លោក Ole ស្នើសុំឱ្យថ្នាក់ដឹកនាំ Man Utd ប្រកាសបង្ហាញខ្លួន Varane ក្នុងថ្ងៃប្រកួតបើករដូវកាលជាមួយ Leeds ហើយនេះជាមូលហេតុ
កាលពីថ្ងៃសៅរ៍ចុងសប្ដាហ៍មុនក្រុមបិសាចក្រហម Manchester United បានប្រកាសជាផ្លូវការនូវការចុះហត្ថលេខាលើកីឡាករ Raphael Varane ពីក្លិប Real Madrid ក្នុងតម្លៃ ៣៤ លានផោន។
កីឡាករសញ្ជាតិបារាំងរូបនេះត្រូវបានគេបង្ហាញជាផ្លូវការនៅ Old Trafford មុនការប្រកួតដំបូងរបស់បិសាចក្រហមរដូវកាល Premier League ឆ្នាំ ២០២១/២២ ទល់នឹង Leeds។
យោងតាមសារព័ត៌មាន The Athletic ដែលជាប្រភពលំដាប់ថ្នាក់លេខមួយ លោក Ole Gunnar Solskjaer ប្រាប់ថ្នាក់ដឹកនាំក្លិបឱ្យប្រកាសបង្ហាញខ្លួន Varane នៅ Old Trafford ក្រោមក្រសែភ្នែកអ្នកទស្សនាជាង៧ម៉ឺននាក់ដើម្បីបង្កើតពេលវេលាពិសេសមួយដល់កីឡាករផ្ទាល់ ក្លិបនិងអ្នកគាំទ្រ។
គ្រូបង្វឹកសញ្ជាតិន័រវេសត្រូវបានគេរាយការណ៍ថាជឿជាក់ថាការបង្ហាញខ្សែការពារកណ្តាលលំដាប់ពិភពលោករូបនេះ នៅចំពោះមុខហ្វូងអ្នកគាំទ្ររបស់ខ្លួនក្នុងផ្ទះខ្លួនឯង ជាការជំរុញដ៏ធំមួយដល់អ្នកគាំទ្រក្រុមមានភាពរីករាយឡើងវិញ និងផ្ដល់លក្ខណៈពិសេសឱ្យ Varane សប្បាយចិត្តជាមួយក្លិបផង៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
