Bruno ថាគុណភាពរបស់Pogba អាចបញ្ជូនបាល់ឱ្យមិត្តរួមក្រុម ៥ទៅ៦លើកក្នុងមួយប្រកួត
និយាយអំពីគុណភាពរបស់ Paul Pogba បន្ទាប់ពីការប្រកួត Leeds United ខ្សែបម្រើ Bruno Fernandes បានប្រាប់ MUTV ថា៖ “ គាត់ពិតជាអស្ចារ្យ។ គាត់ពិតជាធ្វើបានល្អ ហើយគាត់គឺជាកីឡាករដ៏ធំម្នាក់"។
“ អ្នករាល់គ្នាដឹងហើយ ខ្ញុំសង្ឃឹមថាគាត់អាចបន្តល្អប្រសើរជាងមុន ព្រោះខ្ញុំគិតថាគាត់នៅតែអាចធ្វើបានច្រើនទៀត។
“ ខ្ញុំប្រាកដណាស់ថា Paul អាចធ្វើបាន ៥ ឬ ៦ ដងក្នុងមួយប្រកួត! Paul គឺជាកីឡាករដែលមានគុណភាព។ យើងទាំងអស់គ្នាជឿជាក់លើគាត់ យើងទាំងអស់គ្នាដឹងពីគុណសម្បត្តិរបស់គាត់"។
“ ចំនុចសំខាន់គឺការបង្ហាញទម្រង់លេងទាំងនោះ និងដើម្បីជួយឱ្យក្រុមនេះធ្វើបានល្អជាងមុន ហើយខ្ញុំប្រាកដថា Paul នៅទីនេះដើម្បីធ្វើវាបន្តទៀត” ។
Fernandes និង Pogba បានរួមគ្នាផ្ដួលក្រុម Leeds កាលពីថ្ងៃសៅរ៍ ដោយកីឡាករជម្រើសជាតិព័រទុយហ្កាល់បានស៊ុតបាល់បញ្ចូលទី៣គ្រាប់ ហើយកីឡាករសញ្ជាតិបារាំងរូបនេះបញ្ជូនបាល់ ៤ គ្រាប់ក្នុង ១ ប្រកួត។
លោក Ole Gunnar Solskjaer សង្ឃឹមថាខ្សែបម្រើឆ្នើមរបស់គាត់អាចរក្សាភាពស្ថិតស្ថេរនេះពេញមួយរដូវកាល ដើម្បីជួយបិសាចក្រហមបន្តប្រកួតប្រជែងពានរង្វាន់ Premier League ៕
រក្សាសិទ្ធិដោយ៖ ក្នុងស្រុក
អំពីអ្នកសរសេររបស់យើង៖ PECH PHEARUN
Tel:
ព័ត៌មានថ្មីៗ
