(វីដេអូ) អ្នកគាំទ្រ City នាំគ្នាស្រែកដៀលកីឡាករ Man Utd ២ រូប ថាធ្វើឲ្យអង់គ្លេសអាប់មុខ
នៅការប្រកួតក្នុងកីឡដ្ឋានរបស់ក្លឹប Tottenham កាលពីយប់មិញ គេបានប្រទះឃើញក្រុមអ្នកគាំទ្រ Man City មួយចំនួន បានស្រែកដៀលឈ្មោះកីឡាករ Man Utd ២ រូប ដែលជាដើមហេតុធ្វើឲ្យក្រុមជម្រើសជាតិអង់គ្លេសអាប់មុខនៅព្រឹត្តិការណ៍ Euro 2020។
នោះគឺពួកគេស្រែកឈ្មោះខ្សែប្រយុទ្ធ Jadon Sancho និង Marcus Rashford។ ជាការពិតតារាឆ្នើមក្លឹប Man Utd ទាំងពីរ បានខកខានការបញ្ចប់បាល់ប៉េណាល់ទីនៅវគ្គផ្តាច់ព្រ័ត្រ Euro 2020 ជួយឲ្យអ៊ីតាលីលើកពានកាលពីពេលកន្លងទៅ។
គេបានឃើញមនុស្សរាប់រយនាក់ប្រមូលផ្តុំគ្នា ស្រែកឈ្មោះ Sancho និង Rashford អមជាមួយពាក្យថា "ធ្វើឲ្យប្រទេសអាប់មុខ" នៅកំឡុងការប្រកួតទល់ Tottenham Hotspur។ ទស្សនាវីដេអូខាងក្រោម៖
https://twitter.com/i/status/1426922575813300226
បញ្ជាក់ដែរថា ប្រកួតជុំទី ១ សម្រាប់ City គឺបានរងបរាជ័យក្រោមលទ្ធផល ០-១ ទល់ម្ចាស់ផ្ទះ Spurs កាលពីយប់មិញ ស្របពេលដែល Man Utd យកឈ្នះទៅលើ Leeds United ដោយលទ្ធផលគាប់ចិត្ត ៥-១៕
ប្រភព៖ បរទេស | ប្រែសម្រួល៖ ក្នុងស្រុក
ព័ត៌មានថ្មីៗ
