ទន្ទេញឱ្យចាំ! ២០ឃ្លា នឹងជួយអ្នកមានសុភមង្គលច្រើនៗក្នុងជីវិត មានទាំងសំណាង ប្រាថ្នាអ្វីក៏បានដូចចិត្តដែរ
មែនហើយ កាលនៅជាកូនក្មេង មិនពិបាកស្វែងរកក្ដីសុខ និងធ្វើឱ្យខ្លួនឯងសប្បាយចិត្តនោះឡើយ ចរិតកូនក្មេង ត្រឹមមាននំញុំា ប្រដាប់ប្រដាកូនក្មេងលេងឱ្យច្រើនៗទៅ ពួកគេនឹងសើចសប្បាយហើយ។ ប៉ុន្តែសម្រាប់មនុស្សពេញវ័យដូចយើង គឺពិបាកនឹងស្វែងរកក្ដីសុខណាស់ ពេលខ្លះ សូម្បីតែខ្លួនមានរបស់ទ្រព្យច្រើនហើយ នៅឡើយតែគ្មានក្ដីសុខទៀត សួរថា ហេតុអ្វី? តើអ្វីទី ដែលអាចធ្វើឱ្យមនុស្សធំពេញមាន អាចមានក្ដីសុខ នុងសុភមង្គលក្នុងជីវិត?
តែយ៉ាងណាមិញ ជីវិតមនុស្សយើង បើរស់នៅឱ្យសាមញ្ញ ពេញចិត្តនឹងអ្វីដែលខ្លួនឯងមាន រៀនទទួលស្គាល់ការពិត បើកចិត្តឱ្យទូលាយ គំនិតត្រូវតែសុទិដ្ឋិនិយម ធ្វើល្អឱ្យបានច្រើន ប៉ុណ្ណឹង គឺយើងអាចមានក្ដីសុខហើយ។ ដូច្នេះ ២០ឃ្លាខាងក្រោមនេះ នឹងអាចជួយជម្រុញឱ្យអ្នកមានក្ដីសុខ សំណាងល្អ ថែមទាំងទទួលបាននូវអ្វីដែលអ្នកចង់បានផងដែរ។
១. នៅពេលដែលមនុស្សនៅមានជីវិត មនុស្សតែងតែគិតថាថ្ងៃស្អែកនៅតែវែងឆ្ងាយ ខ្វះឱកាសជួបជុំគ្នា ប៉ុន្តែតាមពិត ជីវិតមនុស្សគឺជាការដកថយ គឺថយពីមួយថ្ងៃទៅមួយថ្ងៃ ជួបគ្នាមួយដង នឹងបាត់បង់ពេលវេលាមួយដងដូចគ្នា តែអ្វីដែលនៅសល់នោះគឺ ការចងចាំ និងអនុស្សាតែប៉ុណ្ណោះ។
២. ក្នុងពេលមានកំហឹង ដាច់ខាតកុំប្រើពាក្យអាសអាភាស កុំនិយាយពាក្យអសុរោះ កុំនិយាយពាក្យមិនល្អ នាំឱ្យអ្នកស្ដាប់ឈឺចាប់ ព្រោះតែពាក្យសម្ដីរបស់យើង កុំធ្វើបាបចិត្តអ្នកដែលនៅក្បែរយើង ព្រោះតែសម្ដី និយាយចេញទៅទាំងកំហឹង។
៣. កុំប្រើតែត្រចៀកស្ដាប់ ហើយទៅវិនិច្ឆយលើអ្នកដទៃ អ្នកមិនអាចយល់ពីគេច្បាស់ ព្រោះតែការស្ដាប់សម្ដីពីមនុស្សម្នាក់ ទៅមនុស្សម្នាក់បានឡើយ។
៤. មានរឿងខ្លះ គ្មានលើកក្រោយ គ្មានឱកាសធ្វើម្តងទៀត មិនអាចសូម្បីតែចាប់ផ្ដើមជាថ្មី។ ដូច្នេះមានពេលខ្លះ បើអ្នកខកខានបច្ចុប្បន្នកាលនឹងគ្មានឱកាសអនាគតជារៀងរហូតទេ។
៥. ប្រើអាកប្បកិរិយាស្ម័គ្រចិត្ត អ្នកនឹងមានជីវិតសុខសាន្ត មិនថាស្ថិតក្នុងកាលៈទេសៈណាក៏ដោយ ដែលអ្នកជួបប្រទះ ជាពិសេស គឺការធ្វើល្អ ទឹកចិត្តជួយអ្នកដទៃ ធ្វើដោយការស្ម័គ្រចិត្ត កុំរំពឹងការតបស្នង នោះអ្នកនឹងទទួលបានក្ដីសុខពិតប្រាកដ។
