងគ្រូពេទ្យដើម្បីពិគ្រោះ៖
៣) ផឹកទឹកច្រើន ហើយអត់បត់ជើងតូច
ជាធម្មតាសុខភាពល្អ ជាមធ្យមត្រូវបត់ជើងតូចប្រហែល ៦ ទៅ ៧ ដង/ថ្ងៃ។ ប៉ុន្តែប្រសិនអ្នកបត់ជើងតូចតិចជាង ២-៣ ដង/ថ្ងៃ ឬមានគម្លាតច្រើនម៉ោង ហើយមិនបត់ជើងតូច នោះបង្ហាញថា រាងកាយកំពុងខ្សោះជាតិទឹកយ៉ាងខ្លាំង។
ជារួមមក មានន័យថា ប្រសិនអ្នកទទួលទានទឹកច្រើនហើយ បន្ទាប់ពីនោះប៉ុន្មានម៉ោងអ្នកមិនមានអារម្មណ៍ចង់បញ្ចេញទឹកនោម នោះត្រូវប្រុងប្រយ័ត្ន អ្នកអាចប្រឈមខ្ពស់នឹងជំងឺតម្រងនោមហើយ។
២) មាត់ស្ងួត
ជំងឺទឹកនោមផ្អែម ធ្វើឲ្យរាងកាយពិបាកគ្រប់គ្រងជាតិស្ករ ក្នុងឈាម ធ្វើឲ្យតម្រងនោមផលិតទឹកនោមកាន់តែច្រើន។ នេះបណ្តាលឲ្យរាងកាយខ្សោះជាតិទឹកទៅវិញ ហើយធ្វើឲ្យអ្នកចេះតែមានអារម្មណ៍ស្រេកទឹកញឹកញាប់ បើទោះបីទើបតែផឹកទឹកហើយក៏ ដោយ។
មួយផ្សេងទៀត ដ្បិតបើផឹកទឹកហើយ អ្នកនៅតែមានអាការៈស្ងួតមាត់ ធ្មេញងាយពុក ក្លិនមាត់មិនល្អ នោះមកពីបរិមាណទឹកមាត់ បញ្ចេញមិនគ្រប់គ្រាន់ ដើម្បីសម្លាប់បាក់តេរី ក៏ជារោគសញ្ញាមិនល្អមួយដែរ។
១) រាងកាយឡើងហើម
អ្នកដែលមានសុខភាពល្អ មុខងារតម្រងនោមល្អ មិនថាផឹកទឹកច្រើនប៉ុណ្ណា ក៏មិនមានអាការៈហើមនេះរំលេចចេញមកដែរ។ តែបើមនុស្សមានជំងឺតម្រងនោមវិញ គឺមានន័យថាក្រលៀនខ្សោយ ប៉ះពាល់ដល់ការបំបាត់ជាតិពុល នាំឲ្យរំខានដល់អេឡិចត្រូលីត និងកើតជាការហើមចេញមក។
ប្រសិនទទួលទានទឹកច្រើន អ្នកមានអាការៈហើយផ្នែកណាមួយលើរាងកាយ នោះច្បាស់ណាស់វាជារោគសញ្ញានៃជំងឺមិនល្អហើយ គួរតែយកពេលទៅពិគ្រោះជាមួយគ្រូពេទ្យជាបន្ទាន់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
