Toni Kroos ឆ្លើយបែបណា បើឲ្យជ្រើសយករវាង Ronaldo ឬ Messi?
សំណួរនៃការជ្រើសយករវាង Cristiano Ronaldo និង Lionel Messi វាត្រូវបានអ្នកគាំទ្រជាច្រើនចោទសួរគ្នាទៅមកជារឿយៗ ហើយឥឡូវក៏មករំលេចឡើងនៅនឹងមុខខ្សែបម្រើឆ្នើម Toni Kroos ផងដែរ។
តាមពិតទៅកីឡាករខ្លះ ដ្បិតបានលេងជាមួយតារាឆ្នើមមួយណាហើយក៏ដោយ តែការយល់ឃើញរបស់ពួកគេ ក៏មើលឃើញផ្សេង ហើយខ្លះក៏មើលឃើញផ្សេង។ ចុះចំណែកឯកីឡាករអាល្លឺម៉ង់ Kroos វិញ?
ចម្លើយគឺ Kroos ជ្រើសយក Ronlado។ លោកបាននិយាយ៖ "សម្រាប់ពេលវេលាឈរជើងរបស់ខ្ញុំមកទល់ពេលនេះ គឺ Cristiano Ronaldo [ជាកីឡាករល្អបំផុតគ្រប់ពេលវេលា] ដោយស្តាប់ទៅអាចថាខ្ញុំលំអៀងបន្តិច ព្រោះគាត់បានចូលរួមចំណែកនៅការឈ្នះពានរង្វាន់យើងជាច្រើន តែវាពិតជារំភើបនិងគួរឲ្យចាប់អារម្មណ៍ពេលលេងជាមួយ Ronaldo"។
កីឡាកររបស់ Real Madrid បន្ត៖ "យើងមិនត្រឹមតែជាមិត្តរួមក្រុមប៉ុណ្ណោះទេ តែប្រៀបដូចជាអ្នកជិតខាងនៅក្នុងបន្ទប់ផ្លាស់សំលៀកបំពាក់ និងជីវិតឯកជន ព្រោះការរស់នៅផ្ទាល់ក៏គាត់នៅក្បែរផ្ទះខ្ញុំដែរ ហេតុហ្នឹងហើយឲ្យខ្ញុំទៅជ្រើសយកឈ្មោះ Messi បានយ៉ាងម៉េចទៅ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