៦. បញ្ហាទាំងអស់ ទីបំផុតជាបញ្ហារបស់យើងខ្លួនឯង មិនមែនជារឿងរបស់អ្នកដទៃនោះឡើយ ដូច្នេះហើយ គឺមានតែយើងខ្លួនឯងប៉ុណ្ណោះដែលត្រូវប្រឈមមុខ ឆ្លងកាត់ ហើយដោះស្រាយដោយខ្លួនឯង គ្មានអ្នកណាអាចជួយអ្នកបានឡើយ។
៧. វាជារឿងពិត នៅពេលដែលយើងមានជីវភាពខ្វះខាត ក្រក្រី អ្វីដែលយើងត្រូវធ្វើ គឺចាកចេញទៅក្រៅ ដើម្បីធ្វើការ រកស៊ី រកលុយ ចិញ្ចឹមជីវិត ហើយមានពេលវេលាតិចណាស់ក្នុងការនៅផ្ទះ។ ប៉ុន្តែ នៅពេលដែលយើងមានទ្រព្យ មានលុយច្រើនគ្រប
គ្រាន់ យើងក៏អាចកំណត់ការដើរហើរចេញក្រៅ និងមានពេលច្រើនដើម្បីនៅផ្ទះ។
៨. មានពេលខ្លះ យើងអាចអភ័យទោសឱ្យនរណាម្នាក់ ប៉ុន្តែយើងបែរជានៅតែមិនអាចសប្បាយចិត្តបាន ព្រោះយើងភ្លេចអភ័យទោសឱ្យខ្លួនឯង។
៩. មនុស្សម្នាក់ៗត្រូវកើតចាស់ ឈឺស្លាប់ ប៉ុន្តែដរាបណាយើងរស់នៅ យើងត្រូវតែរស់នៅក្នុងផ្លូវល្អបំផុត។ ទោះបីជាអ្នកគ្មានស្នេហា តែក៏ត្រូវតែរស់នៅជាមួយនឹងភាពឯកា ប្រកបដោយក្ដីសុខ និងភាពរីករាយ។
១០. របស់ដែលយើងមិនត្រូវការ ទោះល្អប៉ុនណាក៏ដោយ វាគ្រាន់តែសំរាមប៉ុណ្ណោះ។ ហើយរបស់ដែលយើងចង់បាន តែបើវាមិនមែនជារបស់យើងទេ ទោះបីបានមក ក៏គ្មានក្ដីសុខបានដែរ។
១១. ភាពជាយុវវ័យ គឺជាទ្រព្យដ៏មានតម្លៃបំផុតសម្រាប់ជីវិតមនុស្សយើងម្នាក់ៗ។ ដូច្នេះហើយ យើងម្នាក់ៗត្រូវគុណពេលវេលាដ៏មានតម្លៃនោះ ទោះបីយើងក្រក៏ដោយ យើងមិនត្រូវភ័យខ្លាចឡើយ។ ចូរឈ្វេងយល់ពីវិធីចិញ្ចឹមបីបាច់ខ្លួនឯង យល់ពីអ្វីដែលមានតម្លៃ ឈ្វេងយល់ពីកន្លែងវិនិយោគ ឈ្វេងយល់ពីកន្លែងដែលត្រូវសន្សំ នោះគឺជារឿងសំខាន់បំផុតនៅក្នុងជីវិត។
១២. ថ្ងៃណាមួយ អ្នកនឹងយល់ថា ភាពស្មោះត្រង់នឹងពិបាកជាងភាពឆ្លាតវៃ។ ភាពវៃឆ្លាត គឺជាអំណោយមួយ ប៉ុន្តែភាពស្មោះត្រង់គឺជាជម្រើស និងជាគុណតម្លៃដ៏ធំធេងបំផុត។
១៣. វាមិនសំខាន់ទេថា អ្នកនឹងក្លាយជាមនុស្សមានប្រយោជន៍ប៉ុនណា ចំពោះមនុស្សដែលនៅជុំវិញអ្នក តែអ្វីដែលសំខាន់បំផុតនោះគឺ តើនឹងមានមនុស្សប៉ុន្មាននាក់ដែលនឹងនៅក្បែរអ្នក មិនបោះបង់អ្នកចោល នៅពេលដែលអ្នកជួបទុក្ខ មានបញ្ហា។
