“ អាទិភាពទីមួយរបស់Jesse គឺចូលក្នុងក្រុមរបស់យើង” លោក Ole ផ្តល់បង្ហាញបច្ចុប្បន្នភាពអំពីអនាគតរបស់ Lingard
នៅពេលសួរអំពីអនាគតរបស់ Jesse Lingard លោក Ole Gunnar Solskjaer បាននិយាយនៅក្នុងសន្និសីទសារព័ត៌មានមុនការប្រកួត Southampton ថា៖“ ខ្ញុំគិតថាអាទិភាពទីមួយរបស់ Jesse គឺចង់ចូលក្រុមរបស់យើង។
“ នៅពេលណាអ្នកមានបុគ្គលិកក្នុងក្រុម Manchester United នោះគឺជាអាទិភាពទីមួយរបស់អ្នក វាគឺបែបនេះ!យើងមានពេលវេលាល្អជាមួយគ្នា"។
"ក្នុងនាមជាអ្នកចាត់ការទូទៅជាមួយកីឡាករ និងក្រុមផ្ទាល់! ខ្ញុំពិបាកនិយាយថាចុងសប្តាហ៍នេះអ្នកមិនបានលេងទេ។ ខ្ញុំត្រូវទុកកីឡាករចេញពីជម្រើស ១១ នាក់ដំបូង និងក្រុមទាំងមូល ខ្ញុំមិនអាចនិយាយបែបនេះបានទេ។ ត្រូវចងចាំថាពួកគេនឹងចូលរួមចំណែក ប្រសិនបើយើងនឹងទទួលបានជោគជ័យ” ។
គ្រូបង្វឹកសញ្ជាតិន័រវេសរូបនេះបានបន្ថែមថា៖“ Jesse បានត្រឡប់មកវិញ ជាមួយភាពរឹងមាំ និងពិតជាលេងបានល្អនៅក្នុងការប្រកួតមិត្តភាពបិទទ្វារ ហើយគាត់មានកាយសម្បទារឹងមាំឡើងវិញហើយ” ។
Lingard រកបានមួយគ្រាប់ ខណៈបិសាចក្រហមផ្តួល Burnley ក្នុងការប្រកួតមិត្តភាព។ ទោះយ៉ាងណាក្ដី! កីឡាករវ័យ ២៨ ឆ្នាំរូបនេះមិនស្ថិតក្នុងជម្រើសដំបូងរបស់លោក Ole ក្នុងតំណែង១១នាក់ ហើយកីឡាករខ្លួនឯងក៏ព្រួយបារម្ភផងដែរ។
កិច្ចសន្យារបស់គាត់នឹងផុតកំណត់នៅរដូវក្តៅក្រោយ ហើយគាត់ត្រូវបានផ្សារភ្ជាប់ជាមួយនឹងការផ្ទេរជាអចិន្ត្រៃយ៍ទៅកាន់ក្លឹប West Ham ៕
ប្រភព៖ MEN
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
