ទឹកដូងផ្តល់ប្រយោជន៍ច្រើនហើយ តែមនុស្ស ៥ ប្រភេទនេះមិនគួរទទួលទានទេ
ទឹកដូង អាចផ្តល់នូវអាហារូបត្ថម្ភជាច្រើនមករាងកាយ ពោលក្រៅពីជួយបំពេញជាតិទឹក វាក៏ជួយព្យាបាលជំងឺមួយចំនួនថែមទៀតផង។ យ៉ាងណាតាមអ្នកជំនាញបានណែនាំថា មនុស្ស ៥ ប្រភេទដូចរៀបរាប់ខាងក្រោម មិនគួរទទួលទានទឹកដូងនោះទេ ព្រោះអាចបង្កជាផលប៉ះពាល់ទៅវិញ៖
៥) អ្នកដែលមានជំងឺទឹកនោមផ្អែម
ទឹកដូងក្នុងមួយកែវ មានផ្ទុកនូវបរិមាណស្ករប្រមាណ ៦,២៦ ក្រាម ដ្បិតទំហំនេះវាទាបជាង បើធៀបនឹងផ្លែឈើដទៃ តែយ៉ាងណាចំពោះអ្នកទឹកនោមផ្អែមមិនគួរទទួលទានឡើយ ហើយបើចង់ទទួលទាន ក៏គួរដាក់កំហិតនៅបរិមាណទាបមួយដែរ។
៤) មនុស្សដែលងាយអាឡែស៊ី
ចំពោះមនុស្សដែលងាយនឹងអាឡែស៊ីអាហារ ឬអ្វីមួយ ជាមួយតឹកដូងក៏ងាយនឹងបង្កផលប៉ះពាល់ដល់ពួកគេ ដូចការទទួលទានអាហារសមុទ្រអី អ៊ីចឹងដែរ។ ជាពិសេសគឺពេលទទួលទានទឹកដូង លាយទឹកកក ពេលវាប្រតិកម្មចូលគ្នា វានឹងធ្វើឲ្យអ្នកងាយឈឺពោះ គ្រុនក្តៅជាដើម។
៣) អត្តពលិក
អ្នកខ្លះគិតថាអត្តពលិកគួរទទួលទានទឹកដូង។ តែបើស៊ីជម្រៅទៅ វាមិនបានផ្តល់ថាមពលសម្រាប់ពួកគេក្នុងការធ្វើលំហាត់ប្រាណអ្វីនោះទេ។ ជាទូទៅវាមានផ្ទុកបរិមាណសូដ្យូមត្រឹម ១/១០ នៃភេសជ្ជៈប៉ូវកម្លាំងតែប៉ុណ្ណោះ ហើយពិបាក ដែលអាចបង្កឲ្យទៅជាឆ្អល់ពោះ ឬនោមច្រើនទៅវិញសម្រាប់ពួកគេ។
២) អ្នកដែលមានសម្ពាធឈាមទាប
ទឹកដូងអាចបន្ថែមជាតិប៉ូតាស្យូមទៅកាន់រាងកាយ ហេតុនេះវាជួយបង្កើនការបញ្ចេញអំបិលតាមទឹកនោម។ សូដ្យូមដែលបញ្ចេញនោះ នឹងនាំឲ្យធ្លាក់ចុះសម្ពាធឈាម ដូច្នេះអ្នកដែលមានសម្ពាធឈាមទាបស្រាប់ គឺមិនណែនាំឲ្យទទួលទានទឹកដូងឡើយ ព្រោះសម្ពាធឈាមនឹងធ្លាក់ចុះកាន់តែខ្លាំងឡើងថែមទៀត។
១) មនុស្សដែលខ្សោយក្រលៀន
ចំពោះអ្នកដែលឧស្សាហ៍បត់ជើងតូចច្រើននៅពេលយប់ ឬក្រលៀនខ្សោយ មិនគួរទទួលទានទឹកដូងច្រើនពេកឡើយ។ ព្រោះទឹកដូងវានឹងកាន់តែបញ្ចុះទឹកនោមថែមទៀត ដូច្នេះអ្នកនឹងពិបាកគេងស្កប់ស្កល់នៅពេលយប់៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