១៤. រឿងខ្លះ គឺវាពិតជាមិនត្រូវការការពន្យល់ ឬបកស្រាយនោះឡើយ តែបើយើងនៅតែនិយាយបកស្រាយ វាក៏ក្លាយជារឿងអត់ប្រយោជន៍ តាំងពីវិនាទីដំបូងដែលអ្នកបើកមាត់និយាយមកម្ល៉េះ។
១៥. នៅពេលដែលជីវិតខ្វះខាត ឱ្យតែយើងមានលុយ ប៉ុណ្ណឹង គឺគ្រប់គ្រាន់ហើយ។ សុភមង្គលដ៏ធំបំផុត គឺការប្រើចំណូលរបស់ដែលយើងរកបាន ដើម្បីបំពេញក្តីសុបិន និងការចង់បានរបស់ខ្លួនឯង និងទិញរបស់ដែលខ្លួនឯងចង់បាន។ ដូច្នេះ អ្វីដែលអស្ចារ្យ គឺត្រូវតែធ្វើនូវរឿងដែលខ្លួនឯងស្រឡាញ់ ពេញចិត្តឱ្យបានច្រើន។
១៦. កុំខ្ជះខ្ជាយលុយច្រើនលើសម្លៀកបំពាក់តម្លៃថោកៗ តែគួរចំណាយឱ្យបានត្រឹមត្រូវ ដោយផ្ដោតទៅលើគុណភាព។ សូមផ្លាស់ប្តូរបរិយាកាសដោយការចេញទៅទទួលទានអាហារពេលល្ងាច ជួបជុំមនុស្សដែលខ្លួនស្រឡាញ់ ដើម្បីញុំាអាហារឆ្ងាញ់ៗជាមួយគ្នា។ លើសពីនេះ ក្រៅពីមនុស្សដែលយើងស្រឡាញ់ យើងគួរតែចេញទៅញុំាអីជាមួយមនុស្សដែលមានគុណភាព ដើម្បីទទួលបានគំនិតថ្មីៗ ល្អៗ យកមកអភិវឌ្ឍន៍ និងកែលម្អយើងខ្លួនឯង។
១៧. ស្ត្រីដែលមិនមានភាពទាក់ទាញ និយាយថាបុរសមានមនោសញ្ចេតនា បុរសដែលមិនមានកម្លាំង មានអារម្មណ៍ថាជាស្ត្រីជាក់ស្តែង តឹងតែងខ្លាំង។
១៨. និយាយសុំទោសខ្លួនឯងប៉ុន្មានឆ្នាំមកនេះ ច្បាស់ជាមានមនុស្សជាច្រើនដែលមិនបានរៀនស្រលាញ់ខ្លួនឯងនោះឡើយ មិនដែលមើលថែខ្លួនឯងបានល្អនោះឡើយ។
១៩. ជីវិត មិនថាមាន ឬក្រនោះទេ អ្នកត្រូវតែមានចិត្តសប្បុរសចំពោះមនុស្សជុំវិញខ្លួន រស់នៅឱ្យសាមញ្ញ ត្រូវចាំ ការធ្វើល្អ ជាគឺជារឿងល្អបំផុតនៅក្នុងជីវិតមនុស្សយើងម្នាក់ៗ។
២០. ត្រូវចាំ ទោះបីយើងក្រ យើងមិនមានទ្រព្យសម្បត្តិច្រើនក៏ដោយ តែកុំមើលងាយខ្លួនឯង កុំមើលស្រាលខ្លួនឯង កុំទៅលន់តួ អង្វរអ្នកណា នាំឱ្យខ្លួនឯងបាត់បង់តម្លៃ។ មនុស្សខ្លះ ឃើញយើងឱនលំទោន ដាក់ខ្លួន គឺកាន់តែជាន់យើងថែមតែប៉ុណ្ណោះ។
យ៉ាងណាក៏ដោយ នៅពេលអ្នកក្លាយជាអ្នកមាន អ្នកត្រូវរៀនជួយដល់អ្នកដទៃឱ្យប្រសើរឡើង កុំធ្វើត្រាប់តាមមនុស្សជោគជ័យ ដែលមើលងាយយើងកន្លងមកឱ្យសោះ៕
ប្រភព ៖ Emdep / KNongsrok
ព័ត៌មានថ្មីៗ
