ភាគច្រើនមនុស្សរៀនខ្សោយ ងាយទទួលបានជោគជ័យក្នុងជីវិត ដោយសារតែហេតុផលទាំង ៧ ចំណុចនេះ
ស្តាប់ទៅដូចជាគួរឱ្យអស់សំណើចបន្តិចមែន ប៉ុន្តែជាការពិត ដែលមនុស្សមួយភាគធំ ពុំជោគជ័យលើការងារ រៀនខ្សោយ ប៉ុន្តែពេលរៀនចប់ បែរជាជោគជ័យក្នុងជីវិតការងារ ដែលធ្វើឱ្យគ្រប់គ្នាច្រណែន និងនឹកស្មានមិនដល់។
១. ពួកគេមិនខ្វល់ច្រើនអំពីចំណាត់ថ្នាក់សិក្សាទេ
សម្រាប់អ្នករៀនខ្សោយ វាមិនចាំបាច់ដើម្បីបង្ហាញថាខ្លួនឯងជោគជ័យតាមថ្នាក់នោះទេ។ នៅពេលស្វែងរកគោលដៅ ជំនួសឱ្យការយកចិត្តទុកដាក់លើអាកប្បកិរិយារបស់អ្នកដទៃ ពួកគេយកចិត្តទុកដាក់ចំពោះលទ្ធផលដែលពួកគេសម្រេចបានតែប៉ុណ្ណោះ។
២. ពួកគេមិនចាំបាច់ប្រឹងប្រែងដើម្បីធ្វើឱ្យបានល្អនោះទេ
សម្រាប់សិស្សល្អ វាមានសារៈសំខាន់ខ្លាំងណាស់ក្នុងកិច្ចការឱ្យបានល្អ ដើម្បីធ្វើឱ្យគ្រូចាប់អារម្មណ៍ និងសរសើរ។ ប៉ុន្តែសម្រាប់អ្នករៀនខ្សោយ ពួកគេមិនចាំបាច់ព្យាយាមធ្វើឱ្យនរណាម្នាក់ចាប់អារម្មណ៍នោះទេ គ្រាន់តែធ្វើបានល្អតាមលទ្ធភាពរបស់ពួកគេ គឺគ្រប់គ្រាន់ហើយ។
៣. ពួកគេមិនធ្វើអ្វីគ្រប់យ៉ាងតែម្នាក់ឯងទេ
សិស្សល្អតែងតែសិក្សាដោយខ្លួនឯង និងគ្រប់គ្រងអ្វីៗគ្រប់យ៉ាងតែម្នាក់ឯង។ ប៉ុន្តែជាមួយនឹងសិស្សរៀនខ្សោយ ពួកគេតែងតែស្វែងរកវិធីងាយៗ ឬរៀនជាមួយមិត្តភក្តិ ដើម្បីជួយឱ្យរៀនសម្រេចបាននូវអ្វីដែលពួកគេចង់បាន។ ទម្លាប់នេះជួយឱ្យពួកគេបង្កើតទំនាក់ទំនង និងបង្កើនភាពស្និទ្ធស្នាលជាមួយនឹងមនុស្សក្បែរខ្លួន។
៤. ពួកគេទទួលស្គាល់ខ្លួនឯងថាជាមនុស្សមិនល្អឥតខ្ចោះ
អ្នករៀនខ្សោយងាយទទួលយកចំណុចខ្វះខាតរបស់ខ្លួនខ្លាំងណាស់ ពួកគេជាមនុស្សដែលចេះទទួលស្គាល់ការពិត សម្លឹងមើលការពិត និងព្យាយាមឥតឈប់ឈរ។
៥. ពួកគេមិនកំណត់ខ្លួនឯងទេ
អ្នកសិក្សាខ្សោយ នឹងមិនបង្ខំខ្លួនឯងឱ្យធ្វើអ្វីដែលពួកគេមិនចូលចិត្តនោះឡើយ ប៉ុន្តែពួកគេផ្តោតលើចំណង់ចំណូលចិត្ត និងអ្វីដែលជម្រុញទឹកចិត្តពួកគេច្រើនជាង។
៦. ពួកគេទម្លាប់ជាមួយនឹងការបរាជ័យ និងភាពជោគជ័យ
មនុស្សភាគច្រើនពិបាកប្រឈមមុខនឹងការបរាជ័យ។ ប៉ុន្តែអ្នករៀនខ្សោយធ្លាប់បរាជ័យរួចហើយ ដូច្នេះគ្មានអ្វីដែលពិបាកសម្រាប់ពួកគេឡើយ។ សម្រាប់ពួកគេ ការជួបបរាជ័យម្តងទៀតមិនមែនជារឿងពិបាកនោះទេ សំខាន់ត្រូវដឹងពីរបៀបក្រោកឡើងវិញ។
៧. ការសិក្សាខ្សោយមិនមែនមានន័យថាខ្វះបញ្ញាទេ
បើនិយាយពីស្តង់ដារនៃសង្គមដែលរឹតត្បិត អ្នករៀនខ្សោយគឺជាអ្នកចាញ់។ ប៉ុន្តែតាមពិតជំនាញទន់ និងចំណេះដឹងសង្គមអាចធ្វើបានច្រើនជាងបរិញ្ញាបត្រ និងសញ្ញាបត្រ។ តារាងពិន្ទុដ៏ស្រស់ស្អាតអាចបង្កើតបាន តែចំណេះដឹងពិត មិនស្ថិតលើរៀនពូកែ អទ់រៀនខ្សោយនោះឡើយ៕
អត្ថបទ ៖ បរទេស / Knongsrok
ព័ត៌មានថ្មីៗ
