Man City នឹងដាក់តាំងរូបចម្លាក់ Vincent Kompany និង David Silva នៅកីឡដ្ឋាន Etihad
យោងតាមសារព័ត៌មាន The Mirror បានឲ្យដឹងថាក្រុម Manchester City គ្រោងនឹងដាក់បង្ហាញរូបចម្លាក់របស់ Vincent Kompany និង David Silva មុនការប្រកួត Arsenal នៅថ្ងៃសៅរ៍សប្តាហ៍ក្រោយនេះ។
រូបសំណាក់ទាំងនោះនឹងត្រូវដាក់នៅខាងក្រៅស្តុបផ្នែកខាងកើតរបស់កីឡដ្ឋាន Ethihad ដើម្បីជាសញ្ញានៃការទទួលស្គាល់ឋានៈរបស់កីឡាករទាំងពីនេះថាជាវីរបុរសរបស់ក្លឹប។ ប្រភពអះអាងថាទាំង Kompany និង Silva បានឃើញរូបភាពទាំងនេះហើយមានការសប្បាយចិត្តជាខ្លាំង។
ក្រៅពីអ្នកទាំងពីរនេះ កីឡាករ Sergio Aguero ក៏ធ្វើជារូបចម្លាក់ដាក់តាំងផងដែរ ក្នុងនាមជាកីឡាករស៊ុតបញ្ចូលទីច្រើនជាងគេរបស់ Manchester City។ Aguero, Silva និង Kompany សុទ្ធតែជាកីឡាករដ៏សំខាន់ក្នុងការធ្វើឱ្យ Man City ក្លាយជាក្រុមខ្លាំងនៅ Premier League ដូចសព្វថ្ងៃនេះ។
ពួកគេបានដឹកនាំក្លឹបឱ្យឈ្នះពានរង្វាន់ក្របខ័ណ្ឌ Premier League ចំនួន ៤ ជាលើកដំបូងរបស់ខ្លួន ខណៈដែល Aguero ក៏ជាផ្នែកមួយនៃក្រុមដែលជួយលើកពានទី ៥ កាលពីដើមឆ្នាំនេះ។
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
