ត្បូងត្រជាក់ត្រជុំ! ជ្រើសរើសយកត្បូងមួយដែលអ្នកពេញចិត្តដើម្បីសរបង្ហាញថាអ្នកជាមនុស្សដូចម្តេច
ត្បូងទី១
ប្រសិនបើអ្នករើសយកត្បូងទី១ អ្នកគឺជាមនុស្សដែលស្ងប់ស្ងាត់តែពោរពេញទៅដោយថាមពល។ អ្នកទំនោរចង់បានសេរីភាពក្នុងជីវិតនិងចាកចេញពីភាពស្មុគស្មាញទាំងឡាយ។ អ្នកគឺជាមនុស្សដែលឱ្យតម្លៃទៅលើសេចក្តីសុខដូចនេះអ្នកហ៊ានជម្នះរាល់ឧបសគ្គដើម្បីទាញយកនូវសេចក្តីសុខសម្រាប់ខ្លួនឯងនិងអ្នកដ៏ទៃ។
ត្បូងទី២
ប្រសិនបើអ្នករើសយកត្បូងទី២ អ្នកគឺជាមនុស្សសុទិដ្ធិនិយមនិងតែងមើលឃើញអ្វីៗគ្រប់យ៉ាងក្នុងផ្លូវល្អ ដូចនេះអ្នកមិនងាយចុះសម្រុងជាមួយនឹងមនុស្សដែលតែងតែគិតអវិជ្ជមាននោះទេ។ អ្នកគឺមនុស្សដែលទន់ភ្លន់និងតែងយកអាសារអ្នកដ៏ទៃដោយមិនគិតអំពីសំណងឡើយ។ យ៉ាងណាមិញ អ្នកក៏គួរសង្កេតទៅលើមនុស្សបែបណាដែលអ្នកគួរជួយនិងមនុស្សបែបណាដែលអ្នកមិនគួរជួយផងដែរ។
ត្បូងទី៣
ប្រសិនបើអ្នករើសយកត្បូងទី៣ អ្នកគឺជាមនុស្សដែលស្រលាញ់សន្តិភាពនិងភាពមិនក្លែងបន្លំ។ ត្បូងនេះត្រូវបានគេយកតាមខ្លួនដើម្បីនាំសំណាង ដូចនេះប្រសិនបើអ្នកមានចំណាប់អារម្មណ៍លើវា បានន័យថាអ្នកជាមនុស្សសំណាងខ្លាំងណាស់។ យ៉ាងណាមិញ អ្នកគឺជាមនុស្សដែលឆាប់ស្មុគស្មាញនិងរងនូវបន្ទុកច្រើនណាស់ ហេតុនេះហើយអ្នកតែងចំណាយពេលក្នុងជីវិតរបស់អ្នកដើម្បីស្វែងរកសេចក្តីស្ងប់ពិតប្រាកដមួយ។
ត្បូងទី៤
ប្រសិនបើអ្នករើសយកត្បូងទី៤ អ្នកគឺជាមនុស្សដែលដឹងគុណទៅលើអ្វីៗគ្រប់យ៉ាងមិនថាមនុស្ស សត្វឬវត្ថុអ្វីមួយនោះទេ។ អ្នកតែងមើលឃើញចំណុចល្អទៅលើអ្វីៗគ្រប់យ៉ាង ហើយអ្នកតែងព្យាយាមស្វែងរកភាពឥតខ្ចោះមួយ។ យ៉ាងណាមិញ នេះគឺជាវេលាល្អមួយដែលអ្នកគួរបោះចោលទម្លាប់មិនល្អមួយចំនួនរបស់អ្នកហើយចាប់យកអ្វីដែលថ្មីនិងមានប្រយោជន៍សម្រាប់អ្នក។
ត្បូងទី៥
ប្រសិនបើអ្នករើសយកត្បូងទី៥ អ្នកគឺជាមនុស្សដែលមានមនោសញ្ចេតនាខ្លាំងណាស់។ មិនថាគេធ្វើយ៉ាងណាចំពោះអ្នកក៏អ្នកតែងព្យាយាមរកផ្លូវដើម្បីលើកលែងដល់អ្នកនោះ។ យ៉ាងណាមិញ អ្នកគួរដោះលែងអតីតកាលជូរចត់ខ្លះដែលនាំទុក្ខទោរម្នេញដល់អ្នកឱ្យវាទៅៗ រួចស្រវ៉ាកសាងអនុស្សាវរីយ៍ល្អ ថ្មីៗឡើងវិញ។
ត្បូងទី៦
ប្រសិនបើអ្នករើសយកត្បូងទី៦ អ្នកគឺជាមនុស្សដែលមានភាពច្នៃប្រឌិតនិងចូលចិត្តការផ្សងព្រង។ អ្នកតែងស្វែងរកភាពកោតសរសេរពីអ្នកដ៏ទៃយ៉ាងណាមិញ អ្នកគឺជាមនុស្សដែលគេចូលចិត្តនៅជិតដោយសារតែភាពសប្បាយរីករាយនិងភាពក្រមិចក្រមើមរបស់អ្នក៕
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
