តើមានអ្វីកើតឡើងចំពោះ Angel Gomes ក្រោយចាកចេញពី United?
Angel Gomes បានចាកចេញពី Man United កាលពីឆ្នាំមុន បន្ទាប់ពីពិបាកតស៊ូដើម្បីទទួលបាននាទីលេងជាមួយក្រុមឈុតធំរបស់លោក Ole Gunnar Solskjaer ។
កីឡាករសញ្ជាតិអង់គ្លេសរូបនេះត្រូវបានក្លិបយក្សLille ដែលជាម្ចាស់ជើងេក Ligue 1 ចុះហត្ថលេខាប៉ុន្តែរូបគេបន្តឱ្យទៅលេងខ្ចីជើងនៅលីគកំពូលព័រទុយហ្កាល់ ក្លិប Boavista ។
Gomes ពិតជារីករាយជាមួយយុទ្ធនាការដ៏សំបូរបែបជាមួយក្រុមមានមូលដ្ឋាននៅព័រទុយហ្កាល់ដោយស៊ុតបញ្ចូលទីបាន ៦ គ្រាប់និងបញ្ជូនបាល់ឲ្យមិត្តរួមក្រុមស៊ុតបញ្ចូលទីបាន ៦លើកក្នុងការបង្ហាញខ្លួន ៣០ ប្រកួត។ ខ្សែបម្រើប្រយុទ្ធរូបនេះបានបង្កើតពេលវេលាដ៏គួរឱ្យចងចាំជាច្រើនរួមទាំងការបញ្ជូនបាល់៣លើកក្នុងមួយប្រកួតក្នុងការប្រកួតលីកដំបូងរបស់គាត់សម្រាប់ក្រុម Boavista ។
គាត់បានរកគ្រាប់បាល់លើកដំបូងបំផុតឱ្យBoavistaដោយការស៊ុតពីចម្ងាយបញ្ចូលទីយ៉ាងអសា្ចរ្យ។ ពេលនេះ Gomes បានវិលត្រឡប់មកកាន់ទីក្រុង Lille វិញសម្រាប់រដូវកាលបច្ចុប្បន្ន និងជាផ្នែកមួយនៃក្រុមឈុតរបស់ពួកគេផងដែរ។
គាត់បានអង្គុយលើកៅអីបម្រុងពេញមួយប្រកួត ក្នុងការប្រកួតដែល Liile បានផ្តួល PSG ដណ្ដើមយកពានរង្វាន់ Trophee des Champions (ពានបើករដូវកាលរបស់បារាំង) កាលពីដើមខែនេះ។
ខណៈដែលកីឡាករវ័យ ២០ ឆ្នាំនៅតែមិនទាន់បង្ហាញខ្លួននៅរដូវកាលនេះ វាហាក់ពិបាកសម្រាប់គាត់ តែយ៉ាងណា! គេរំពឹងថានឹងលេងបានច្រើនព្រមទាំងអាចជួយ Lille ការពារតំណែងជើងឯកបារាំងបានទៀតផង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
