Bruno ថាជាមួយនរណាមិនដឹងទេ តែជាមួយម្នាក់នេះ Assist ៥-៦ គ្រាប់/ប្រកួត ក៏ធ្វើបាន
ខ្សែបម្រើ Bruno Fernandes ដែលជាអ្នករកបានគ្រាប់បាល់ Hat-Trick បើកឆាកនៅការប្រកួតឲ្យក្លឹប Man Utd បាននិយាយសរសើរដល់កីឡាករឈ្នះជើងឯក World Cup គឺ Paul Pogba មិនដាច់ពីមាត់ ជាពិសេសគឺសមត្ថភាពនៃការ Assist បាល់របស់គេ។
ដូចអ្នកបានដឹងហើយនៅការប្រកួតទល់ Leeds United ថ្ងៃមុន គឺ Pogba បានបង្កើតបាល់ Assist ដល់ទៅ ៤ គ្រាប់ឯណោះក្នុងប្រកួតទោល ដែលវាជាកំណត់ត្រាទី ១ ក្នុងប្រវត្តិសាស្ត្រក្លឹប Man Utd ហើយជាទី ៨ ក្នុងប្រវត្តិសាស្ត្រក្របខ័ណ្ឌ Premier League។
យ៉ាងណា Fernandes បាននិយាយប្រាប់ MUTV ថាវាមិនទាន់អស់នោះទេ ដោយ Pogba ប្រាកដជាអាចធ្វើបានល្អជាងហ្នឹងបន្ថែមទៀត។ កីឡាករព័រទុយហ្គាល់និយាយ៖ "គេធ្វើបានល្អខ្លាំងណាស់ សមជាកីឡាករកំពូលមួយរូប គ្រប់គ្នាដឹងហើយថា Pogba នឹងកាន់តែល្អប្រសើរឡើង ព្រោះខ្ញុំក៏គិតដែរថាគេនឹងធ្វើបានច្រើនបន្ថែមទៀត"។
លោកបន្ត៖ "ខ្ញុំច្បាស់ណាស់ថា Paul នឹងអាចធ្វើបានដល់ Assist ៥ ឬ ៦ គ្រាប់ក្នុងមួយប្រកួតទៀតផង ពួកយើងដឹងច្បាស់ពីគុណភាពរបស់គេ ពីទម្រង់លេងរបស់គេដែលជួយឲ្យក្រុមទទួលបានលទ្ធផលល្អប្រសើរ"៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
