Caballero ថាកីឡាកររូបនេះ ប្រៀបដូចជាម៉ាស៊ីន ល្មមអាចធៀបនឹង Michael Jordan
បើសួរអ្នកគាំទ្រវិស័យកីឡាបាល់បោះ នោះប្រាកដជាស្គាល់ច្បាស់ណាស់អតីតវីរបុរសលោក Michael Jordan ដែលបច្ចុប្បន្នលោកបានចូលនិវត្តហើយ និងបានបញ្ចេញនៅវីដេអូឯកសារសង្ខេបពីជោគជ័យរបស់លោកមួយលើ Netflix ឲ្យឈ្មោះថា "The Last Dance"។
បង្វែរមកក្នុងវិស័យបាល់ទាត់យើងឯណេះវិញ អ្នកចាំទីធ្លាប់លេងឲ្យ Chelsea លោក Willy Caballero ក៏បានបង្ហាញការយល់ឃើញគួរឲ្យចាប់អារម្មណ៍មួយផងដែរ ដោយថា Lionel Messi គឺអាចប្រដូចទៅនឹង Michael Jordan។
អ្នកចាំទីវ័យ ៣៩ ឆ្នាំនិយាយប្រាប់ Goal ដូច្នោះថា៖ "ការដែលលេងទល់ Messi គឺជាសុបិន្តដ៏អាក្រក់មួយ ព្រោះក្នុងក្រុមរបស់អ្នកនឹងផ្តោតតែលើ Messi ហើយបន្សល់ចន្លោះដល់កីឡាករដទៃទៀត តែមិនចប់នោះទេសុខៗក៏នៅតែរំលេចចេញម្នាក់ទៀតមកដដែលនោះគឺជា Messi"។
លោកបន្ត៖ "ខ្ញុំធ្លាប់មានឱកាសហ្វឹកហាត់ជាមួយគាត់នៅជម្រើសជាតិ គាត់ដូចជាម៉ាស៊ីន មិនថាតែពេលគាត់ហ្វឹកហាត់ គឺគាត់តែងតែចង់ឈ្នះ ហើយប្រសិនអ្នកបានមើលឯកសារ The Last Dane របស់ Michael Jordan ហើយ អ្នកនឹងយល់ថា Messi ដូចគ្នា គាត់មិនទទួលយកបរាជ័យនោះឡើយ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
