Pogba មិនទាន់ទទួលយកសំណើបន្តកុងត្រារបស់ Man Utd ក្នុងតម្លៃ៤០០.០០០ ផោនក្នុងមួយសប្តាហ៍នៅឡើយទេ
ក្រុមបិសាចក្រហម Manchester United បានផ្តល់ជូនកុងត្រាថ្មីដល់ Paul Pogba ក្នុងតម្លៃ ៤០០.០០០ ផោនក្នុងមួយសប្តាហ៍ ប៉ុន្តែខ្សែបម្រើសញ្ជាតិបារាំងរូបនេះមិនប្រញាប់ប្រញាល់ទទួលយកវាទេ ខណៈដែលការវិលត្រឡប់ទៅមាតុភូមិវិញជាមួយ Paris Saint-Germain នៅតែជាលទ្ធភាពអាចកើតឡើង។
កីឡាករវ័យ ២៨ ឆ្នាំរូបនេះអស់កុងត្រានៅឆ្នាំ ២០២២ បន្ទាប់ពីបិសាចក្រហមភ្ជាប់ជម្រើសបន្តកុងត្រាថ្មីមួយឆ្នាំទៀតនៅរដូវក្តៅមុន។ យោងតាមប្រភពព័ត៌មានចក្រភពអង់គ្លេសលំដាប់លេខ ១ Pogba មិនប្រញាប់ប្រញាល់ក្នុងការទទួលយកសំណើចុងក្រោយរបស់ United ដែលយល់ព្រមបន្ថែមប្រាក់ឈ្នួលលើសពី ២៩០.០០០ ផោនក្នុងមួយសប្តាហ៍(កុងត្រាចាស់) ឡើងសល់ ៤០ម៉ឺនផោននោះទេ ដោយសារតែគាត់មានការខកចិត្តចំពោះការសម្រេចចិត្តរបស់ក្លឹបលើការបន្តកុងត្រាស្វ័យប្រវត្តិ(ជម្រើសបន្ថែម១២ខែ)។
ដូចនេះមានន័យថា គាត់នៅតែមានលទ្ធភាពចាកចេញពី Man Utd ទៅលេងនៅ PSG ហើយខាងក្លិបបារាំងនៅតែអាចចរចាយករូបគេទៅបាននៅប៉ុន្មានខែខាងមុខនេះ។
ជាក់ស្តែងក្រុមបិសាចក្រហមអាចលក់ខ្សែបម្រើរូបនេះក្នុងតម្លៃថោកនៅរដូវក្តៅនេះ ប្រសិនបើគាត់មិនបន្តកិច្ចសន្យានៅប៉ុន្មានសប្តាហ៍ខាងមុខនេះ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
